Marka 4:19 - Dewtere Laamɗo Fulfulde Burkina Faso

¹⁹ ammaa kaɓɓu-ko'u adunaaru e eytugol jawdi, kam e muuyɗe yonki goɗɗe naatan ɓe, ɓilla ngol, ngol laatoo dimarol.

Marka 4:19 ပူးပေါင်းရင်းမြစ်များ

Banndi 23:4

Taa waru hoore maa dow filagol jawdi, kakkilaa, ndeentoɗaa.

Banndi 23:5

Ngam fadde maa e feertude gite dow mayri, tawan ndi halkii, ndi waɗan bippeele, ndi fiira hono gabuure.

Tindinoowo 4:8

Inan neɗɗo gonɗo kam tan mo walaa ɓiɗɗo, walaa sakiike. De golleeji muuɗum tampiriiji timmataa abada, jawdi du heƴataa ɗum, de na ƴamitoo na wi'a: «Moy ngollanammi golleeji ɗi? Ko saabii miɗo haɗitoo mbelirka?» Ɗum fuu wo ɗum ɓolum e donngal mettungal.

Matta 13:22

Kabaaru aawdi caamundi e kebbe ndiin, ina nanndi e neɗɗo nanoowo konngol ngool, de kaɓɓu-ko'u adunaaru e eytugol jawdi ɓilla ngol, ngol laatoo dimarol.

Matta 19:23

Ndeen, Iisaa wi'i taalibaaɓe muuɗum ɓeen: — Goonga kaalanammi on: naatugol jom jawdi ley laamu Laamɗo ina tiiɗi!

Matta 3:10

Joonin, jammbere ƴeptaama faa soppa ɗaɗi leɗɗe. Ndelle, lekki fuu ki rimataa ɓiɓɓe lobbuɓe, soppete, faɗɗee ley yiite.

Marka 4:18

Aawaandi ley kebbe ndiin woni nanɓe ngol,

Luuka 10:41

Iisaa jaabii mo, wi'i: — Marta, Marta, aɗa tampina hoore maa e kujje keewɗe, aɗa jiiɓa hakkillo maa.

Luuka 21:34

— Ndeenee ko'e mon taa yidde fijo suloowo e sulargol doro e kaɓɓu-ko'u adunaaru njowoo dow ɓerɗe mon de nyannde ndeen juha on

Yuhanna 15:2

Liccal am dimaral fuu o taƴan ɗum. Dimoowal du fuu, o saltoto ɗum faa ɓeyda rimude.

Romankooɓe 12:2

Taa nyemmbitee adunaaru, ammaa accee Laamɗo heyɗintina hakkillooji mon faa ɓerɗe mooɗon mbaylitoo. Ndeen, on mbaawan anndude muuyɗe Laamɗo: ko wooɗi e ko weli mo e ko hiɓɓi.

Efeesunkooɓe 2:2

on jokkunooɓe laawol bonngol ngol adunaaru ndu jokki ngool, on ɗowtaninooɓe laamiiɗo baawɗe gonɗe dow mbeeyu oon. Laamiiɗo oon wo Ibiliisa golloowo faa hannden ley yimɓe saliiɓe Laamɗo ɓeen.

Efeesunkooɓe 6:12

Sabo wanaa yimɓe kaɓeten, ko kaɓeten dey, wo laamuuji e baawɗe e hoorewaaku ley adunaaru niɓɓundu ndu, kam e seyɗaani'en bonɓe wonɓe hakkunde kammu e leydi ɓeen.

Filipiyankooɓe 4:6

Taa fay huunde haɓɓa on ko'e, ammaa nyaagoroɗon Laamɗo haajuuji mooɗon fuu ley du'aare. Ngaɗiron ɗum e jettooje.

1 Timote 6:17

Njamiraa joomiraaɓe jawdi e adunaaru ndu taa mawninkinoo, taa njowa jikke muɓɓen e jawdi ndi hoolnaaki. Ammaa ɓe njowa jikke maɓɓe e Laamɗo kokkoowo en huunde fuu faa heewa faa ceyoroɗen ɗum.

2 Timote 4:10

Sabo Demas yoppii kam saabe yidde muuɗum adunaaru, yehi Tesaloniiki. Keresna yehii Galaatiya, Tiitu du yehi Dalmaatiya.

2 Piyeer 1:8

Si sifaaji lobbi ɗi ina ngoni e mooɗon, wooɗi na ɓeydoo, ɗi kaɗan on laataade waatuɓe ɓerɗe ɓe nafataa e ley anndugol mooɗon Joomiraaɗo men Iisaa Almasiihu.

Yahuuda 1:12

Iɓe laatii masiiba wakkati kawroton faa nyaamdon ley njinngu, sabo iɓe nanndi hono tefaaje gonɗe ley maayo kalkooje laanaaji. Ɓe cemtataa ko ɓe njeyaaka ley ɗoon. Wooɗi du, ko'e maɓɓe tan ɓe killaa. Wo ɓe duule ɗe ngalaa ndiyam ɗe keni coggata. Wo ɓe leɗɗe ƴaamnde ɗe ngalaa ɓiɓɓe ɓoreteeɓe, ɗoofaaɗe, baatuɗe fey.