Luuka 6:25 - Dewtere Laamɗo Fulfulde Burkina Faso

²⁵ Bone woodanii on, onon haarɓe joonin, sabo on njolban. Bone woodanii on, onon jalooɓe joonin, sabo on cunoyto, on mboyan.

Luuka 6:25 ပူးပေါင်းရင်းမြစ်များ

Banndi 14:13

Ɓernde ina metta fay nder jaleeɗe, seyo du na waawi timmirde mettorgal.

Banndi 30:9

Sabo si a waɗii kam jom jawdi keewndi, miɗo waawi salaade ma, mi wi'a: «Moy woni Joomiraaɗo?» Si mi jogaaki faa'e du, miɗo waawi wujjude, de mi famɗina innde maa, yaa Laamɗo am.

Tindinoowo 2:2

Mbiimi jaleeɗe wo puuyndam, de ɗume seyo le nafata?

Tindinoowo 7:3

Cunu na ɓuri jaleeɗe ngam cunu na niɓɓina yeeso de na laamna ɓernde.

Tindinoowo 7:6

Jaleeɗe puuyɗo ina nandi e sawtu gi'e kuɓɓooje ley fayande. Ɗum du fuu wo ɗum ɓolum.

Amos 8:10

Mi wattitiran hiirooji mooɗon e nyalaaɗe bojji, mi waɗan jimi mooɗon fuu mbaylitoroo bullaali cattuɗi. Mi waɗan taadoɗon bootooji de ko'e mooɗon fuu pemmbee. Mi wattan leydi ndiin fuu ley mettorgal hono maayraaɗo ɓiyum gooto mo woodunoo, ɗum fuu ɗum timmiran hono nyalaande mettorgal.

Luuka 12:20

Ammaa Laamɗo wi'i mo: «Aan pamɗuɗo hakkillo! Yonki maa ittete e jemma o. Moy adata ko paggiɗaa ɗuum?»

Luuka 13:28

On mboyan, on nyerƴunduran nyiiƴe nde nji'oton Ibrahiima e Isiyaaka e Yaakuuba, kam'en e annabaaɓe fuu ley laamu Laamɗo, tawa onon on faɗɗaaɓe yaasin.

Luuka 6:24

Ammaa bone woodanii on, onon joomiraaɓe jawdi, sabo on keɓii mbelirka mon.

Luuka 6:26

Bone woodanii on, si yimɓe fuu manii on, sabo hono noon maamiraaɓe maɓɓe ngaɗannoo annabaaɓe fewreeɓe.

Luuka 8:53

Ndeen ɓe njalnorii mo, sabo iɓe anndi o maayii.

Efeesunkooɓe 5:4

Taa kaalee haalaaji bonɗi naa ɓoli naa nyiddiniiɗi, sabo hono majji kaanaa taweede e mooɗon. Ko kaanɗon waɗude dey, njetton Laamɗo.

1 Tesaloniyankooɓe 5:3

Wakkati nde yimɓe miilata jam tan e ndeenaagu woodi, ndeen halkere ukkotoo e muɓɓen, hono no ŋatawere juhirta debereedu noon. Ɓe mbaawaa daɗude halkere ndeen fey.

Yaakuuba 4:9

Mettinee ɓerɗe mon, cunee, mboyee. Ngaɗon jaleeɗe mooɗon bojji, weltaare mooɗon du laatoo cunu.

Holleede 3:17

Aɗa wi'a: ‹Mi jom jawdi, mi hawrundurii jawdi, mi haajaaka fay huunde.› Tawi le, a anndaa wo a mettuɗo hoore, a jurminiiɗo, a talkaajo, a bumɗo, a kolɗo!

1 Samuwiila 2:5

Haarunooɓe ngollan faa keɓa ko nyaama, de yolbunooɓe ƴuwii e yolbere muɓɓen. Dimaro rimii kile jeɗɗi, de debbo jom ɓiɓɓe heewɓe laatake dimaro.