Matta 23:9 - Dewtere Laamɗo Fulfulde Burkina Faso

⁹ Taa mbi'ee fay gooto «Baabiiwo» e adunaaru. Sabo Baabiiwo gooto tan njogiɗon, gonɗo dow kammu oon.

Matta 23:9 ပူးပေါင်းရင်းမြစ်များ

2 Kaanankooɓe 13:14

Gilla e nguurndam Yehowas kaananke Israa'iila, Elisey nyawi nyawu saate. Yehowas oon wari to makko faa ndaara mo. O jiimi Elisey de imo woya imo wi'a: — Baaba am! Baaba am! Aan laataniiɗo Israa'iila kaɓitirɗe e konunkooɓe!

2 Kaanankooɓe 2:12

Nde Elisey yi'unoo ɗum fu, heddii na feekoo na wi'a: — Baaba am! Baaba am! Aan laataninooɗo Israa'iila kaɓitirɗe e konunkooɓe! Noon Iliyaasa lalliri e gite makko. Caggal ɗuum o seeki kaddule makko pecce ɗiɗi.

2 Kaanankooɓe 6:21

Nde kaananke Israa'iila yi'unoo ɓe fu, wi'i Elisey: — Yaa joomam, yalla mi waran ɓe fuu naa?

Matta 23:10

Taa njaɓee noddireede «Hooreejo». Sabo Hooreejo gooto tan njogiɗon, oon woni Almasiihu.

Matta 6:32

Sabo kulle ɗee fuu wo ko yimɓe ɓe anndaa Laamɗo pilotoo. Si goonga, Baaba mon gonɗo dow kammuuli oon ina anndi ɗum fuu iɗum tilsani on.

Matta 7:11

No mbonirɗon ni fuu, oɗon anndi no kokkirton ɓiɓɓe mon kulle lobbe, sakko Baaba mooɗon gonɗo dow kammuuli oon. Imo hokka ŋaariiɗo mo fuu ko moƴƴi.

Golle Nelaaɓe 22:1

— Sakiraaɓe e baabiraaɓe, kettinee joonin faa mi seedanoo on mi jeyaa feloore nde njowuɗon dow am.

1 Korintunkooɓe 4:15

Fay si taweede e ley kawtal mon e Almasiihu oɗon njogii ɗowooɓe ujunaaje sappo, on keewaa baabiraaɓe kaa. Sabo ley kawtal Iisaa Almasiihu, miin laatii baaba mooɗon nde mbaajinoomi on Kabaaru Lobbo oon ndeen.

2 Korintunkooɓe 6:18

Mi laatanto on baaba, onon du, on laatanto kam ɓiɓɓe worɓe e rewɓe. Noon Joomiraaɗo jom baawɗe fuu wi'i.»

Ibraninkooɓe 12:9

Wooɗi du, ko Baabiraaɓe meeɗen adunaaru ɓeen ndartinannoo en ɗuum, en teddinii ɓe. Sakko Baaba meeɗen jom yonkiiji oon! Wanaa eɗen kaani jaɓande ɗum faa ɓura noon de mbuuren naa?

1 Yuhanna 3:1

Ndaaree no Laamɗo Baabiiwo foti yiɗirde en, faa noddirii en ɓiɓɓe muuɗum. Wo en ɓiɓɓe muuɗum jaati. Ko haɗi adunaaru ndu anndude en dey, ndu anndaa Baabiiwo.