Matta 5:22 - Dewtere Laamɗo Fulfulde Burkina Faso

²² Miin kaa miɗo wi'a on: tikkanɗo sakiike muuɗum fuu, ina haani sareede. Bi'uɗo sakiike muuɗum wo cuubaaɗo fu, ina jeyi darneede yeeso sariya laamu. Katin du, neɗɗo fuu biiɗo mo wo o jiiɓiiɗo, ina haani naatude yiite jahannama.

Matta 5:22 ပူးပေါင်းရင်းမြစ်များ

Fuɗɗoode 37:4

Mawniraaɓe ɓeen nji'i no o yiɗiri Yuusufi faa ɓuri ɓiɓɓe makko fuu. Saabe ɗuum de kiri Yuusufi, ɓe kunngii haaldude ɗum e jam.

Fuɗɗoode 37:8

Mawniraaɓe ɓeen njaabii mo, mbi'i: — Yalla laamaade min njiɗɗaa naa? Laataade joomii amin kaajaɗaa naa? Ɓe ɓeydi wanyude mo saabe koyɗi makko e haalaaji makko.

2 Samuwiila 16:7

Simey na yaha, na wi'a: — Woɗɗa! Woɗɗa aan dufoowo ƴiiƴam, kuyfuɗo!

2 Samuwiila 6:20

Daawda du yeccii faa barkina wuro mum. Mikal ɓii Sawulu oon wurtii faa jaɓɓitoo mo de wi'i: — Haa! Hannden kaananke Israa'iila teddinii hoore mum! Ina ɓortii kaddule mum yeeso horɓe gollooɓe mum hono neɗɗo kuyfuɗo!

1 Kaanankooɓe 21:4

Ndeen ɓernde Ahabi metti sanne. O naatowi ley suudu makko, imo sunii saabe haala ka Nabot haali mo kaan. Sabo wi'ii mo: «Mi hokkataa ma ko ndonumi baabiraaɓe am.»

Nehemiya 5:8

Mbiimi ɓe: — En ngaɗii haddu baawɗe meeɗen, en ndimɗinii Yahuudiyankooɓe sakiraaɓe meeɗen sonniranooɓe lenyi janani. De joonin onon e ko'e mooɗon, on connii sakiraaɓe mooɗon. On connirii ɓe woɓɓe hakkunde meeɗen. Ndeen ɓe fuu, ɓe ndeƴƴinii sabo ɓe keɓaay ko ɓe njaaboo.

Banndi 14:16

Jom hakkillo na hula bone, de woɗɗoo ɗum, de puuyɗo kaa hillaaka, ina hoolii hoore mum.

Banndi 18:6

Ɗemngal puuyɗo na fooɗa hamre, ingal rimana ɗum loosol.

Matta 10:17

Tinnoɗon e yimɓe ɓeen, sabo ɓe njaaran on to carorɗe, ɓe piyan on dorri ley cuuɗi maɓɓe baajorɗi.

Matta 10:28

Taa kulee warooɓe ɓanndu, de mbaawanaa yonkiiji. Wo Laamɗo kaanɗon hulude. Kam woni baawɗo halkude ɓanndu e yonki fuu ley jahannama.

Matta 12:24

Ammaa nde Farisa'en ɓeen nannoo ɗum ndeen, mbi'i: — Si gorko o na riiwa ginnaaji fu, wo e baawɗe Beeljebul, hooreejo majji o riiwrata ɗi.

Matta 17:5

O tilaaki e haalude, faa ruulde jalboore suddi ɓe. Daande ƴuuri ley ruulde ndeen, wi'i: — O woni Ɓiyam mo korsinmi, mo ceyortoomi. Kettindanee mo!

Matta 18:21

Ndeen Piyeer ɓattitii Iisaa, ƴami ɗum: — Joomam, si banndam toonyake kam fu, kile foti kaanumi yaafaade ɗum? Yalla kile jeɗɗi naa?

Matta 18:35

— Hono noon Baaba am gonɗo dow kammu oon waɗata neɗɗo fuu e mooɗon mo yaaforaaki sakiike mum ɓernde laaɓunde.

Matta 23:15

Bone woodanii on, onon jannginooɓe Tawreeta e Farisa'en, munaafiki'en! Oɗon njiiloo e leyɗe, oɗon peƴƴita maayooji faa keɓon tuubuɗo gooto. Si on keɓii ɗum fu, oɗon ngaɗa ɗum ɓii jahannama faa bura on bonde kile ɗiɗi.

Matta 23:33

Onon bolle, ɓiɓɓe poosoke! Walaa fuu no ndaɗiron halkere jahannama.

Matta 25:41

Caggal ɗuum, o wi'an wonɓe junngo makko nano ɓeen: «Mboɗɗee kam, onon huɗaaɓe Laamɗo! Njehee ley yiite duumiinge nge Laamɗo resani Ibiliisa e maleyka'en muuɗum ngeen!

Matta 26:59

Wooɗi, hooreeɓe almaami'en e jeyaaɓe e waalde Saahiiɓe ndeen fuu ina piloo fewre nde pelda Iisaa faa waree,

Matta 3:17

Wakkati oon du, daande ƴuuri dow kammu, wi'i: — O woni Ɓiyam mo korsinmi, mo ceyortoomi.

Matta 5:34

Miin kaa miɗo wi'a on: taa kunoɗon fey. Taa kunoroɗon kammu, sabo wo jooɗorgal Laamɗo.

Matta 5:44

Miin kaa miɗo wi'a on: njiɗee wayɓe on, ndu'anoɗon torrooɓe on.

Marka 14:55

Wooɗi, hooreeɓe almaami'en e jeyaaɓe e waalde Saahiiɓe ndeen fuu ina piloo ko pelira Iisaa faa waree, de ɓe keɓaay.

Marka 15:1

Nde naange fuɗunoo fu, hooreeɓe almaami'en e jannginooɓe Tawreeta e waalde Saahiiɓe ndeen fuu, tawti mawɓe du, ɓe fuu ɓe ndawridi. Ɓe kaɓɓi Iisaa, ɓe njaari ɗum, ɓe ngatti ɗum e juuɗe Pilaatu goforneer oon.

Luuka 12:5

Mi hollan on mo kaanɗon hulde: kulon baroowo neɗɗo, jogiiɗo baawɗe nannude ɗum ley jahannama. Goonga, miɗo wi'a on: oon kaanɗon hulude!

Luuka 22:66

Nde weetunoo ndeen, yimɓe Saahiiɓe ɓeen kawriti, ɓeen ngoni mawɓe lenyol maɓɓe e hooreeɓe almaami'en e jannginooɓe Tawreeta. Iisaa waddaa yeeso maɓɓe.

Yuhanna 11:47

Ndeen Farisa'en e hooreeɓe almaami'en kawrunduri waalde Saahiiɓe ndeen, mbi'i: — Gorko o ina waɗa kaayeefiiji keewɗi. Noy ngaɗeten?

Yuhanna 15:25

Ɗum waɗii faa tabintina ko winndaa ley Tawreeta maɓɓe: «Ɓe mbanyii kam ɓolum.»

Yuhanna 7:20

Yimɓe ɓeen njaabii mo: — Aan, a kaaŋaaɗo. Moy filotoo warude ma?

Yuhanna 8:48

Alhuudiyankooɓe mbi'i mo: — Wanaa min kaalii goonga ko min mbi'i a Samariyanke, a gonduɗo e ginnaaru naa?

Golle Nelaaɓe 17:18

Woɓɓe ley filotooɓe paamal wi'eteeɓe Epikuri'en e Sitoyko'en njaabunduri e makko. Woɓɓe ina mbi'a: — Ɗume borbortoowo o haalata? Woɓɓe du ina mbi'a: — Imo nanndi e baajotooɗo haala tooruuji janani. Walaa ko ɓe mbiiri noon si wanaa haala Iisaa e ummital maayɓe o waajinoo ɓe.

Golle Nelaaɓe 22:30

Jaango majjum, hooreejo oon haɓɓiti Pool, sabo na yiɗi tannyorde ko Alhuudiyankooɓe ɓeen mbullitii ɗum. O yamiri hooreeɓe almaami'en e waalde Saahiiɓe ndeen fuu kawrita. Caggal ɗuum, o waddi Pool, o darni ɗum yeeso maɓɓe.

Golle Nelaaɓe 23:1

Pool ndaari waalde Saahiiɓe ɓeen, wi'i: — Sakiraaɓe, wo ɓernde nde walaa feloore mbuurdumi yeeso Joomiraaɗo faa yottaade nyalooma hannden o.

Golle Nelaaɓe 24:20

Yimɓe ɓee ɗo, sanaa kam'en e ko'e muɓɓen kaala boofi ɗi nji'i e am nde ndarinoomi yeeso waalde Alhuudiyankooɓe Saahiiɓe ndeen.

Golle Nelaaɓe 4:15

Ɓe njamiri Piyeer e Yuhanna njalta sarorde ndeen. Iɓe ndawrida,

Golle Nelaaɓe 5:21

Nde ɓe nannoo ko maleyka oon wi'i fu, ɓe njehi, ɓe naatowi suudu dewal mawndu nduun gilla fajiri, iɓe njanngina. Ndeen Almaami Mawɗo oon e battaa'en muuɗum noddi waalde Saahiiɓe e mawɓe Israa'iila fuu batu. Ɓe njamiri nulaaɓe ɓeen ittowee to kasu toon, ngaddee.

Golle Nelaaɓe 5:27

Nde ɓe ngartirnoo nulaaɓe ɓeen fu, ɓe ndarni ɗum'en yeeso waalde Saahiiɓe ndeen. Almaami Mawɗo oon ƴami ɓe,

Golle Nelaaɓe 6:12

Nii ɓe umminiri hakkillooji jamaa oon e mawɓe ɓeen e jannginooɓe Tawreeta ɓeen. Ɓe ngari, ɓe nanngi Etiyen, ɓe njaari ɗum to waalde Saahiiɓe toon.

Golle Nelaaɓe 6:15

Saahiiɓe jooɗiiɓe ɗoon ɓeen fuu ndaari Etiyen faa wooɗi, nji'i yeeso makko ina wa'i hono yeeso maleyka ni.

Golle Nelaaɓe 7:37

Oon woni Muusaa biiɗo ɓiɓɓe Israa'iila: «Laamɗo nuldan on annabaajo hono am, sakiike mooɗon.»

Romankooɓe 12:10

Njiɗunduree njinngu sakiraagu, mono fuu teddina banndum faa ɓurna ɗum hoore muuɗum.

1 Korintunkooɓe 6:10

wuyɓe e haasidi'en, sulotooɓe e mbonkotooɓe e yanooɓe, fay gooto maɓɓe naatataa e laamu Laamɗo.

1 Korintunkooɓe 6:6

Ee, goonɗinɗo na yaara goonɗinɗo banndum faa saroo ɗum, wooɗi du wo yeeso yimɓe ɓe ngoonɗinaay!

Fillitagol 15:11

Talkaaɓe tawetee ley leydi mon wakkati fuu. Wo saabe ɗuum de miɗo hokka on yamiroore ndee: moƴƴanon sakiraaɓe mon talkaaɓe e tampuɓe wonɓe ley leydi mon.

Fillitagol 16:18

Ley galluuje ɗe Joomiraaɗo, Laamɗo mooɗon hokkata on fuu, cuɓoɗon ardiiɓe e sarortooɓe goonga e laaɓal hakkunde lenyi mon fuu.

1 Tesaloniyankooɓe 4:6

Fay gooto taa naata suudu banndum, taa waɗa ɗum ko boni. Sabo Joomiraaɗo woni jomnitotooɗo kulle ɗeen fuu. Min kaalanii on ɗum, min cappanii on.

Titus 3:2

Taa ɓe mbonkoo fay gooto. Sey ɓe laatoo jom'en heese, newiiɓe, ɓe kolla yimɓe fuu leeƴinkinaare hiɓɓunde.

Ibraninkooɓe 12:25

Ndelle tinnee taa calanoɗon Kaaldoowo e mooɗon oon. Sabo salinooɓe cappanɗo ɗum'en dow leydi ga ɓeen ndaɗaay, sakko enen si en calanake cappanoowo en gonɗo dow kammu oon.

Ibraninkooɓe 5:9

Saabe ko o hiɓɓiniraa hono nii ɗuum, imo waawi hokkude ɗowtaniiɓe mo ɓeen fuu kisindam nduumiiɗam.

Yaakuuba 2:20

Aan pamɗuɗo hakkillo! Aɗa haajaa holleede no goonɗinal ngal waldaa e golle fuu nafataa faa'e.

Yaakuuba 3:6

Ɗemngal du wo yiite. Ingal tummbii hakkunde ɓanndu, ingal heewi bonanda, ingal tuunina ɓanndu fuu. Ingal huɓɓiree yiite jahannama, ingal wula nguurndam meeɗen fuu.

1 Piyeer 2:23

Nde ɓe njennunoo mo ndeen, o yennitaaki ɓe. Nde ɓe torrunoo mo ndeen, o yomnitaaki ɓe e haala. O heɗorake ɓe Laamɗo carortooɗo laaɓal oon.

1 Piyeer 3:9

Taa njomnitoɗon ko boni, taa njennitee jennuɗo on. Ammaa mbarkinon joomum, sabo wo ɗuum Laamɗo noddiri on, faa hokka on barke.

1 Yuhanna 2:9

Biiɗo e annoora woni, tawi ina wanyi sakiike muuɗum fu, e nimre woni faa hannden.

1 Yuhanna 3:10

Inan ko hollata ɓiɓɓe Laamɗo e ɓiɓɓe Ibiliisa: mo gollataa ko fonnditii fuu, wanaa neɗɗo Laamɗo. Mo yiɗaa sakiraaɓe muuɗum du, hono noon worri.

1 Yuhanna 5:16

Ndelle, si won jiiɗo sakiike muuɗum ina waɗa hakke mo waddantaa ɗum maayde, o nyaaganoo ɗum Laamɗo, Laamɗo du hokkan ɗum nguurndam. De na woodi hakke gaddoowo maayde. Mi wi'aay nyaagoroɗon saabe hakke oon.

Yahuuda 1:9

Fay Miikaa'iilu, mawɗo maleyka'en oon, jaɓaay mbonkaade Ibiliisa hono noon. Nde kanko e Ibiliisa ngaɗidinnoo jeddi dow mooɓeede ɓanndu Muusaa ndeen, o jaɓaay saraade ɗum, de ko o wi'i ɗum tan wo: «Joomiraaɗo fele.»

Holleede 20:14

Maayde e laakara fuu paɗɗaa e weendu yiite nduun. Weendu nduun woni maayde ɗiɗaɓerde ndeen.