Matta 11:5 - Dewtere Laamɗo Fulfulde Burkina Faso

⁵ wumɓe ina mbumta, bonnguuɓe ina njaha e koyɗe muɓɓen, seppinɓe ina cellinee, faaɗuɓe ina paaɗita, maayɓe ina ummintinee, talkaaɓe du ina kaalanee Kabaaru Lobbo.

Matta 11:5 ပူးပေါင်းရင်းမြစ်များ

2 Kaanankooɓe 5:14

Ndeen o yehi maayo Urdun, o muti kile jeɗɗi hono no neɗɗo Laamɗo oon wiirunoo mo noon. Wakkati oon pay o daɗi nyawu makko nguun. Ɓanndu makko heyɗiti faa nanndi e ɓanndu suka pamaro.

2 Kaanankooɓe 5:7

Nde kaananke Israa'iila janngunoo ɓataaki kiin fu, seeki kaddule muuɗum de wi'i: — Yalla wo miin woni Laamɗo baawɗo hokkude yonki maa ittude ɗum de o nela goɗɗo to am faa mi danna ɗum e nyawu muuɗum naa? Paamee wo fitina hakkunde amin o filoto!

Wurtagol 4:11

Joomiraaɗo wi'i mo: — Moy hokki tagaaɗo hunnduko? Moy waawi muumɗinde naa faaɗinde ɓii-Aadama? Moy du waawi yiinude naa moy waawi wumnude neɗɗo? Wanaa wo miin Joomiraaɗo naa?

Matta 10:8

Ndannon nyawɓe, ummintinon maayɓe, ndannon seppinɓe, ndiiwon ginnaaji. On keɓirii moƴƴere nde wo dokkal, kokkitiron nde du wo dokkal.

Matta 11:4

Iisaa jaabii ɓe, wi'i: — Njehee, kaalanowee Yaayaa ko nanɗon e ko njiiɗon:

Matta 12:13

Caggal ɗuum, o wi'i gorko oon: — Foortu junngo maa! O foorti ngo tan, ngo daɗi faa ngo warti hono no heddiingo ngoon noon.

Matta 21:14

Wumɓe e bonnguuɓe ngari to makko e ley suudu dewal mawndu nduun, de o danni ɗum'en.

Matta 5:3

— Barke woodanii annditinɓe yonkiiji muɓɓen ina lokkiɗi, sabo kamɓe njeyi laamu Laamɗo.

Matta 9:30

Wakkati oon fu, ɓe mbumti. O gongini ɓe, o wi'i ɓe: — Taa kaalanee ɗum fay gooto.

Marka 7:37

Ɗum haaynii ɓe faa yottii kaaddi, iɓe mbi'a: — Golleeji makko fuu na mbooɗi. Imo faaɗintina faaɗuɓe, imo muumɗintina muumɓe.

Marka 9:25

Nde Iisaa yi'unoo jamaa oon ina dogga warde ndeen, sappani ginnaaru nduun e semmbe, wi'i ndu: — Ginnaaru muumɗinooru faaɗinooru, miɗo yamire mburtoɗaa e suka o, taa naatu mo abada katin!

Luuka 4:18

«Ruuhu Joomiraaɗo ina woni e am, sabo o suɓake kam faa mi faamina talkaaɓe Kabaaru Lobbo. O nulii kam faa mi gooynana nanngaaɓe yoofeede muɓɓen, wumɓe du wumtineede muɓɓen, torraaɓe du yoppeede muɓɓen,

Yuhanna 10:25

Iisaa jaabii ɓe: — Mi haalanii on, de on ngoonɗinaay. Golleeji ɗi ngollirmi e innde Baaba am ɗiin, kanji ceedantoo kam.

Yuhanna 10:38

De si miɗo golla ɗi, fay si on ngoonɗintaa kam, ngoonɗinee golleeji ɗi faa anndon, faa paamon Baabiiwo ina woni e am, miin du miɗo woni e muuɗum.

Yuhanna 2:23

Nde Iisaa wonnoo Urusaliima iidi Faltagol ndeen, heewɓe ngoonɗinii mo sabo nji'ii kaayeefiiji ɗi o waɗi ɗiin.

Yuhanna 3:2

Gorko oon yehi to Iisaa jemma, wi'i ɗum: — Moodibbo, miɗen anndi a jannginoowo ƴuuruɗo to Laamɗo, sabo fay gooto waawaa waɗude maandeeji kaayniiɗi ɗi ngaɗataa ɗiin si Laamɗo waldaa e muuɗum.

Yuhanna 5:36

Miin, miɗo jogii seedaaku ɓurngu ngu Yaayaa nguun semmbe: golleeji ɗi Baabiiwo yamiri kam mi golla ɗiin, kanji jaati ceedantoo kam Baabiiwo nuli kam.

Yuhanna 9:7

O wi'i ɗum: — Yahu sulmowa luggere wi'eteende Silowam (maanaa majjum woni «Nulaaɗo»). O sulmowii, o warti imo yi'a.

Golle Nelaaɓe 2:22

Piyeer wi'i katin: — Israa'iilankooɓe, kettinee haalaaji ɗi: Iisaa Nasaraatuujo oon wo neɗɗo mo Laamɗo laaɓinani on wo ƴuurɗo e muuɗum. Laamɗo hokki ɗum baawɗe, hokki ɗum waɗude kaayeefiiji e maandeeji kaayniiɗi hakkunde mooɗon, hono no onon e ko'e mon anndirɗon ni.

Yaakuuba 2:5

Sakiraaɓe am horsuɓe, kettindee! Talkaaɓe adunaaru ndu ɓeen, wanaa Laamɗo suɓake ɓe faa ɓe laatoo danyuɓe goonɗinal, ɓe naata e laamu Laamɗo mo Laamɗo aadii hokkude yiɗuɓe ɗum naa?