Marka 4:15 - Dewtere Laamɗo Fulfulde Burkina Faso

¹⁵ Aawdi caamundi sera laawol ndiin wo nanɓe konngol ngool, de wakkati oon fu Seyɗaani wara, itta ko aawaa e maɓɓe ɗuum.

Marka 4:15 ပူးပေါင်းရင်းမြစ်များ

Fuɗɗoode 19:14

Luudu yalti haaldi e haɓɓanɓe ɓiɓɓe muuɗum rewɓe ɓeen, wi'i ɗum'en: — Ummee! Njalten, ndillen nokku oo, sabo Joomiraaɗo halkan wuro ngo. Ammaa esiraaɓe makko ɓeen ndaardi haala kaan hono toolo.

Matta 13:19

Neɗɗo fuu nanɗo haala laamu Laamɗo de tawi faamaay ɗum, bonɗo oon waran, itta ko aawaa e ɓernde muuɗum. Kabaaru neɗɗo oon ina nanndi e aawdi caamundi sera laawol ndiin.

Matta 22:5

Ammaa noddaaɓe ɓeen kiisaaki mo, naati haajuuji muɓɓen: o yehi ndaaroyde ngesa muuɗum, o du luumooji muuɗum.

Matta 4:10

Iisaa wi'i mo: — Woɗɗam Seyɗaani! Sabo ina winndaa: «Wo Laamɗo Joomiraaɗo maa kaanɗaa sujidande, kam tan kaanɗaa rewude.»

Marka 4:14

Aawoowo oon wo konngol Laamɗo aawata.

Marka 4:16

Aawaandi dow korokaaƴe ndiin woni nanɓe ngol, de njaɓɓorii ngol seyo wakkati gooto.

Marka 4:4

E ley aawugol ngool, aawdi ngondi saami e laawol, de pooli ngari cuɓi ndi.

Luuka 8:12

Ngondi sera laawol ndiin woni nanooɓe ngol, de Ibiliisa wara, itta ngol e ɓerɗe muɓɓen taa ngoonɗina de kisa.

Golle Nelaaɓe 17:32

Nde ɓe nannoo Pool ina waajoo haala ummital maayɓe ndeen, woɓɓe na njalnoroo mo, de woɓɓe na mbi'a: — Min kettindoto waaju maa o nyannde wonnde.

Golle Nelaaɓe 5:3

Piyeer wi'i: — Ananiyas, ko waɗi de Seyɗaani heewi ɓernde maa faa penanɗaa Ruuhu Ceniiɗo, cuuɗuɗaa feccere coggu ngesa ngaan?

2 Korintunkooɓe 2:11

taa Seyɗaani jamboo en, sabo eɗen anndi anniyaaji muuɗum.

2 Tesaloniyankooɓe 2:9

Neɗɗo Bonɗo oon wardan e baawɗe Seyɗaani, warda e semmbe mawɗo e maandeeji e kaayeefiiji fewreeji.

Ibraninkooɓe 12:16

Kilnee taa fay gooto mooɗon laatoo jaahili naa mo walaa kulol Laamɗo hono Isuwa ni. Kam sonni mawniraagu muuɗum faa heɓa ko nyaama nde wootere tan.

Ibraninkooɓe 2:1

Ndelle, eɗen kaani wattude hakkillooji meeɗen sanne e ko nanɗen ɗuum, taa mbosoɗen goonga.

1 Piyeer 5:8

Ndeentee, kakkilon! Sabo ganyo mooɗon Ibiliisa ina waɗa yaha-warta hono no laddeeru yolbundu ni, ina filoo mo nyaama.

Holleede 12:9

Kuungal manngal ngaal riiwaama. Kangal woni mboddi arandeeri mbi'eteendi Ibiliisa naa Seyɗaani, njarribotoondi adunaaru ndu fuu. Ndi faɗɗaama e leydi, kayri e maleyka'en mayri fuu.

Holleede 20:10

Ibiliisa kiilannooɗo ɓe oon faɗɗaa e weendu yiite e sitti nduun, ɗo ndaabaawa ngaan e annabaajo peneejo oon ngoni ɗoon. Ɓe njukketee ɗoon jemma e nyalooma faa abada.

Holleede 20:7

Si duuɓi ujunere ɗiin kiɓɓii, Seyɗaani haɓɓitete e kasu muuɗum, yoppee.