Matta 26:10 - Dewtere Laamɗo Fulfulde Burkina Faso

¹⁰ Iisaa faamii ko ɓe kaalata ɗuum, wi'i ɓe: — Ko waɗi de oɗon torra debbo o? O gollanii kam gollal lobbal.

Matta 26:10 ပူးပေါင်းရင်းမြစ်များ

Nehemiya 2:18

Ndeen kaalammi ɓe moƴƴere nde Laamɗo waɗani kam e ko kaananke wi'i kam fu. Wakkati oon pay ɓe mbi'i kam: — En ummoo puɗɗen gollal nyiɓitaade kokuwol ngool. Ndeen ɓe ummii, ɓe cegilanii fuɗɗude ngal.

Ayuuba 13:7

Wo saabe Laamɗo de oɗon pena pene ɗeen naa? Wo saabe makko kaalirton rafi goonga naa?

Matta 26:11

Si goonga, talkaaɓe ina tawdee e mooɗon wakkati fuu. De miin kaa, mi tawdataake e mooɗon wakkati fuu.

Matta 26:9

Iɗam waawnoo sonneede ceede keewɗe, de ceede ɗeen kokkee talkaaɓe.

Marka 14:6

Ammaa Iisaa wi'i: — Celee mo! Ko waɗi de oɗon torra mo? O gollanii kam gollal lobbal.

Luuka 8:49

O tilaaki haalde, faa goɗɗo ƴuuri to wuro hooreejo suudu waajordu oon, wi'i ɗum: — Ɓiya heddaaki, taa tampin Moodibbo o katin.

2 Korintunkooɓe 9:8

Laamɗo ina waawi hebbinande on siyiiji moƴƴere fuu. Hono noon keɓiron ko heƴata on wakkati fuu e ley huunde fuu, faa keddoroɗon ko heewi saabe gollal lobbal fuu.

Galaatiyankooɓe 1:7

Paamon: kabaaru lobbo goɗɗo fuu walaa, de woɓɓe ina mbemmba on, ina njiɗi waylitinde Kabaaru Lobbo haala Almasiihu oon.

Galaatiyankooɓe 5:12

Jiiɓooɓe on yiɗuɓe taadagol ɓeen, ɓe coortitoo!

Galaatiyankooɓe 6:17

Joonin kaa, fay gooto taa tampina kam, sabo terɗe am ngaɗii ɓatitanɗe saabe Iisaa.

Efeesunkooɓe 2:10

Sabo Laamɗo waɗi en ko ngonɗen joonin ɗuum: e ley kawtal meeɗen e Iisaa Almasiihu o tagiri en faa ngollen golleeji lobbi ɗi o segilanii en gilla arande.

Koloosiyankooɓe 1:10

Hono noon, keɓon wuurude nguurndam mbeloojam Joomiraaɗo kawroojam e muuyɗe muuɗum e dow huunde fuu, tabiton e gollal lobbal fuu, ɓeydon anndude Laamɗo.

2 Tesaloniyankooɓe 2:17

Ɓe cellina ɓerɗe mooɗon, ɓe kokka on semmbe faa ngollon golleeji lobbi, kaalon haalaaji lobbi fuu.

1 Timote 3:1

Haala kaan ina hoolnii: jiɗuɗo laataade ardiiɗo kawrital goonɗinɓe fuu, joomum na muuyii gollal lobbal jaati.

1 Timote 5:10

O anndiree golleeji lobbi hono ne'ude sukaaɓe, jippinde weerɓe, lootude koyɗe seniiɓe, wallude ɓilliiɓe, wooɗi du tinnaade e golleeji lobbi fuu.

2 Timote 2:21

Ndelle, si neɗɗo laaɓinii hoore muuɗum e golleeji bonɗi ɗiin fuu, laatoto hono kaakol keertaangol, ceniingol nafoowol Joomum, cegilanaangol faa golliree gollal lobbal fuu.

Titus 1:16

Iɓe mbi'a iɓe anndi Laamɗo, ammaa golleeji maɓɓe ina kolla ɓe anndaa mo. Wo ɓe nyiddiniiɓe, saliiɓe, fay gollal lobbal gootal ɓe mbaawaa gollude.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

Titus 3:1

Miccintin goonɗinɓe ɗowtanoo kaanankooɓe e dawrooɓe, ɓe cegilanoo gollal lobbal fuu.

Titus 3:14

Yimɓe meeɗen ɓeen du ekitoo gollude golleeji lobbi, ɓe mballa haajaaɓe walleede ɓeen taa nguurndam maɓɓe laatoo ɓolum.

Titus 3:8

Kaan woni haala koolniika. Miɗo yiɗi tilsinaa kulle ɗeen faa goonɗinɓe Laamɗo ɓeen tinnoo e golleeji lobbi. Ɗum woni ko wooɗi, ko nafata yimɓe.

Ibraninkooɓe 13:21

Laamɗo baawɗo ɗum oon, hokku on ko wooɗi fuu, faa ngaɗon muuyɗe muuɗum. O waɗa e meeɗen ko welata mo saabe Iisaa Almasiihu. Teddeengal woodan mo faa abada abadin! Aamiina.

1 Piyeer 2:12

Ngaɗee needi hakkunde yimɓe ɓe ngoonɗinaay ɓeen. Si on ngaɗii noon fu, fay si ɓe peldi on ko boni, ɓe nji'an golleeji mooɗon lobbi, de ɓe teddina Laamɗo nyannde ɓangani ɓe.