Luuka 4:35 - Dewtere Laamɗo Fulfulde Burkina Faso

³⁵ Iisaa sappani ginnaaru nduun e semmbe, wi'i: — Deƴƴina, yaltu e makko! Ndu liɓi neɗɗo oon hakkunde yimɓe fuu, ndu yalti e muuɗum, tawi ndu nawnaay ɗum fey.

Luuka 4:35 ပူးပေါင်းရင်းမြစ်များ

Matta 17:18

O sappani ginnaaru nduun e semmbe. Ndu yalti suka oon. Wakkati oon ni, suka oon daɗi.

Matta 8:26

O jaabii ɓe, o wi'i: — Ko waɗi de kulɗon? Onon famɗuɓe hoolaare! Wakkati oon, o ummii, o sappani henndu e bempeƴƴe maayo ɗeen e semmbe. Ɗum fuu ɗum deƴƴinii siw!

Marka 1:26

Ginnaaru nduun dimmbi gorko oon semmbe, feekii feekaango toowngo, yalti e makko.

Marka 4:39

O ummii, o sappani henndu nduun e semmbe, o wi'i maayo ngoon: — Deƴƴina! Dara! Henndu nduun deƴƴinii, fuu waɗi siw.

Marka 9:26

Ginnaaru nduun feekii, dimmbi suka oon semmbe, de yalti e makko. Heddii imo wa'i hono maayɗo, faa ko heewi e wonnooɓe ɗoon ɓeen ina mbi'a o maayii.

Luuka 11:22

Ammaa si ɓurɗo ɗum semmbe warii to muuɗum, jaalake ɗum fu, teetan ɗum kaɓitirɗe mum ɗe yownoo hoolaare muuɗum dow muɓɓen ɗeen, fecca jawdi muuɗum ndiin e woɓɓe.

Luuka 4:23

O wi'i ɓe: — Sikke fuu walaa on kaalanan kam banndol ngol: «Cawroowo, sawru hoore maa.» On mbi'an mi waɗa ko nanɗon mi waɗii Kafarnahum ɗuum e ley wuro am ɗo du.

Luuka 4:39

O turii dow muuɗum, o sappani jontere ndeen e semmbe, de jontere ndeen yoppi ɗum. Wakkati oon ni, debbo oon ummii, jaɓɓii ɓe.

Luuka 4:41

Ginnaaji bonɗi ina mburtoo e yimɓe heewɓe iɗi ƴeewnoo, iɗi mbi'a: — Aan woni Ɓii Laamɗo! Imo sappana ginnaaji ɗiin e semmbe, o accataa ɗi kaala, sabo iɗi anndi kanko woni Almasiihu.

Luuka 8:24

Ɓe ɓattitii, iɓe pindina mo iɓe mbi'a: — Joomii amin, joomii amin, inani miɗen kalka! O fini, o sappani henndu e bempeƴƴe ɗeen e semmbe, de ɗum fuu ɗum darii, ɗum deƴƴinii.

Luuka 9:39

Ginnaaru ina nannga mo, o feekoo wakkati gooto, imo diwna faa hunnduko makko wurtina nguufo. Ndu yoppataa mo si wanaa terɗe makko fuu nawnoo.

Luuka 9:42

Nde suka oon warannoo ndeen, ginnaaru nduun liɓi ɗum e leydi, heddii ina diwnina ɗum. Ndeen Iisaa sappani ginnaaru nduun e semmbe, danni suka oon, hokkiti ɗum baaba muuɗum.

Holleede 12:12

Ndelle, kammu e wonɓe dow muuɗum fuu mbeltee! Ammaa bone woodanii leydi e maayo! Sabo Ibiliisa jippake to mooɗon. Ina tikki tikkere mawnde, sabo ina anndi wakkati seeɗa tan heddanii ɗum.»