Luuka 6:38 - Dewtere Laamɗo Fulfulde Burkina Faso

³⁸ Kokkee, on kokkete etirgal lobbal, dimmbaangal de ɗibbaa faa ƴolii, ina rufa, saawee e kaddule mooɗon. Sabo etirgal ngal etirton, wo ngaal etiranteɗon.

Luuka 6:38 ပူးပေါင်းရင်းမြစ်များ

2 Samuwiila 19:36

Miɗo wondi e duuɓi 80 joonin. Yalla miɗo waawi senndude hakkunde ko weli e ko metti katin naa? Yalla ɗemngal am miin maccuɗo maaɗa na waawi maatude ndakam nyaamduuji e njaramuuji naa? Yalla miɗo waawi hettindanaade worɓe e rewɓe yimooɓe naa? Ndelle ko waɗi miin maccuɗo maaɗa mi ɓeyda donngal dow maaɗa aan joomam kaananke?

Ester 7:10

Noon Haman jorfitoraa dow leggal ngal moƴƴinanno Mordakay ngaal. Ɗum feewtini ɓernde kaananke.

Ayuuba 42:11

Ndeen sakiraaɓe makko rewɓe e worɓe e anndaaɓe muɓɓen fuu ngari wuro makko, nyaamdi e makko. Ɓe njurmii mo, ɓe mbaaltini ɓernde makko dow torraaji ɗi Joomiraaɗo waylunoo dow makko fuu. De ɓe kokki mo dokke, mono fuu hokki mutakal cardi e hootonnde kaŋŋe.

Wurtagol 21:24

yitere yoɓiree yitere, nyiinde yoɓiree nyiinde, junngo yoɓiree junngo, koyngal yoɓiree koyngal,

Banndi 10:22

Barke Joomiraaɗo na wadda jawdi, mettorgal walaa e maggol.

Banndi 19:17

Moƴƴanɗo talkaaɓe wuƴake Joomiraaɗo, Joomiraaɗo du yoɓan joomum.

Banndi 22:9

Moƴƴuɗo barkinte, sabo na yeɗa talkaaɓe nyaamdu muuɗum.

Matta 10:42

Goonga kaalanammi on: neɗɗo fuu kokkuɗo ɓurɗo famɗude e taalibaaɓe am fay horde-loonde ndiyam peewɗam saabe wo o taalibaajo am fu, waasataa heɓude mbarjaari muuɗum.

Matta 7:2

Sabo no kiitortoɗon woɓɓe, noon onon du kiitorteɗon. Katin du ko etiranton woɓɓe, wo ɗuum etiranteɗon.

Marka 4:24

O wi'i ɓe katin: — Tinnee e no nanirton haalaaji am ɗi! Sabo ko etiranton woɓɓe, wo ɗuum etiranteɗon, wooɗi on ɓeydante du.

Luuka 6:30

Ŋaariiɗo ma fuu, kokkaa ɗum. Teetuɗo ma gineeji maa, taa ƴamtu ɗum.

Fillitagol 15:10

Ndelle nyamloɗon o, wooɗi du, kokkiron o yardamuye. Si on ngaɗii noon fu, Joomiraaɗo, Laamɗo mooɗon barkinan golle mon e ko anniyiɗon waɗude fuu.

Yaakuuba 2:13

Sabo si goonga, nde Laamɗo sarotoo fu, yurmataako neɗɗo mo hollaay woɓɓe yurmeende. De jom yurmeende kaa, walaa fuu ko huldata sariya.

Ardiiɓe 1:7

Ndeen Adoni-Beejek wi'i: — Si goonga, ina woodunoo kaanankooɓe 70 ɓe taƴumi kolli juuɗe muɓɓen gori e kolli koyɗe muɓɓen gori fuu. Sanaa ɓe cuɓanoo ko'e maɓɓe ko ɓe nyaama ley taabawal am to nyaamammi. Laamɗo yomnitake kam ko ngaɗunoomi ɓe ɗuum fuu. Ɓe njaari mo Urusaliima, o maayi toon.