Matta 5:12 - Dewtere Laamɗo Fulfulde Burkina Faso

¹² Ceyee, mbeltee, sabo mbarjaari mawndi ina doomi on dow kammu. Sabo hono noon annabaaɓe artiiɓe on ɓeen torriraa.

Matta 5:12 ပူးပေါင်းရင်းမြစ်များ

Fuɗɗoode 15:1

Caggal ɗuum, konngol Joomiraaɗo wari e Abram, wi'i: — Taa hulu Abram! Miin woni wawaade maaɗa, mbarjaari maa mawnan sanne.

1 Kaanankooɓe 18:13

Joomam, a haalanaaka ko ngaɗumi wakkati Yesabel filinoo warude annabaaɓe Laamɗo naa? Mi suuɗii annabaaɓe 100, mi suuɗirii ɓe capanɗe njoyo njoyo ley lohi tefaaje, miɗo hokkara ɓe ko ɓe nyaama e ko ɓe njara.

1 Kaanankooɓe 18:4

Wakkati Yesabel warannoo annabaaɓe Joomiraaɗo ndeen, Obadiya suuɗii 100 maɓɓe. O suuɗiri ɓe capanɗe njoyo njoyo ley lohi tefaaje, imo hokkara ɓe ko ɓe nyaama e ko ɓe njara.

1 Kaanankooɓe 19:2

Ndeen Yesabel neli nelaaɗo to Iliyaasa, na wi'a: — Alla'en njukkoroo kam torra mawɗo, si jaango hono joonin mi waɗaay yonki maa hono no ngaɗɗaa yonkiiji annabaaɓe Ba'al noon.

1 Kaanankooɓe 21:20

Nde Ahabi yi'unoo Iliyaasa fu, wi'i: — Aan ganyo am, a yiitii kam katin naa? Iliyaasa jaabii, wi'i: — Mi yiitii ma sabo a sonnii hoore maaɗa faa ngaɗaa ko boni yeeso Joomiraaɗo.

1 Kaanankooɓe 22:8

Kaananke Israa'iila jaabii Yehosafat, wi'i: — Annabaajo Joomiraaɗo gooto tan woni leydi am ɗoo, mo mbaawɗen ƴamude ammaa miin kaa, miɗo wanyi mo sabo abada o haalaay lobba dow am. Annabaajo oon na wi'ee Mikaya ɓii Yimla. Yehosafat jaabii, wi'i: — Kaananke, taa wi'u noon!

2 Kaanankooɓe 1:9

Ndeen kaananke Ahajiya neli hooreejo sordaasiiɓe, yaada e worɓe 50 to Iliyaasa. Tawi Iliyaasa na jooɗii faa dow waamnde. Hooreejo sordaasiiɓe oon yottii wi'i mo: — Nelaaɗo Laamɗo, kaananke yamirii njippoɗaa!

Nehemiya 9:26

Ammaa ɓe muurtanii ma, ɓe njoppii jamirooje maaɗa. Ɓe mbari annabaaɓe maaɗa sellinɓe ɓerɗe maɓɓe de mbi'i ɓe ngarta dow laawol maaɗa. Ɓe kuyfinii innde maaɗa.

Banndi 11:18

Bonɗo heɓataana jawdi fewreeri, de aawɗo fonnditaare heɓan mbarjaari goongalaari.

Matta 16:27

Sabo Ɓii Neɗɗo oon wardan e maleyka'en muuɗum e ley teddeengal Baaba muuɗum. Wakkati oon, o barjoto mono fuu ko fotata e golle muuɗum.

Matta 6:16

— Si on cuumake, taa njurminkinee hono munaafiki'en ɓeen: ɓe ɓalinto, yalla yimɓe fuu ina anndita ɓe suumiiɓe. Goonga kaalanammi on: ɓe keɓii mbarjaari maɓɓe faa timmi.

Luuka 13:34

Kay Urusaliima, Urusaliima! Aɗa wara annabaaɓe, aɗa warda nulaaɓe to maa kaaƴe! Kile keewɗe njiɗumi hawrundurde ɓiɓɓe maa hono no cofal hawrundurta coppi muuɗum ley bippeele muuɗum ni. De on njaɓaay.

Luuka 6:23

Ceyoɗon nyannde ndeen, pittiron seyo, sabo mbarjaari mawndi ina woodani on dow kammu. Hono noon maamiraaɓe maɓɓe ngaɗannoo annabaaɓe.

Luuka 6:35

Onon le, njiɗee wayɓe on, ngaɗon moƴƴere, nyamloɗon tawee on miilaaki yoɓeede fey. Ndeen, on keɓan mbarjaari mawndi, on laatoto ɓiɓɓe Laamɗo Toowɗo, sabo oon ina waɗana bonnooɓe moƴƴere, ina waɗana bonɓe du.

Golle Nelaaɓe 16:25

Hakkunde jemma oon, Pool e Silas ina ngaɗa du'aare, ina njimana Laamɗo. Kasunkooɓe woɓɓe ɓeen du ina kettindanii ɓe.

Golle Nelaaɓe 5:41

Nulaaɓe ɓeen ndilli yeeso waalde Saahiiɓe ndeen. Ɓe ceyii sabo Laamɗo ndaardii ɓe iɓe poti huyfineede saabe innde Iisaa.

Romankooɓe 5:3

Wanaa ɗum tan, eɗen ceyoroo torraaji meeɗen du sabo eɗen anndi torraaji ndimata munyal,

1 Korintunkooɓe 3:8

Aawuɗo e jarnuɗo fuu potu. Mono e muɓɓen fuu barjete ko fotata e tampiri muuɗum.

2 Korintunkooɓe 4:17

Sabo torraaji ɗi min torretee ɗiin ina kuyfiti, ina paltoo law. De ɗi cegilanto min teddeengal manngal ngal timmataa, ɓurngal torraaji ɗiin abada.

Filipiyankooɓe 1:29

Laamɗo waɗanii on moƴƴere saabe Almasiihu. Wanaa faa ngoonɗinon mo tan nde waɗiraa, wo faa torreɗon saabe makko du.

Filipiyankooɓe 2:17

Ko ngollanton Laamɗo ko cakkoton ɗum yonkiiji mon ɗuum, na holla goonɗinal mooɗon. Fay si yonki am laatoto sadaka dufeteeɗo dow goonɗinal mooɗon ngaal, mi seyoto, mi weltodoto e mooɗon.

Koloosiyankooɓe 1:24

Almasiihu yardake torraaji. Kawrital goonɗinɓe laatiingal ɓanndu muuɗum ngaal du tilay yardoo torraaji. Joonin, miɗo seyorii torraaji ɗiin saabe mooɗon, sabo ɗum woni ngeɗu am to torraaji Almasiihu.

Koloosiyankooɓe 3:24

Anndon Joomiraaɗo barjoto on, hokkan on moƴƴereeji desanaaɗi yimɓe muuɗum. Sabo joomiiwo mo ngollanton oon wo Almasiihu.

1 Tesaloniyankooɓe 2:15

Kam'en mbari Joomiraaɗo meeɗen Iisaa. Ɓe mbari annabaaɓe. Wooɗi, ɓe torrii min minen du. Iɓe ngolla ko welaa Laamɗo, wo ɓe wayɓe yimɓe fuu.

Ibraninkooɓe 10:34

Si goonga du, on cunodake e uddaaɓe ley kasu, wooɗi on njaɓii teeteede ko njogiɗon ɗuum fuu. On njaɓirii ɗum seyo, sabo on anndii oɗon njogii ko ɓuri ɗuum fuu wooɗude, ko tabitata faa abada.

Ibraninkooɓe 11:26

Imo hiisorii huyfineede saabe Almasiihu ɓuri woodde diina jawdi Misira ndiin, sabo hakkillo makko na woni dow mbarjaari ngaroori ndiin.

Ibraninkooɓe 11:33

Yimɓe ɓeen fuu, wo goonɗinal waɗi ɓe njaalii kaanankooɓe, ɓe laamorii fonnditaare, ɓe keɓi ko Laamɗo aadii ɗuum. Kangal waɗi de ɓe muɓɓi kunnduɗe dawaaɗi ladde,

Ibraninkooɓe 11:6

Si neɗɗo walaa goonɗinal, waawaa welude Laamɗo. Sabo garɗo to Laamɗo fuu, tilay goonɗina imo woodi, goonɗina o barjoto filotooɓe mo ɓeen.

Yaakuuba 1:2

Sakiraaɓe am, nde tiiɗallaaji ɗi kawtaa sii ngari ndaartindaade on fu, tiigoree ɗum fuu seyo manngo.

Yaakuuba 5:10

Sakiraaɓe, miccitee annabaaɓe haaldunooɓe e innde Joomiraaɗo ɓeen. Munyal maɓɓe ley torra ina laatanii on alhaali, faa onon du munyiron noon.

1 Piyeer 4:13

Ammaa ceyee sabo ko kawtuɗon e Iisaa Almasiihu torraaji joonin ɗuum, faa ceyoɗon sanne ley ilinaali nde teddeengal makko ɓangi.

Ruttu 2:12

Joomiraaɗo yoɓe moƴƴere nde ngaɗuɗaa ndeen. Wo Joomiraaɗo, Laamɗo Israa'iila, mo ndekuɗaa jikke maaɗa dow muuɗum oon hiɓɓina mbarjaari maaɗa!