Marka 14:72 - Dewtere Laamɗo Fulfulde Burkina Faso

⁷² Wakkati oon pay, ndontoori joggi ɗiɗaɓerde, de Piyeer miccitii ko Iisaa wi'unoo ɗuum: «Fadde ndontoori e joggude kile ɗiɗi, a wi'an a anndaa kam kile tati.» Ɓernde Piyeer metti dow majjum, heddii ina woya.

Marka 14:72 ပူးပေါင်းရင်းမြစ်များ

2 Samuwiila 24:10

Caggal ko Daawda tilii e limgal yimɓe ɗuum, ɓernde mum sunii, wi'i Joomiraaɗo: — Mi waɗii hakke mawɗo ley ko ngollumi ɗuum. Joonin Joomiraaɗo miɗo nyaage, ittaa feloore am miin maccuɗo maaɗa. Ko ngaɗumi ɗuum wo puuyndam mawɗam.

Matta 26:34

Iisaa jaabii mo, wi'i: — Goonga kaalanammaami: jemma o pay, fadde ndontoori joggude a wi'an a anndaa kam kile tati.

Marka 14:30

Iisaa wi'i mo: — Goonga kaalanammaami: jemma hannden o pay, fadde ndontoori e joggude kile ɗiɗi a wi'an a anndaa kam kile tati.

Marka 14:68

Piyeer yeddi mo, wi'i: — Miin kaa mi anndaa, mi faamataa ko kaalataa ɗuum. Caggal ɗuum, Piyeer yehi naatowi bolongal galle ngaal. [Ndeen ndontoori joggi.]

Marka 14:71

Kanko du, o fuɗɗi hunaade e huttaade, imo wi'a: — Mi anndaa gorko mo kaaloton haala mum oon fey!

Luuka 22:60

De Piyeer jaabii, wi'i: — Gorko, mi faamataa ko kaalataa ɗuum! O selaay haalude, faa ndontoori joggi.

Luuka 22:62

O wurtii yaasin, imo woya bojji cattuɗi.

2 Korintunkooɓe 7:10

Sabo mettorgal kawroowal e muuyɗe Laamɗo ina waɗa faa neɗɗo tuuba, de hisa, mimsugol du fuu walaa e majjum. Ammaa mettorgal adunaaru, wo maayde waɗata.