Matta 4:24 - Dewtere Laamɗo Fulfulde Burkina Faso

²⁴ Kabaaru makko sankitii ley leydi Siiriya fuu. Yimɓe na ngadda nyawɓe nyawuuji feere feere e male fuu to makko. Woɓɓe wo wonduɓe e ginnaaji, woɓɓe jom'en dabidabiije, woɓɓe du wo jom'en ɓalli-mbaatuɗi. O danni ɗum'en.

Matta 4:24 ပူးပေါင်းရင်းမြစ်များ

2 Samuwiila 8:6

Daawda joƴƴini kawrite dawrooɓe faro Damas toon, de Siiriyankooɓe ɓeen du laatii maccuɓe Daawda na njoɓa ɗum lampo. Nokku fuu to Daawda yehi, Joomiraaɗo na hokka ɗum jaalagol.

1 Kaanankooɓe 10:1

Kaananke Seba debbo nani kabaaru manngu innde Suleymaana saabe innde Joomiraaɗo. O wari to muuɗum faa o ndaartindoroo ɗum ƴamɗe tiiɗɗe.

1 Kabaaruuji Laamiiɓe 14:17

Innde Daawda yehi ley leyɗe fuu. Joomiraaɗo waɗi lenyi fuu na kula o kulol manngol.

1 Kabaaruuji Laamiiɓe 29:2

Mi segilorake nyiɓugol suudu Laamɗo am e baawɗe am fuu. Mi hawrondinii: Kaŋŋe keƴoowo ko waɗirtee kaŋŋe fuu e cardi keƴoori ko waɗirtee cardi fuu e njamndi mboɗeeri keƴoori ko waɗirtee njamndi mboɗeeri fuu e njamndi ɓaleeri keƴoori ko waɗirtee njamndi ɓaleeri fuu e leɗɗe keƴooje ko waɗirtee leɗɗe fuu e kaaƴe dime bi'eteeɗe Onikis e kaaƴe daɗɗeteeɗe e takketeeɗe, tawti kaaƴe ɗelkooje ɗe siyiiji feere feere e kaaƴe dime korsuɗe e kaaƴe daneeje takketeeɗe ɗuuɗɗe.

Wurtagol 15:26

O wi'i ɓe: Si on kettindanake daande am e goonga, on ngaɗii ko wooɗi yeeso am, on ɗowtanake jamirooje am fuu, miin Joomiraaɗo, Laamɗo mooɗon, mi fiirataa on masiibaaji ɗi piirunoomi Misirankooɓe ɗiin. Sabo wo miin woni Joomiraaɗo dannoowo on.

Matta 12:22

Ndeen, gorko mo ginnaaru wumni muumɗini waddaa to Iisaa, de danni ɗum faa na haala, na yi'a.

Matta 14:1

Wakkati oon, Hirudus hooreejo leydi Galili oon nani kabaaru Iisaa ina haalee.

Matta 15:22

Debbo jeyaaɗo Kanaana koɗuɗo e leydi ndiin wari to makko, wulli, wi'i: — Joomam, taan Daawda, yurmam! Ɓiyam debbo ginnaaru ina woni e muuɗum, ina torra ɗum sanne!

Matta 17:15

wi'i: — Joomam, yurma ɓiyam gorko! O dabidabiyaajo, imo tampi sanne. Wakkatiiji keewɗi imo saama e yiite naa e ndiyam.

Matta 17:18

O sappani ginnaaru nduun e semmbe. Ndu yalti suka oon. Wakkati oon ni, suka oon daɗi.

Matta 4:23

Iisaa yiiltii ley leydi Galili fuu. Imo waajoo e ley cuuɗi maɓɓe baajorɗi, imo gooyna Kabaaru Lobbo haala laamu Laamɗo, imo danna sii nyawuuji e male fuu.

Matta 8:28

Nde Iisaa feƴƴitinnoo maayo fu, heetti e leydi yimɓe Gadara. Ɗoon worɓe ɗiɗo wonduɓe e ginnaaji njalti ley caabeeje, kawri e makko. Iɓe nyanngunoo faa fay gooto suusaano rewude laawol ngool.

Matta 8:33

Durooɓe ɓeen ndoggi kooti ngalluure toon, kaalowi ko waɗi ɗuum fuu e kabaaru wondunooɓe e ginnaaji ɓeen du.

Matta 8:6

— Moodibbo, golloowo am ina waalii ley suudu, sellaa faa junngo e koyngal fuu ɓantataako. Imo torrii sanne!

Matta 9:26

Kabaaru oon sankitii e leydi ndiin fuu.

Matta 9:35

Iisaa ina yiiltoo e galluuje e gure fuu, ina waajoo e ley cuuɗi baajorɗi, ina gooyna Kabaaru Lobbo dow laamu Laamɗo. Imo danna nyawuuji e male fuu.

Marka 1:28

Wakkati gooto kabaaru makko sankitii ley leydi Galili fuu.

Marka 1:32

Wakkati futuro nde naange yannoo fuu, yimɓe ngaddani Iisaa nyawɓe e wonduɓe e ginnaaji fuu.

Marka 2:3

Yimɓe ngari, ngaddani mo gorko mo ɓanndu waatundu. Worɓe nayo na ndonndii ɗum.

Marka 2:4

De ɓe kunngii yottinde mo to Iisaa saabe jamaa oon. Ndelle ɓe ƴeeŋi dow suudu nduun, ɓe njuli dow ɗo fotata e Iisaa, de ɓe njippiniri ɗoon mo ɓanndu waatundu oon, tawi ina fukkinaa e daɗɗo.

Marka 2:9

Ɗume ɓuri hoyude? Yalla wi'ude mo ɓanndum waati hakkeeji muuɗum njaafaama, naa wi'ude ɗum ummoo, hooƴa daɗɗo muuɗum, yaha?

Luuka 2:2

Kangal woni limgal arandeyal, kawrungal e laamu Kiriniyus goforneer leydi Siiriya.

Luuka 4:14

Iisaa yeccii leydi Galili, semmbe Ruuhu ina wondi e muuɗum, kabaaru muuɗum sankitii e leydi ndiin fuu.

Luuka 4:38

Nde o wurtinoo waajordu nduun ndeen, o naati suudu Simon. Esoo Simon debbo ina wondi e jontere naawnde. Ɓe ŋaarii mo o walla ɗum.

Luuka 5:15

De fay ko Iisaa haɗi mo haalude ɗuum, kabaaru muuɗum ɓeydii sankitaade. Jama'aaje keewɗe ina ngara, ina kawrita faa kettindanoo mo, wooɗi du ndannee e nyawuuji muɓɓen.

Luuka 5:24

Ammaa faa paamon Ɓii Neɗɗo ina jogii baawɗe e adunaaru ndu yaafaade hakkeeji… Ndeen o wi'i mo ɓanndu waatundu oon: — Miɗo haalane: umma, hooƴu daɗɗo maa, kootaa suudu maa.

Luuka 7:17

Kabaaru Iisaa oon sankitii e leydi Yahuudiya e seraaji muuɗum fuu.

Yuhanna 10:21

De woɓɓe du ina mbi'a: — Waajuuji ɗii le nganaa waajuuji gonduɗo e ginnaaru. Yalla ginnaaru ina waawi wumtinde bumɗo naa?

Golle Nelaaɓe 10:38

Oɗon anndi no Laamɗo suɓorii Iisaa Nasaraatuujo oon, no jippiniri e muuɗum Ruuhu Ceniiɗo e baawɗe. Oɗon anndi no Iisaa yiilorii e nokkuuje fuu ina golla golleeji lobbi, ina danna ɓe Ibiliisa jaalii na torra fuu, sabo Laamɗo ina wondi e muuɗum.

Golle Nelaaɓe 15:23

Inan ɓataaki ki ɓe kokki ɗum'en: Minen sakiraaɓe mooɗon nulaaɓe e mawɓe, miɗen njowta on, onon sakiraaɓe amin lenyi goɗɗi gonɗi Antiyoki e Siiriya e Silisi.

Golle Nelaaɓe 15:41

Ɓe ndewi leyɗe Siiriya e Silisi, iɓe cemmbina kawrite goonɗinɓe ɗeen.

Golle Nelaaɓe 28:9

Nde ɗum waɗunoo ndeen, nyawɓe wonɓe e ruunde ndeen ɓeen ina ngara, na ndannee.

Golle Nelaaɓe 8:7

Wonduɓe e ginnaaji heewɓe, ginnaaji ɗiin njaltiri bullaali mawɗi. Heewɓe ɓe ɓalli muɓɓen mbaati ndaɗi, kam'en e bonnguuɓe.

Yoosuwa 6:27

Joomiraaɗo ina wondi e Yoosuwa, kabaaru makko sankitii nokku fuu nder leydi ndiin.