Matta 4:7 - Dewtere Laamɗo Fulfulde Burkina Faso

⁷ Iisaa jaabii mo, wi'i: — Ina winndaa katin: «Taa ndaartinda Laamɗo, Joomiraaɗo maa.»

Matta 4:7 ပူးပေါင်းရင်းမြစ်များ

Wurtagol 17:2

Ndeen ɓe umminani Muusaa fitina iɓe mbi'a: — Hokku min ndiyam min njara. Muusaa jaabii ɓe, wi'i: — Ko waɗi oɗon piloo haɓude e am? Ko waɗi oɗon ndaartinoo Joomiraaɗo?

Wurtagol 17:7

O inndiri nokkuure ndeen Massa e Meriba (ɗum na fiirta «Ndaartinaade» e «Luural») sabo wo ɗoon yimɓe Israa'iila luuri e Muusaa. Ɗoon du ɓe ndaartinii Joomiraaɗo, ɓe mbi'i: — Yalla Joomiraaɗo ina wondi e meeɗen naa waldaa e meeɗen?

Limle 14:22

fay gooto e yi'uɓe teddeengal am maa maandeeji kaayniiɗi ɗi ngaɗumi leydi Misira e ley ladde de calii hettindaade ko mbiimi, ndaartindii kam faa waɗi kile sappo ɓeen,

Matta 21:16

Ɓe mbi'i Iisaa: — A nanii ko cukaloy koy mbi'ata ɗuum naa? O wi'i ɓe: — Mi nanii. Yalla abada on janngaay ɗum ɗo: «A waɗii faa kunnduɗe sukaaɓe famarɓe e musinooɓe ina njette»?

Matta 21:42

Caggal ɗuum, Iisaa wi'i ɓe: — Yalla on njanngaay ko winndaa ley Binndi ɗiin ɗuum naa? «Hayre nde nyiɓooɓe ɓeen calii ndeen, wo kayre laatii hoore nyimngo ngoon. Ɗum wo golle Joomiraaɗo, wo ɗum haaynde e jiiɗe meeɗen!»

Matta 4:10

Iisaa wi'i mo: — Woɗɗam Seyɗaani! Sabo ina winndaa: «Wo Laamɗo Joomiraaɗo maa kaanɗaa sujidande, kam tan kaanɗaa rewude.»

Matta 4:4

De Iisaa jaabii mo, wi'i: — Ina winndaa: «Wanaa e nyaamdu tan neɗɗo wuurdata. Ko neɗɗo wuurdata dey, wo e haala fuu ka Laamɗo haali.»

Luuka 4:12

Iisaa jaabii mo, wi'i: — Ina winndaa: «Taa ndaartinda Laamɗo, Joomiraaɗo maa.»

Golle Nelaaɓe 15:10

Joonin, ko waɗi de oɗon ndaartindoo Laamɗo? Oɗon njowa e taalibaaɓe ɓeen donngal ngal enen e maamiraaɓe meeɗen fuu en mbaawaay ronndaade.

Golle Nelaaɓe 5:9

Ndeen Piyeer wi'i mo: — Noy de aan e gora dewruɗon faa ndaartindoɗon Ruuhu Joomiraaɗo? Inan, uwoyɓe gora ina ngara, faa ɓe njaare, aan du!

1 Korintunkooɓe 10:9

Taa ndaartindoɗen Almasiihu hono no woɓɓe maɓɓe ngaɗi ni. Ko ɗum waɗi, bolle kalki ɗum'en.

Fillitagol 6:16

Taa ndaartinoɗon Joomiraaɗo, Laamɗo mooɗon hono no ngaɗirɗon nde njooɗinoɗen wuro Massa noon.

Ibraninkooɓe 3:9

Ɓe ndaartindake kam toon faa ɓe ndaara munyal am, fay ko ɓe nji'i golleeji am haddi duuɓi capanɗe nay.