Nehemiya 1:1 - Dewtere Laamɗo Fulfulde Burkina Faso

¹ Inan haalaaji Nehemiya ɓii Haakaliya. Hitaande noogayaɓerde laamu Artajerjes ley lewru Kisilew, miin Nehemiya, miɗo tawa ley laamorde huɓeere Suus mawnde.

Nehemiya 1:1 ပူးပေါင်းရင်းမြစ်များ

Isira 10:9

Ley balɗe tati ɗeen, yimɓe Yahuuda e Benyamin fuu kawriti huɓeere Urusaliima, 20 lewru jeenayaɓurdu. Ɓe fuu ɓe kawriti ɓe njooɗii nder njaayri suudu Dewal Laamɗo, iɓe ndiwna kulol saabe ko ɓe noddira ɗuum, wooɗi tawi ƴuwoonde du ina toɓa sanne.

Isira 7:7

Hitaande jeɗɗaɓerde laamu Artajerjes, Isira e woɓɓe ley Israa'iilankooɓe e almaami'en e Lewinkooɓe e yimooɓe e reenooɓe dammbuɗe e gollooɓe ley suudu Dewal Mawndu mburtii leydi Baabiila ngarti huɓeere Urusaliima.

Nehemiya 10:1

Saabe ko waɗi ɗuum, min ngaɗi amaana ley ɓataaki. Maande mawɓe amin e Lewinkooɓe e almaami'en waɗaa dow ɓataaki kiin.

Nehemiya 2:1

Hitaande noogayaɓerde laamu Artajerjes, nyannde gomma ley lewru Nisan, cabijam waddaa yeeso kaananke. Ndeen adumi yardude cabijam ɗaam, ciiwammi mo, tawi abada mi waraay yeeso makko miɗo ɓalini si wanaa nyannde ndeen.

Nehemiya 5:14

Nde gaɗanoomi goforneer leydi Yahuuda ndeen, wo gilla Artajerjes na laamorii duuɓi 20 faa hewti duuɓi 32, ɗum woni duuɓi 12. Ley duuɓi ɗiin fuu, miin e sakiraaɓe am, fay gooto amin nyaamaay nyaamdu ndu goforneer jeyi hokkeede.

Ester 1:2

Wakkati majjum, tawi kaananke Jerjes na jooɗi dow jooɗorgal laamu muuɗum, ley huɓeere laamorde Suus mawnde.

Ester 3:15

Yaarooɓe kabaaruuji mburtodii e ɓataakiiji ɗiin ley laamordu e haraare, ngoynii ley huɓeere Suus mawnde ndeen fuu. Wakkati majjum kaananke e Haman na njooɗodii na njara cabijam, tawi huɓeere ndeen fuu na wemmbii.