Luuka 7:12 - Dewtere Laamɗo Fulfulde Burkina Faso

¹² Nde o ɓattinoo dammbugal wuro ngoon ndeen, o hawri e maayɗo, ina wurtinee. Wo bajjo mo bammum maayi, inna mum ɓaŋaaka katin. Yimɓe wuro ngoon heewɓe ina njaada e inniiwo oon.

Luuka 7:12 ပူးပေါင်းရင်းမြစ်များ

Fuɗɗoode 22:12

Joomiraaɗo wi'i: — Taa junngo maa yottoo suka oon! Taa ngaɗaa mo fay gootum, sabo joonin kaa, mi annditii wo a kuloowo Laamɗo. A salanaaki kam ɓiya korsuɗo gooto mo njogiɗaa oon.

Fuɗɗoode 22:2

Joomiraaɗo wi'i o: — Adu Isiyaaka, ɓiya korsuɗo mo njiɗɗaa sanne oon, njahaa leydi Moriya, ngaɗaa mo sadaka buleteeɗo dow waamnde mawnde nde kollanmaami ndeen.

2 Samuwiila 14:7

Joonin le, lenyol am fuu ummanake kam, iɓe mbi'a, «Waddu piiɗo sakiike mum oon. Min mbaran mo saabe ko o wari sakiike makko ɗuum.» Nii ɓe njiɗi wardude donoowo kam oon. Iɓe njiɗi nyifude ƴulmere am wulnde wootere heddiinde ndeen. Ndeen le, goram heɓataa innde naa ƴuwdi ley adunaaru.

1 Kaanankooɓe 17:12

Debbo oon jaabii mo wi'i: — Miɗo hunoroo Joomiraaɗo, Laamɗo maaɗa buurɗo, mi walaa fuu ko defetee, si wanaa tambannde conndi wootere ley loonde, e nebbam seeɗa ley jollooru. Mi warii faa mi teena leɗɗe seeɗa de mi hoota mi sa'a conndi ndiin maasaare. Miin e ɓiyam gorko min nyaama nde de min maaya rafo.

1 Kaanankooɓe 17:18

Ndeen inna suka oon wi'i Iliyaasa: — Nelaaɗo Laamɗo, ɗume waddondiri en? Yalla a waraanaa ɗo am faa miccintina Laamɗo hakkeeji am, de wara ɓiyam naa?

1 Kaanankooɓe 17:23

Iliyaasa hooƴi suka oon, jippodii e muuɗum suudu dowuuru, hokkiti ɗum innam de wi'i: — Inan! Ɓiya wo buurɗo.

1 Kaanankooɓe 17:9

— Ummaa njahaa Sarifat, leydi Sidon, de njooɗoɗaa toon. Mi yamiri debbo gomma mo gorum wuuraa hokke nyaamdu.

2 Kaanankooɓe 4:16

Elisey wi'i mo: — Mawuuri hono wakkati o, tawan aɗa wuundi ɓiɗɗo gorko e junngo maaɗa. Debbo oon jaabii mo wi'i: — A'aa! Joomam Nelaaɗo Laamɗo, taa fenan ɓiya debbo!

2 Kaanankooɓe 4:20

Maccuɗo oon hooƴi ngel yaari to inniigel. Inniiwo oon yowi ngel dow koyɗe muuɗum faa hakkunde naange de ngel maayi.

Ayuuba 29:13

Ɓadiiɗo maayde yettii kam, du'ii barkinɗini kam, mo gorum maayi du, mi waɗii yimirii seyo.

Luuka 7:11

Gaɗa majjum, o yehi wuro wi'eteengo Nayin. Taalibaaɓe makko e yimɓe heewɓe ina njaada e makko.

Luuka 7:13

Nde Iisaa yi'unoo inniiwo oon fu, yurmii ɗum sanne, wi'i: — Taa woy!

Luuka 8:42

Ɓiyum debbo bajjo, ina habda e yonki. Duuɓi muuɗum na ngaɗa hono 12. E ley ko Iisaa yahata toon ɗuum, yimɓe na ɓilli ɗum sanne.

Luuka 8:52

Yimɓe ɓeen fuu ina mboya suka oon, ina piira ɓerɗe muɓɓen mettorgal. O wi'i ɓe: — Taa mboyee sabo o maayaay, wo o ɗaani tan.

Yuhanna 11:19

Alhuudiyankooɓe heewɓe ngari to Mariyama e Marta faa mbaaltina ɓerɗe muɓɓen e maayde sakiike muɓɓen.

Golle Nelaaɓe 9:39

Piyeer ummii, yaadi e maɓɓe. Nde ɓe njottinoo ndeen, ɓe njaari mo ley suudu sooro toon. Rewɓe talka'en ɓe goriraaɓe muɓɓen maayi ɓeen fuu ɓattii ɗum ina mboya, ina kolla ɗum saayaaji e kaddule goɗɗe ɗe Dorkas nyo'unoo nde wondunoo e muɓɓen ndeen.

Golle Nelaaɓe 9:41

Piyeer nanngi junngo makko, ummini mo. Caggal ɗuum, o noddi seniiɓe ɓeen e rewɓe talkaaɓe ɓeen, o holli ɗum'en Tabita wo buurɗo.

Yaakuuba 1:27

Diina laaɓuka ceniika yeeso Laamɗo Baaba meeɗen kam woni: wallude rewɓe talkaaɓe ɓe goriraaɓe muɓɓen maayi e atiime'en ley ɓillaare muɓɓen, e haybude hoore muuɗum e tuundi adunaaru.