Luuka 7:25 - Dewtere Laamɗo Fulfulde Burkina Faso

²⁵ Ndelle ɗume njaaɗon faa ndaarowon? Gorko nyaaƴoowo naa? Si goonga, ɓornotooɓe kaddule lobbe de mbuura nguurndam lobbam ɓeen, ley cuuɗi kaanankooɓe tawetee.

Luuka 7:25 ပူးပေါင်းရင်းမြစ်များ

2 Samuwiila 19:35

Ammaa Barsilay jaabii kaananke, wi'i: — Kaananke, heddanaaki kam balɗe keewɗe katin faa mi yaada e maa Urusaliima.

1 Kaanankooɓe 10:5

e neemaaji dekiiɗi dow taabawal e cuuɗi howruuɓe laamu lobbi, e no gollooɓe muuɗum ɓornorii kaddule lobbe na ndarii, e hokkooɓe njaram, wooɗi du e sadakaaji buleteeɗi ɗi o waɗata ley suudu Joomiraaɗo. Ɗum fuu ɗum haayni debbo oon faa wembaa.

2 Kaanankooɓe 1:8

Ɓe njaabii mo ɓe mbi'i: — Imo ɓornii kaddule gaɗiraaɗe leeɓi, wooɗi du imo haɓɓinii kaɓɓorgol nguru. Kaananke jaabii wi'i: — Oon jaati woni Iliyaasa jeyaaɗo Tisibi oon!

Ester 1:11

O neli ɓe, ɓe noddana mo deekiiko Wasti wara ɗo makko, na hippii kufune laamu. Jerjes na muuynoo hollude ardiiɓe e yimɓe heddiiɓe fuu no ŋari deekum foti. Si goonga du, deekiiko oon na ŋarɗi sanne.

Ester 1:3

Hitaande tataɓerde laamu makko, o waɗani hooreeɓe laamu makko e gollooɓe makko fuu weltaare mawnde. Inan tawaaɓe yeeso makko: konunkooɓe leyɗe Persi e Mediya, ardiiɓe e goforneere'en leyɗe tawaaɗe ley laamu makko fuu.

Ester 4:2

Nde o yottinoo dammbugal laamordu fuu, o darii yaasin sabo fay gooto walaa laawol naaddude e kaddule bootooji ley toon.

Ester 5:1

Nde nyalaaɗe tati ɗeen njottinoo fuu, Ester ɓornii kaddule muuɗum laamu de yehi naatowi ley galle to kaananke woni toon. Tawi kaananke na jooɗii dow jooɗorgal laamu muuɗum na hucciti dammbugal naatirgal.

Ester 8:15

Wakkati oon, Mordakay wurtii ley laamordu na ɓornii kaddule kaanankooɓe daneeje e bulabulaaje e forgo nyootiraango leppi ɗaatuɗi daneeji e leppi bojjitooji, kufune kaŋŋe mawɗo na hippii dow hoore muuɗum. Galluure Suus fuu wurtodii e seyo manngo e kelle e kilinaali.

Matta 11:8

Ndelle, ɗume njaaɗon faa ndaarowon? Gorko nyaaƴoowo naa? Si goonga, nyaaƴooɓe wo ley galleeji kaanankooɓe tawetee.

Matta 3:4

Yaayaa ina ɓornii kaddungal canyiraangal leeɓi geelooɗi, ina haɓɓii kaɓɓorgol nguru. Nyaamdu makko wo baɓɓatti e njuumndi ladde.

Matta 6:29

Miɗo haalana on: fay Suleymaana e darja muuɗum fuu holtiraay hono gootel e majji ni.

Luuka 16:19

— Ina woodunoo gorko gomma jom jawdi ɓornotooɗo kaddule boɗeeje ɗaatuɗe, buurduɗo nyannde fuu e weltaare e mbelirka.

Luuka 7:24

Nde nulaaɓe ɓeen kootunoo ndeen, Iisaa fuɗɗi haalande jamaa oon haala Yaayaa, wi'i ɗum'en: — Ko njaaɗon ley ladde ɗuum, wo faa ndaarowon ɗume? Yalla huɗo ko henndu dimmbata naa?

Luuka 7:26

Ndelle, ɗume ndaaroyɗon? Annabaajo naa? Goonga! Miɗo haalana on, imo ɓuri annabaajo.