Marka 5:15 - Dewtere Laamɗo Fulfulde Burkina Faso

¹⁵ Nde ɓe ngarnoo to Iisaa ndeen, ɓe nji'i gorko gondunooɗo e ginnaaji oon ina jooɗii ina ɓornii kaddule, hakkillo muuɗum du wartii. De kulol nanngi ɓe.

Marka 5:15 ပူးပေါင်းရင်းမြစ်များ

1 Kabaaruuji Laamiiɓe 13:12

Nyannde ndeen Daawda huli sanne Joomiraaɗo de wi'i: — Noy mbaawirmi nannude keesuwal Laamɗo ngaal ley wuro am?

1 Kabaaruuji Laamiiɓe 15:13

Arannde on tawaakano nde Joomiraaɗo, Laamɗo meeɗen fiirunoo min jukkungo sabo min ƴamayno muuyɗe muuɗum fodde no yamirnoo noon.

Ayuuba 13:11

Wanaa manngu makko hulɓinta on naa? Wanaa kulol makko nanngata on wakkati gooto?

Matta 12:29

Iisaa ɓeydi, wi'i: — Fay gooto waawaa naatude galle gorko jom semmbe faa teeta jawdi muuɗum, sanaa artoo haɓɓa joomum tafon. Ndeen ina waawi hooƴude ko woni ley suudu muuɗum.

Matta 26:53

Maa du aɗa miila joonin mi waawaa noddude Baaba am nulda kam ko ɓuri konuuji 12 maleyka'en naa?

Matta 4:24

Kabaaru makko sankitii ley leydi Siiriya fuu. Yimɓe na ngadda nyawɓe nyawuuji feere feere e male fuu to makko. Woɓɓe wo wonduɓe e ginnaaji, woɓɓe jom'en dabidabiije, woɓɓe du wo jom'en ɓalli-mbaatuɗi. O danni ɗum'en.

Matta 9:33

O riiwi ginnaaru nduun tan, de muumo oon fuɗɗi haalude. Ɗum haaynii jama'aaje ɗeen fuu, ina mbi'a: — Hono ɗum yi'aaka e Israa'iila abada!

Marka 5:14

Durooɓe ɓeen ndoggi kaalanowi ɗum yimɓe ngalluure ndeen e seraaji mum. Yimɓe ɓeen njehi faa ndaarowa ko waɗi ɗuum.

Marka 5:16

Yiinooɓe ɗum ɓeen kaalani ɓe ko hewtinoo gondunooɗo e ginnaaji oon e girooji ɗiin.

Marka 5:18

Nde o naatannoo laana kaan ndeen, gondunooɗo e ginnaaji oon nyaagii mo o acca ɗum jokka mo.

Marka 5:4

Sabo imo woownoo geƴƴireede geƴƴelle e callali, ammaa imo taƴa callali ɗiin, imo hela geƴƴelle ɗeen. Fay gooto du semmbem hewtaay faa nannga mo.

Marka 5:9

Iisaa ƴami mo, wi'i: — Noy mbi'eteɗaa? Ndu jaabii, ndu wi'i: — Jamaa mbi'eteemi, sabo miɗen keewi.

Luuka 10:39

Marta ina woodi minyiiwo bi'eteeɗo Mariyama. Oon ina jooɗii ɗakkol koyɗe Iisaa, ina hettindii haala muuɗum.

Luuka 8:27

Nde o jippinoo laana kaan ndeen, gorko gonduɗo e ginnaaji jeyaaɗo e wuro ngoon hawri e makko. Gorko oon wo joppuɗo kaddule muuɗum ko ɓooyi, o jooɗaaki ley wuro, imo woni ley caabeeje.

Koloosiyankooɓe 1:13

O wurtinii en e baawɗe nimre, de o nanni en e laamu Ɓiyiiko korsuɗo

2 Timote 1:7

Sabo Laamɗo hokkaay en Ruuhu faa kulen. Ammaa hokkii en Ruuhu faa keɓen semmbe e njinngu e nanngitaare.

1 Samuwiila 16:4

Samuwiila waɗi ko Joomiraaɗo wi'i. Nde o hewtunoo Baytilaama ndeen, mawɓe wuro ngoon ngari njaɓɓitii mo ina ndiwna kulol. Ɓe mbi'i: — Kori wo jam ngarduɗaa?