Matta 6:16 - Dewtere Laamɗo Fulfulde Burkina Faso

¹⁶ — Si on cuumake, taa njurminkinee hono munaafiki'en ɓeen: ɓe ɓalinto, yalla yimɓe fuu ina anndita ɓe suumiiɓe. Goonga kaalanammi on: ɓe keɓii mbarjaari maɓɓe faa timmi.

Matta 6:16 ပူးပေါင်းရင်းမြစ်များ

Nehemiya 1:4

Nde nannoomi ɗum fu, njooɗiimi miɗo woya, ngaɗumi balɗe keewɗe ley mettorgal ɓernde, miɗo suumii, miɗo waɗa du'aare yeeso Laamɗo Toowɗo.

Luuka 18:12

Miɗo suumoo e ley jeɗɗiire fuu kile ɗiɗi, miɗo itta jakka e huunde fuu ko keɓumi.»

Marka 2:18

Taalibaaɓe Yaayaa e Farisa'en ina cuumoo. E ley ɗuum, yimɓe ngari, ƴami Iisaa: — Ko waɗi de taalibaaɓe Yaayaa e taalibaaɓe Farisa'en ina cuumoo, de ɓe maa ɓeen cuumataako?

Golle Nelaaɓe 14:23

E ley kawrite goonɗinɓe ɗeen fuu, ɓe cuɓanii ɗum'en mawɓe. Caggal ɗuum, ɓe cuumii, ɓe ndu'ii, ɓe kalfini ɗum'en Joomiraaɗo mo ɓe ngoonɗini oon.

Matta 6:5

— Si oɗon ndu'oo, taa ngaɗon no munaafiki'en ni. Kamɓe, iɓe njiɗi daraade ley cuuɗi baajorɗi e hakkunde to laabi kawrata, de ɓe ngaɗa du'aare yalla yimɓe fuu ina nji'a ɓe. Goonga kaalanammi on, ɓe keɓii mbarjaari maɓɓe faa timmi.

Matta 6:2

Ndelle, si aɗa itta jakka, taa feeka faa yimɓe nji'e. Wo hono noon munaafiki'en ɓeen ngaɗata ley cuuɗi baajorɗi e dow laabi faa yimɓe mana ɗum'en. Goonga kaalanammi on, ɓe keɓii mbarjaari maɓɓe faa timmi.

Ester 4:16

— Yahu hawrondinoy Yahuudiyankooɓe wonɓe ley huɓeere Suus fuu, de cuumanoɗon kam. Balɗe tati, taa nyaamon, taa njaron. Miin e gollooɓe am rewɓe du, min ngaɗiran noon. Caggal ɗuum, mi yahan to kaananke fay si na ɗum laati mboɗaa. Fay si tawi mi maayan sey mi maaya.

2 Samuwiila 12:16

Daawda nyaagake Laamɗo saabe cukalel ngeel, suumii, naati ley suudu, waalii e leydi.

1 Kaanankooɓe 21:27

Nde Ahabi nannoo haalaaji ɗiin fu, seeki kaddule muuɗum, ɓornii bootooji, na suumi. O ɓortataako bootooji ɗiin fay si imo fukko. Imo yaha o cuniiɗo sanne.

2 Korintunkooɓe 11:27

Mi gollii sanne, faa mi tampii. Jemmaaji keewɗi mi ɗaanataako. Wakkatiiji keewɗi miɗo yolbi, miɗo ɗomɗi, miɗo suumoo, miɗo jaangee, miɗo holi.

1 Korintunkooɓe 7:5

Taa fay gooto mooɗon salanoo banndum si wanaa e dow ko ndewruɗon wakkati seeɗa faa ngaɗon du'aare. Ammaa caggal ɗuum, keddodoɗon ngondon no haaniri ni, taa mbaason nanngitaade de Seyɗaani jarriboo on.

Luuka 2:37

de maayi. O heddii o walaa goriiwo. Joonin duuɓi makko ina ngaɗa 84. O dillataa suudu dewal mawndu nduun fey, imo rewra Joomiraaɗo suumayeere e du'aare, jemma e nyalooma fuu.

2 Samuwiila 12:21

Maccuɓe makko mbi'i mo: — Min paamaay no ngaɗataa nii. Wakkati cukalel ngeel wuurnoo ndeen, a suumake, a woyii ngel. Ammaa joonin ko ngel maayi, a ummake, aɗa nyaama.

2 Korintunkooɓe 6:5

ley piiɗe, ley kasu, ley muurtere, ley tampiri, ley rafi ɗoyngol, ley rafo.

Golle Nelaaɓe 10:30

Korneliyus jaabii, wi'i: — Hannden woni balɗe nay, miɗo waɗa du'aare ley suudu am e wakkati hono o, yamnde tati ni, faa gorko mo kaddule jalbooje wari, darii yeeso am,

Matta 6:1

— Tinnee taa ngaɗiron golleeji mooɗon lobbi faa yimɓe nji'a on. Si on ngaɗii ɗum fu, on keɓataa mbarjaari to Baaba mooɗon gonɗo dow kammuuli oon.