Luuka 6:48 - Dewtere Laamɗo Fulfulde Burkina Faso

⁴⁸ Joomum ina nanndi e neɗɗo nyiɓuɗo suudu, wasi leydi ndiin faa yottii hayre, joƴƴini ndu dow mayre. Ndeen ƴuwoonde mawnde toɓi faa gooruwol heewi, fiyi e suudu nduun, ammaa hunngii dimmbude ndu, sabo ndu nyiɓaama faa wooɗi.

Luuka 6:48 ပူးပေါင်းရင်းမြစ်များ

2 Samuwiila 22:2

— Joomiraaɗo woni tefaare am, wo suuɗorde am to ndeenotoomi, wo kisinoowo kam.

2 Samuwiila 22:32

Joomiraaɗo kam tan woni Laamɗo, kam tan woni tefaare.

2 Samuwiila 22:47

Joomiraaɗo wo buurɗo! Jettooje ngoodanii mo, laatiiɗo tefaare am ndeen! Miɗo mana Laamɗo, tefaare hisinoore kam.

2 Samuwiila 22:5

Bempeƴƴe maayde mburwake dow am, diyeele halkere njoolii kam.

2 Samuwiila 23:3

Laamɗo Israa'iila haalii, tefaare Israa'iila ndeen haalanii kam, wi'i: — Nde kaananke laamorii yimɓe laaɓal, nde o laamorii ɓe ley kulol Laamɗo fu,

Banndi 10:25

Si nduuydi na faltoo bonɗo adete, de ponnditiiɗo kaa, daroto faa abada.

Luuka 6:47

Neɗɗo fuu garɗo to am de hettindii haalaaji am, jokki ɗi, mi hollan on mo o nanndi:

Luuka 6:49

Kaa kettindiiɗo haala am, si jokkaay, ina nanndi hono nyiɓuɗo suudu dow leydi mo wasanaay ɗum joƴƴinirde. Gooruwol bubboowol fiyi e suudu nduun, de wakkati gooto ndu saami. Suudu nduun halki halkere mawnde sanne.

Yuhanna 16:33

Mi haalanii on ɗum, faa keɓon jam ley gondal am. Ley adunaaru ndu on keɓan torra, ammaa cemmbinee ɓerɗe mon, sabo miin, mi jaalake adunaaru ndu!

Golle Nelaaɓe 14:22

Iɓe ɓeydana taalibaaɓe semmbe, iɓe tindina ɗum'en keddoo e goonɗinal, iɓe mbi'a: — Sanaa tampen tampiriiji keewɗi fadde men e naatude laamu Laamɗo.

Efeesunkooɓe 2:20

On mahaama e dow ko nulaaɓe e annabaaɓe nyiɓi, Iisaa Almasiihu e hoore muuɗum woni hayre arandeere nyimngo ngoon.

Fillitagol 32:15

Ammaa nde Yesurun haarunoo faa fayi fu, ummanii Joomiraaɗo. On payii, on tekkii, on ngaɗii deedi. Ndeen njoppuɗon Laamɗo taguɗo on oon, kuyfinɗon Tefaare kisindam mooɗon ndeen.

Fillitagol 32:18

On njeggitii Laamɗo kokkuɗo on yonkiiji oon, paɗɗuɗon Tefaare rimunde on ndeen.

Fillitagol 32:31

Sabo tefaare wayɓe maɓɓe hawtaa e nde meeɗen, kam'en e ko'e muɓɓen na anndi.

2 Timote 2:19

Ammaa e ɗum fuu, joƴƴinirde Laamɗo sellunde tabitii. Ina winndaa dow mayre: «Joomiraaɗo ina anndi yimɓe muuɗum.» Ina winndaa katin: «Noddoowo innde Joomiraaɗo fuu woɗɗoo ko boni.»

2 Piyeer 1:10

Ndelle sakiraaɓe, onon kaa, tinnoree no mbaawruɗon fuu e tabintinde noddaango ngo Laamɗo noddi on to muuɗum ngoon, e ko o suɓii on ɗuum du. Sabo si on ngaɗii ɗum on pergataako abada!

1 Yuhanna 2:28

Joonin sukaaɓe am, keddee, ngonee e Almasiihu, faa ndaroɗen yeeso makko tawa eɗen ngoodi hoolaare, taa cemten nyannde gartol makko.

Yahuuda 1:24

Laamɗo ina waawi reenude on e fergaade, ina waawi waddude on faa ndaroɗon yeeso teddeengal muuɗum, tawee feloore fuu walaa e mooɗon, wo on weltiiɓe.

1 Samuwiila 2:2

Fay gooto laataaki ceniiɗo hono Joomiraaɗo. Laatiiɗo hono maaɗa fuu walaa. Tefaare nanndunde e Laamɗo meeɗen fuu walaa.