Matta 10:8 - Dewtere Laamɗo Fulfulde Burkina Faso

⁸ Ndannon nyawɓe, ummintinon maayɓe, ndannon seppinɓe, ndiiwon ginnaaji. On keɓirii moƴƴere nde wo dokkal, kokkitiron nde du wo dokkal.

Matta 10:8 ပူးပေါင်းရင်းမြစ်များ

Limle 18:7

Ammaa Haaruuna, aan e ɓiɓɓe maaɗa tan njeyi gollude gollal almaamaaku to sakkirde e ko woni gaɗa wudere faliinde e nokkuure seniinde ndeen. Ndaranoɗon gollal ngaal. Mi hokkii on almaamaaku, ɗum laatoo gollal mooɗon. Si mo jeyaaka e mooɗon ɓattake ɗum fu, wo bareteeɗo.

Matta 10:1

Iisaa noddi taalibaaɓe muuɗum sappo e ɗiɗo ɓeen, hokki ɗum'en baawɗe riiwude ginnaaji e dannude sii nyawuuji e male fuu.

Matta 10:7

To njahaton fuu, ngooynon mbi'on «laamu Laamɗo ɓadake!»

Matta 10:9

Taa kooƴee kaŋŋe naa cardi naa buuɗi ley jiibaaji mooɗon.

Marka 16:18

ɓe nanngiran bolle e juuɗe maɓɓe. Fay si ɓe njari poson, fay huunde waɗataa ɓe. Ɓe njowan juuɗe maɓɓe e nyawɓe de cella.

Luuka 10:9

Ndannon nyawɓe wonɓe ɗoon, mbi'on yimɓe wuro ɓeen: «laamu Laamɗo ɓadake on.»

Golle Nelaaɓe 3:6

De Piyeer wi'i: — Mi walaa cardi, mi walaa kaŋŋe, ammaa mi hokkete ko njogiimi ɗuum: e dow innde Iisaa Almasiihu Nasaraatuujo oon, umma yahu!

Golle Nelaaɓe 4:30

Ɓangin baawɗe maa, ndannaa nyawɓe, ngaɗaa maandeeji kaayniiɗi e kaayeefiiji saabe Iisaa, golloowo maaɗa ceniiɗo oon.