Matta 11:11 - Dewtere Laamɗo Fulfulde Burkina Faso

¹¹ Goonga kaalanammi on: dimoowo fuu rimaay ɓurɗo Yaayaa lootoowo lootagal batisima oon. Tawi le, ɓurɗo famɗude ley laamu Laamɗo oon na ɓuri mo teddude.

Matta 11:11 ပူးပေါင်းရင်းမြစ်များ

Ayuuba 14:1

Neɗɗo fuu mo debbo rimi, wo nyalakoy seeɗa tan woodi, wo kebbinɗo torraaji.

Ayuuba 14:4

Moy wurtinta ko laaɓi e ley ko tuuni? Ay, walaa fay gooto.

Ayuuba 15:14

Neɗɗo wo ɗume, faa wi'a wo laaɓuɗo? Mo debbo rimi na waawi laataade dartiiɗo naa?

Ayuuba 25:4

Ndelle neɗɗo wo ɗume faa wi'a Laamɗo «miin jeyi goonga»? Mo debbo rimi waawan laataade laaɓuɗo naa?

Matta 11:10

Kanko woni mo Laamɗo haali kabaaru muuɗum ley Binndi, wi'i: «Ndaaree, mi ardinante nulaaɗo am moƴƴinane laawol.»

Matta 11:12

Gilla Yaayaa lootoowo lootagal batisima fuɗɗi waajaade, laamu Laamɗo ina fooɗoroo yeeso, de laawol muuɗum na tiiɗi. Nyannguɓe du na kabda e maggu.

Matta 3:1

E jamaanu oon, Yaayaa lootoowo lootagal batisima ɓangi. Imo gooyna ley ladde Yahuudiya, imo wi'a:

Matta 3:11

Miin, ndiyam lootirammi on batisima faa hollita on tuubii. Ammaa garoowo caggal am oon, kam ɓuri kam baawɗe. Mi fotaay fay ɓortude ɗum paɗe muuɗum. Oon lootirta on batisima Ruuhu Ceniiɗo e yiite.

Matta 5:19

Ɗum le, boofuɗo ko ɓuri fuu famɗude e jamirooje ɗeen, de janngini woɓɓe faa ngaɗa noon, joomum laatoto ɓurɗo famɗude e laamu Laamɗo. Ammaa neɗɗo fuu jokkuɗo Tawreeta oon, de janngini woɓɓe ngaɗa noon, joomum laatoto mawɗo e laamu Laamɗo.

Luuka 1:15

sabo o laatoto tedduɗo yeeso Joomiraaɗo. O yarataa doro, o yarataa huunde fuu ko sulinta. O heewan Ruuhu Ceniiɗo gilla e ley reedu inniiko.

Luuka 7:28

Miɗo haalana on, dimoowo fuu rimaay ɓurɗo Yaayaa. Tawi le, ɓurɗo fuu famɗude ley laamu Laamɗo oon na ɓuri mo teddude.

Luuka 9:48

o wi'i ɓe: — Neɗɗo fuu jaɓɓiiɗo cukalel ngel e innde am, wo miin jaɓɓii. Jaɓɓiiɗo kam du, jaɓɓake Nulɗo kam. Sabo ɓurɗo famɗude hakkunde mooɗon fuu, kam woni tedduɗo.

Yuhanna 1:15

Yaayaa seedanake mo, ƴeewnii, wi'i: — Kanko woni mo kaalannoomi haala muuɗum oon nde mbi'unoomi: «Caggal am ardiiɗo kam waran, sabo imo woni gilla mi tagaaka.»

Yuhanna 1:27

Kanko, o waran caggal am. Miin, mi fotaa fay haɓɓitinde ɓoggi paɗe makko.

Yuhanna 10:41

Yimɓe heewɓe ngari to makko, mbi'i: — Yaayaa waɗaay maande haayniinde fay wootere. De ko o haali e gorko oon ɗuum fuu goonɗii.

Yuhanna 3:30

Na tilsi kanko o toowa, de miin le mi leeƴa.

Yuhanna 5:35

Yaayaa laatake lampal kuɓɓoowal, jaynoowal. On njaɓii weltaade e annoora makko faa ɓooyti seeɗa.

Yuhanna 7:39

Ko o haali ɗuum wo haala Ruuhu mo goonɗinɗo mo fuu heɓata. Ndeen Ruuhu waraay, sabo Iisaa teddinaaka to Laamɗo tafon.

1 Korintunkooɓe 15:9

Si goonga, miin ɓuri nulaaɓe ɓeen fuu famɗude. Mi fotaay fay noddireede nulaaɗo, sabo mi torriino kawrital goonɗinɓe Laamɗo.

1 Korintunkooɓe 6:4

Ndelle, si luural waɗii hakkunde mooɗon dow kulle adunaaru, ko waɗi de oɗon njaara ɗum to yimɓe ɓe kawrital goonɗinɓe ngaal hiisaaki ɓeen?

Efeesunkooɓe 2:3

En fuu e maɓɓe njeyanoɗen, e muuyɗe terɗe meeɗen ngonnoɗen. Eɗen njokkunoo muuyɗe meeɗen e miilooji meeɗen bonɗi. No ngorrunoɗen nii jaati, eɗen kaandunoo e jukkungo Laamɗo ngoon hono maɓɓe ni.

Efeesunkooɓe 3:8

Miin ɓurɗo seniiɓe ɓeen fuu famɗude oon, mi hokkaama moƴƴere faa mi waajoo yimɓe ɓe nganaa Alhuudiyankooɓe barkeeji gonɗi e Almasiihu ɗi ngalaa haddu ɗiin.

2 Timote 1:10

De joonin moƴƴere ndeen ɓanginiraama e garol kisinoowo en, Iisaa Almasiihu. Wo kam halki maayde, de yaynani en laawol nguurndam e duumagol ley Kabaaru Lobbo oon.

Ibraninkooɓe 11:40

Ɓe keɓaay ɗum sabo Laamɗo anniyake hokkude en ko ɓuri ɗum. O muuyaay ɓe laatoo hiɓɓuɓe si wanaa ɓe tawdee e meeɗen.

1 Piyeer 1:10

Annabaaɓe pilake faamude kabaaru kisindam ɗam, ɓe ƴamtindii dow majjam faa wooɗi. Ɓe cappake moƴƴere nde Laamɗo fodii hokkude on ndeen.

1 Samuwiila 2:30

Ndelle inan ko Joomiraaɗo, Laamɗo Israa'iila wi'i: «Mi fodanekeno ma, aan e suudu bammaa nduun ngollanon kam faa abada.» De joonin kaa inan ko Joomiraaɗo wi'i: «Taa ɗum laatoo! Yimɓe teddinooɓe kam ɓeen, kam'en teddinammi, ammaa huyfinooɓe kam ɓeen, njawete.