Marka 2:27 - Dewtere Laamɗo Fulfulde Burkina Faso

²⁷ Iisaa wi'i ɓe katin: — Nyalaande fowteteende ndeen wo saabe neɗɗo waɗiraa, wanaa neɗɗo waɗiraa saabe nyalaande fowteteende ndeen.

Marka 2:27 ပူးပေါင်းရင်းမြစ်များ

Wurtagol 23:12

Balɗe jeegom ngollirtaa gollal maaɗa. Ammaa nyalaande jeɗɗaɓerde kaa, na tilsi powtaa faa ga'i maa e araaji maa du keɓa powta. Noon du maccuɓe maaɗa e weerɓe maa fuu powtirta.

Marka 2:28

Ndelle fay nyannde fowteteende ndeen, Ɓii Neɗɗo woni joomum.

Luuka 6:9

Ndeen Iisaa wi'i ɓe: — Miɗo ƴama on: ɗume dagii nyannde fowteteende, gollude ko wooɗi naa gollude ko boni? Dannude neɗɗo naa halkude ɗum?

Yuhanna 7:23

Sini neɗɗo ina taadee nyannde fowteteende faa taa lutton jamirooje Muusaa, ɗume tikkiranton kam saabe mi dannii neɗɗo faa laatoo kiɓɓuɗo nyalaande fowteteende?

2 Korintunkooɓe 4:15

Ko hewti min fuu wo saabe mooɗon faa moƴƴere Laamɗo yottoo yimɓe heewɓe. Hono noon yimɓe heewɓe njettirta Laamɗo faa Laamɗo ɓeyda teddineede.

Fillitagol 5:12

Kakkilanon nyalaande fowteteende ndeen. Nde laatanoo on seniinde fodde no Joomiraaɗo, Laamɗo mooɗon yamiri.

Fillitagol 5:14

Ammaa nyalaande jeɗɗaɓerde ndeen kaa, wo nyannde fowteteende saabe Joomiraaɗo, Laamɗo maaɗa. Taa ngollaa faa'e aan e ɓiɓɓe maaɗa worɓe e rewɓe e maccuɓe ma e horɓe ma e na'i ma e araaji ma e daabaaji ma laatiiɗi fuu e jananɓe jooɗiiɓe ley galluuje maaɗa faa maccuɓe ma e horɓe ma ɓeen keɓa powtiri hono no maaɗa noon.

Koloosiyankooɓe 2:16

Ndelle, taa fay gooto felda on dow ko nyaamoton e ko njaroton naa saabe teddingol nyalaaɗe goɗɗe e darɗe lewru e nyalaaɗe powteteeɗe.