Luuka 5:21 - Dewtere Laamɗo Fulfulde Burkina Faso

²¹ Jannginooɓe Tawreeta e Farisa'en ɓeen ina miiloo hakkunde muɓɓen ina mbi'a: «Oo wo moy kaaloowo karmuɗi? Moy waawi yaafaade hakkeeji si wanaa Laamɗo?»

Luuka 5:21 ပူးပေါင်းရင်းမြစ်များ

Lewinkooɓe 24:16

Mbonkiiɗo innde Joomiraaɗo fuu wo bareteeɗo. Jamaare Israa'iila fuu hawrita faɗɗa joomum kaaƴe. Ko joomum laatii fuu, nde wo janano nde wo Israa'iilanke dimo fuu sey waree saabe mbonkake innde Laamɗo.

Matta 26:65

Haalaaji makko ɗiin metti Almaami Mawɗo oon faa seeki kaddule muuɗum, wi'i: — O mbonkake Laamɗo! Walaa fuu ko kaajaraɗen seedeeɓe katin! On narrii noppi mooɗon ko o mbonkii Laamɗo ɗuum.

Matta 9:3

Wakkati oon, jannginooɓe Tawreeta yogaaɓe miilii e ko'e muɓɓen: «Gorko o ina mbonkoo Laamɗo!»

Luuka 3:8

Ngollee golleeji kawrooji e tuubugol. Taa kooloɗon on kisan saabe wo on taaniraaɓe Ibrahiima. Sabo miɗo wi'a on, Laamɗo ina waawi waylitinde kaaƴe ɗe laatoo ɓiɓɓe Ibrahiima!

Luuka 5:17

Nyannde gomma Iisaa ina waajoo. Farisa'en e jannginooɓe Tawreeta Muusaa, ƴuuruɓe gure Galili e Yahuudiya, kam e Urusaliima fuu, ina njooɗii. Baawɗe Joomiraaɗo ina ngoni e makko, imo danna nyawɓe.

Luuka 5:22

Iisaa faami miilooji maɓɓe, de jaabii ɓe, wi'i: — Ko waɗi oɗon miiloo miilooji gaaɗi ni e ɓerɗe mooɗon?

Luuka 7:49

Nyaamdooɓe e makko ɓeen puɗɗi ƴamundurde hakkunde muɓɓen: «Moy woni o neɗɗo, jottiiɗo faa yaafaade hakkeeji?»

Yuhanna 10:33

Alhuudiyankooɓe ɓeen njaabii mo: — Wanaa saabe golleeji lobbi min paɗɗirte kaaƴe, de wo saabe ko mbonkotoɗaa Laamɗo ɗuum. Aan wo a neɗɗo, de a waɗii hoore maa a Laamɗo.

Romankooɓe 8:33

Moy yaarata ɓe Laamɗo suɓii ɓeen sariya? Fay gooto, sabo Laamɗo tiigorake ɓe fonnditiiɓe!