Matta 2:13 - Dewtere Laamɗo Fulfulde Burkina Faso

¹³ Nde jom'en anndal ɓeen ndillunoo fu, maleyka Joomiraaɗo wari e Yuusufi ley koyɗol, wi'i ɗum: — Umma, hooƴu cukalel ngel e inna muuɗum, ndoggaa njahaa Misira. Keddoɗaa toon faa nde mbi'oymaami ngartaa. Sabo Hirudus filoto cukalel ngel faa wara ngel.

Matta 2:13 ပူးပေါင်းရင်းမြစ်များ

1 Kaanankooɓe 11:17

Ammaa Hadad e maccuɓe bammum Edominkooɓe woɓɓe ndoggiri faa leydi Misira. Tawi Hadad wo suka pamaro wakkati majjum.

1 Kaanankooɓe 3:5

Joomiraaɗo ɓangani mo ley koyɗol jemma Gibiyon toon. Laamɗo wi'i mo: — Ŋaaram ko kaajaɗaa, mi hokkete ɗum.

Ayuuba 33:15

Ley koyɗi e ley holleede jemma, wakkati yimɓe pukkii dow leese muɓɓen, ina ɗaanii ɗoyngol teddungol,

Ayuuba 33:17

faa o wartira ɗum'en e ko ngaɗata, o sennda neɗɗo e manngu becce muuɗum,

Wurtagol 1:22

Wooɗi Fira'awna yamiri yimɓe muuɗum fuu, wi'i: — Ɓii Ibraninkeejo gorko dimaaɗo hakkunde mooɗon fu, paɗɗon ɗum ley maayo Nil, ammaa accon cukaloy ndewoy kooy kaa mbuura.

Matta 1:20

Nde o miilotonoo ɗum ndeen, maleyka Joomiraaɗo wari to makko ley koyɗol, wi'i mo: — Yuusufi, taan Daawda, taa hulu ɓaŋude Mariyama, sabo ɓinngel ngel saawi ngeel e Ruuhu Ceniiɗo ƴuuri.

Matta 10:23

Si on torraama e wuro wooto, ndogganee wonngo. Miɗo haalana on goonga: on timmintaa gure Israa'iila ɗeen fuu faa ɗo Ɓii Neɗɗo warti.

Matta 2:12

Caggal ɗuum, Laamɗo gongini ɓe ley koyɗol taa ɓe njeccoo to Hirudus. Ndelle ɓe kootiri leydi maɓɓe laawol gonngol.

Matta 2:14

Yuusufi ummii jemma, hooƴi cukalel ngeel e inniigel, de ɓe ndilliri Misira.

Matta 2:16

Nde Hirudus faamunoo jom'en anndal ɓeen njambake ɗum ndeen, tikki sanne. O yamiri cukaloy ngoroy Baytilaama e ɗakkol muuɗum fuu mbaree, gilla keccoy faa ngaɗukoy duuɓi ɗiɗi. O waɗii ɗum fodde wakkatiiji ɗi jom'en anndal ɓeen kokki mo ɗiin.

Matta 2:22

Ammaa o nanii Arkalaawu loomtii bammum Hirudus, laamake leydi Yahuudiya, de o huli yahude toon. O sappaa e ley koyɗol faa o yehi leydi Galili.

Golle Nelaaɓe 10:22

Ɓe njaabii, ɓe mbi'i: — Korneliyus mawɗo sordaasi'en neli min. O gorko dartiiɗo, kulɗo Laamɗo, mo lenyol Alhuudiyankooɓe fuu seedanii moƴƴere. Maleyka ceniiɗo yamirii mo min nodde, ngaraa suudu makko, faa o nana waaju maaɗa.

Golle Nelaaɓe 10:7

Nde maleyka kaaldannooɗo e makko oon dillunoo ndeen, o noddi gollooɓe makko ɗiɗo e sordaasi gooto kulɗo Laamɗo jeyaaɗo e howruuɓe makko.

Golle Nelaaɓe 12:11

Hakkillo Piyeer warti, wi'i: — Joonin mi tannyorii Joomiraaɗo nuli maleyka muuɗum, faa hisina kam e junngo Hirudus e ko Alhuudiyankooɓe njelinoo faa mi waɗee fuu.

Golle Nelaaɓe 12:7

Wakkati oon, maleyka Joomiraaɗo wari to makko, annoora yayni ley suudu nduun. Maleyka meemi mo, findini mo, wi'i: — Umma law! Ndeen callali ɗiin kaɓɓitii, ƴuwi e juuɗe makko, caami.

Golle Nelaaɓe 16:36

Kayboowo oon haalanowi ɗum Pool, wi'i: — Hooreeɓe ɓeen nulii njoppeɗon. Mburtee joonin, njehee e jam.

Golle Nelaaɓe 5:19

Ammaa e jemma oon, maleyka Joomiraaɗo gooto omti dammbuɗe kasu ɗeen, wurtini ɓe, wi'i:

Golle Nelaaɓe 7:19

Kaananke oon hiili lenyol meeɗen, torri maamiraaɓe meeɗen faa tilsinani ɓe ɓe njoppa cukaloy maɓɓe faa maaya.

Yoosuwa 3:13

Si koyɗe almaami'en wakkiiɓe keesuwal Amaana Joomiraaɗo kaananke adunaaru fuu naati nder ndiyam Urdum ɗaam fu, ɗam feccoto, ɗam daroo hono kokuwol ni.

Yoosuwa 3:17

Wakkati Israa'iila'en peƴƴitanno dow leydi njoorndi ndeen, almaami'en wakkiiɓe keesuwal Amaana Joomiraaɗo ɓeen keddii ina ndarii dow leydi njoorndi hakkunde Urdun, faa jamaa oon fuu feƴƴitidi.

Yoosuwa 4:10

Almaami'en keddii hakkunde Urdun faa yimɓe ɓeen tilii e huunde fuu ko Joomiraaɗo yamirnoo Yoosuwa waɗa. Kanjum woni ko Muusaa yamirnoo Yoosuwa waɗa. Yimɓe ɓeen karii peƴƴiti gooruwol ngool.

Yoosuwa 4:18

Nde ɓe mburtinoo Urdun faa koyɗe maɓɓe meemi leydi njoorndi ndeen, ndiyam gooruwol ngool fuɗɗiti doggude hono no arande ni.

Holleede 12:14

Debbo oon hokkaa bippeele ciilal manngal, faa fiirda yaha nokkuure nde segilanaa ley ladde ndeen. Toon o haybetee haddi wakkati e wakkatiiji ɗiɗi e feccere wakkati, faa o reenoo e mboddi ndiin.

Holleede 12:4

Laasi maggal wuuwi feccere tataɓerde koode kammu, faɗɗi ɗe e leydi. Ngal darii yeeso debbo jom ŋatawere oon faa si rimii fu, ngal moɗa ɓiyum oon.

Holleede 12:6

Debbo oon doggiri ley ladde, yehi nokku ɗo Laamɗo segilaninoo ɗum. O haybowaa toon balɗe ujunere e keme ɗiɗi e capanɗe jeegom (1.260).