Luuka 6:36 - Dewtere Laamɗo Fulfulde Burkina Faso

³⁶ Laatee yurmotooɓe, hono no Baaba mooɗon yurmortoo noon.

Luuka 6:36 ပူးပေါင်းရင်းမြစ်များ

Matta 5:48

Ndelle, laatoɗon hiɓɓuɓe, hono no Baaba mooɗon gonɗo dow kammuuli oon hiɓɓiri ni.

Luuka 6:35

Onon le, njiɗee wayɓe on, ngaɗon moƴƴere, nyamloɗon tawee on miilaaki yoɓeede fey. Ndeen, on keɓan mbarjaari mawndi, on laatoto ɓiɓɓe Laamɗo Toowɗo, sabo oon ina waɗana bonnooɓe moƴƴere, ina waɗana bonɓe du.

Luuka 6:37

— Taa kiitee, on kiitataake. Taa njukkee, on njukkataake. Njaafee, on njaafete.

Efeesunkooɓe 4:31

Ittee mettorgal fuu e ɓerɗe mooɗon, celon konnaagu e tikkere e duko e nyoore, kam e ko boni fuu.

Yaakuuba 3:17

Ammaa hakkillo ƴuurungo to Laamɗo, arande fuu, wo ngo laaɓungo. Wooɗi du, ingo wadda jam. Ingo heewi heese, ingo heewi newaare, ingo heewi yurmeende, ingo rima ko wooɗi. Ngo ɓurdintaa yimɓe. Naafikaaku walaa e maggo.