Matta 27:4 - Dewtere Laamɗo Fulfulde Burkina Faso

⁴ O wi'i ɗum'en: — Mi luttii ko njambiimi mo walaa feloore ɗuum! Ɓe njaabii mo, ɓe mbi'i: — Ko jomi min? Wo aan ɗum woodani.

Matta 27:4 ပူးပေါင်းရင်းမြစ်များ

1 Kaanankooɓe 21:27

Nde Ahabi nannoo haalaaji ɗiin fu, seeki kaddule muuɗum, ɓornii bootooji, na suumi. O ɓortataako bootooji ɗiin fay si imo fukko. Imo yaha o cuniiɗo sanne.

2 Kaanankooɓe 24:4

Wooɗi du, wo saabe ƴiiƴam yimɓe laaɓuɓe faa heewi tatteeji Urusaliima fuu ɗaam waɗi de Joomiraaɗo salii yaafaade ɓe.

Ayuuba 13:4

Onon kaa, oɗon mappa kam pene! On fuu wo on sawrooɓe ɓe mbaawaa sawrude.

Ayuuba 16:2

— Mi haarii nande iri ka. On fuu waaltingol mooɗon wo tiiɗalla tan.

Wurtagol 12:31

Ley jemma oon, Fira'awna noddi Muusaa e Haaruuna, wi'i ɗum'en: — Ummee, mburtoɗon hakkunde yimɓe am, onon e Israa'iila'en. Njehee teddinowee Joomiraaɗo hono no ŋaaroriɗon noon.

Wurtagol 9:27

Ndeen Fira'awna noddi Muusaa e Haaruuna, wi'i ɗum'en: — Joonin kaa mi waɗii junuuba. Joomiraaɗo wo dartiiɗo, de miin e yimɓe am kaa, minen njeyi feloore.

Banndi 12:8

Jom caral kam heɓata manoore, jom ɓernde oonyiinde du, yawaade.

Yuunusa 1:14

Ndelle ɓe ƴeewni daaɗe maɓɓe to Joomiraaɗo, ɓe mbi'i: — Wayyoo, Joomiraaɗo, miɗen ŋaaree, taa accu min kalka saabe neɗɗo oo! Taa accu ƴiiƴam makko du warta dow ko'e amin, sabo wo aan woni Joomiraaɗo, ngaɗoowo ko weli ɗum.

Matta 27:19

Katin du, wakkati o jooɗinoo ley sarordu oon, jom suudu makko neli e makko, wi'i: — Celaa gorko ponnditiiɗo oon, sabo jemma hankin koyɗi makko tampinii kam sanne.

Matta 27:54

Sordaasiiɓe doomuɓe Iisaa ɓeen e hooreejo muɓɓen nji'ii no leydi dimmborii e ko waɗi ɗuum fuu. Ɓe kuli sanne, ɓe mbi'i: — Si goonga ni, o wo Ɓii Laamɗo!

Luuka 23:22

Pilaatu wi'i ɓe tataɓerde: — Ɗume o waɗi ko boni? Mi tawaay e makko sabaabu fuu ko haani warude mo! Ndelle, mi fiyan mo, mi yoppa mo.

Luuka 23:41

Enen, jukkungo meeɗen wo goonga jaati, sabo ko foti e ko ngolluɗen tan njoɓeteɗen. De kanko kaa, o waɗaay fay huunde ko boni.

Luuka 23:47

Caggal mawɗo sordaasi'en oon yi'ii ko laatii ɗuum, yetti Laamɗo, wi'i: — Goonga, neɗɗo o wo dartiiɗo!

Yuhanna 19:7

Alhuudiyankooɓe njaabii mo: — O luttii sariya amin. E ley sariya amin oon kaa tilay o waree, sabo o waɗii hoore makko o Ɓii Laamɗo.

Golle Nelaaɓe 13:28

Fay si taweede ɓe keɓaay daliili fuu no ɓe mbarda mo, ɓe nyaagake Pilaatu o waree.

Romankooɓe 3:19

Eɗen anndi huunde fuu ko Tawreeta Muusaa oon wi'i, wo wonɓe e ley muuɗum ɓeen haaldi, faa kunnduɗe fuu ndeƴƴinoo, de yimɓe adunaaru fuu paama ina poti e hiiteede kiite Laamɗo.

1 Timote 4:2

Wo fenooɓe cankitirta jannde nde e naafikaaku muɓɓen. Ɓerɗe muɓɓen njoornaama, ɗe mbaylitataako, ɗe maatataa pelooje.

Titus 1:16

Iɓe mbi'a iɓe anndi Laamɗo, ammaa golleeji maɓɓe ina kolla ɓe anndaa mo. Wo ɓe nyiddiniiɓe, saliiɓe, fay gollal lobbal gootal ɓe mbaawaa gollude.

Ibraninkooɓe 7:26

Ndelle, Iisaa woni Almaami Mawɗo mo kaajaɗen: wo o ceniiɗo, o walaa feloore, laru fuu walaa e makko. O senndaama e waɗuɓe hakke. Katin du, o toownaama dow huunde fuu to dow kammu.

1 Piyeer 1:19

Almasiihu wo laatiiɗo jawgel kiɓɓungel, ngel walaa malal. Oon soottitiri on ƴiiƴam muuɗum tedduɗam.

1 Yuhanna 3:12

En kaanaa wa'ude hono Kayiinu jokkuɗo Ibiliisa bonɗo, baruɗo minyum oon. Ɗume waɗi de o wari ɗum? O wardii ɗum saabe golleeji makko wo bonɗi, de golleeji minyiiko ɗiin kaa wo lobbi.

Holleede 11:10

Yimɓe adunaaru ceyorto saabe maayde maɓɓe ndeen. Ɓe mbeltoto, ɓe kokkundura dokke dow weltaare, sabo annabaaɓe ɗiɗo ɓeen torriino ɓe sanne.

1 Samuwiila 15:24

Ndeen Sawulu wi'i: — Mi waɗii hakke. Mi wosake yamiroore Joomiraaɗo e haalaaji maaɗa du. Mi hulii yimɓe, ɗum waɗi de kettindaniimi ɗum'en.

1 Samuwiila 15:30

Sawulu jaabii, wi'i: — Mi waɗii hakke. Ammaa teddinaa kam yeeso mawɓe yimɓe am e yeeso Israa'iila. Njeccodoɗaa e am faa mi sujidana Joomiraaɗo, Laamɗo maaɗa.

1 Samuwiila 19:5

O farritii yonki makko nde o jaalinoo Filistiyankeejo oon ndeen. Joomiraaɗo du hokki Israa'iila'en fuu jaalagol manngol. Aan du, a yi'ii ɗum de ceyiɗaa. Ndelle, ko waɗi aɗa waɗa hakke dow ƴiiƴam laaɓuɗam dow ɓolum?