Matta 6:9 - Dewtere Laamɗo Fulfulde Burkina Faso

⁹ Onon le, inan no ndu'ortoɗon: Baaba amin gonɗo dow kammuuli, innde maa laatoo seniinde.

Matta 6:9 ပူးပေါင်းရင်းမြစ်များ

2 Samuwiila 7:26

Innde maaɗa teddinee faa abada, wi'ee «Joomiraaɗo Jom kammu e leydi oon woni Laamɗo Israa'iila.» Ƴuwdi am miin maccuɗo maaɗa du tabintinee yeeso maaɗa.

1 Kaanankooɓe 8:43

kettindanoɗaa mo faa dow kammu to joonnde maaɗa toon, ngaɗanaa mo ko o ŋaarii ma fuu. Ngaɗiraa noon faa lenyi adunaaru fuu paama baawɗe innde maaɗa de kule hono no yimɓe maaɗa Israa'iila'en. Ɓe paama du, suudu ndu nyiɓumi nduun, wo teddinirdu innde maaɗa.

1 Kabaaruuji Laamiiɓe 17:24

Waɗu konngol ngool tabita faa innde maaɗa heɓa teddeengal faa abada wooɗi du nanee ko Joomiraaɗo Jom Kammu e Leydi, wo kam woni Laamɗo Israa'iila. Waɗu ƴuwdi maccuɗo maaɗa Daawda tabita yeeso maaɗa faa abada.

Nehemiya 9:5

Lewinkooɓe: Yesuwa e Kadamiyel e Baanii e Haasibuneya e Seraabiya e Hoodiya e Sabaniiya e Petahiya mbi'i Israa'iila'en: — Ummee! Mannee Joomiraaɗo, Laamɗo mooɗon faa abadaa! — Innde ma manee, aan mo teddeengal mum ɓuri miilooji tagaaɗo!

Lewinkooɓe 10:3

Muusaa wi'i Haaruuna: — Joomiraaɗo haaliino haala majjum nde wi'unoo: Miin Joomiraaɗo, mi ndaardee mi ceniiɗo hakkunde ɓattotooɓe kam. Lenyol ngool fuu teddina kam. Haaruuna heddii na deƴƴinii.

Matta 10:29

Wanaa pooloy ɗiɗoy ina coottee mbuuɗu ngootu tan naa? Ammaa e noon fu, fay gootel e makkoy yanataa e leydi tawa wanaa e muuyɗe Baaba mooɗon oon.

Matta 23:9

Taa mbi'ee fay gooto «Baabiiwo» e adunaaru. Sabo Baabiiwo gooto tan njogiɗon, gonɗo dow kammu oon.

Matta 26:29

Miɗo haalana on: mi yarataa cabijam ɗam katin si wanaa nyannde nde njardowammi e mooɗon kesam ley laamu Baaba am.

Matta 26:42

O yehi katin, o du'ii, o wi'i: — Baabiiwo, si tawii horde bone nde waawaa woɗɗineede si wanaa mi yara ɗum fu, muuyɗe maa laatoo.

Matta 5:16

Hono noon annoora mooɗon haani yaynirde yeeso yimɓe, faa nji'a golleeji lobbi ɗi ngaɗoton, de njetta Baaba mooɗon gonɗo dow kammuuli oon.

Matta 5:48

Ndelle, laatoɗon hiɓɓuɓe, hono no Baaba mooɗon gonɗo dow kammuuli oon hiɓɓiri ni.

Matta 6:14

Ndelle, si on njaafake waɗooɓe on hakkeeji, Baaba mooɗon gonɗo dow kammuuli oon du yaafoto on.

Matta 6:6

Onon kaa, nde ndu'otoɗon fuu, naaton ley cuuɗi mon, ommbon dammbugal, de ŋaaroɗon Baaba mon e suuraare. Ndeen, Baaba mon ji'oowo ko suuɗii oon, yoɓan on.

Matta 7:11

No mbonirɗon ni fuu, oɗon anndi no kokkirton ɓiɓɓe mon kulle lobbe, sakko Baaba mooɗon gonɗo dow kammuuli oon. Imo hokka ŋaariiɗo mo fuu ko moƴƴi.

Luuka 15:18

Mi ummoto, mi hoota to baaba am, mi wi'a ɗum: Baaba, mi toonyake jom kammuuli, mi toonyake ma aan du,

Luuka 15:21

Ɓiɗɗo oon wi'i mo: «Baaba, mi toonyake jom kammuuli, mi toonyake ma, mi haandaa e fay wi'eede ɓiya katin!»

Luuka 2:14

— Manngu woodanii Laamɗo faa dow kammuuli, dow leydi du jam woodanii yimɓe ɓe o horsini.

Yuhanna 20:17

Iisaa wi'i mo: — Taa meemam, sabo mi ƴeeŋaay to Baabiiwo tafon. Yahu to sakiraaɓe am, mbi'aa ɓe mi ƴeeŋan mi yaha to Baaba am, wo Baaba mooɗon du, to Laamɗo am, wo Laamɗo mooɗon du.

Romankooɓe 1:7

Miɗo jowta on fuu, onon wonɓe ley Roma ɓe Laamɗo horsini de noddi faa laatoo seniiɓe. Wo Laamɗo Baaba meeɗen e Joomiraaɗo men Iisaa Almasiihu kokku on moƴƴere e jam.

Romankooɓe 8:15

Laamɗo hokkaay on Ruuhu gaɗoowo on maccuɓe faa ngarton e kulol. O hokkii on Ruuhu gaɗoowo on ɓiɓɓe Laamɗo. Kam waɗata faa noddiren Laamɗo «Abba».

Galaatiyankooɓe 1:1

Ɓataaki ki to am ƴuuri, miin Pool nulaaɗo. Wanaa yimɓe nuli kam, baawɗe neɗɗo fuu nulaay kam. Iisaa Almasiihu jaati nuli kam, kam e Laamɗo Baaba meeɗen ummintinɗo mo e maayde oon.

Galaatiyankooɓe 4:6

Saabe wo on ɓiɓɓe Laamɗo du, o nuli Ruuhu Ɓiyiiko oon e ley ɓerɗe meeɗen. Ruuhu oon waɗata de noddiren Laamɗo «Abba».

1 Timote 6:16

Kam tan woni keddotooɗo, gonɗo ley annoora mo fay gooto waawaa ɓadaade. Neɗɗo fay gooto yi'aay ɗum, waawaa yi'ude ɗum du. Teddeengal e baawɗe duumiiɗe ngoodan mo. Aamiina.

1 Piyeer 1:17

Oɗon noddira Laamɗo Baaba mooɗon. Kanko woni carortooɗo mono fuu e golle muuɗum, o ɓurdintaa yimɓe. Ndelle kulee mo ley ko ngaɗoton fuu, faa ɗo mbeerka mooɗon haaɗi e adunaaru.

Holleede 4:11

«Joomiraaɗo amin, Laamɗo amin, aɗa foti heɓude darja e teddeengal e baawɗe, sabo aan tagi huunde fuu. Wo saabe muuyɗe maa ɗum laatorii, wo saabe muuyɗe maa tagirɗaa ɗum.»

Holleede 5:12

iɓe njimira daaɗe toowɗe, iɓe mbi'a: «Jawgel kirsanoongel ngel ina foti e heɓude baawɗe e jawdi e hakkilantaaku e semmbe e teddeengal e darja e manoore!»