Luuka 4:18 - Dewtere Laamɗo Fulfulde Burkina Faso

¹⁸ «Ruuhu Joomiraaɗo ina woni e am, sabo o suɓake kam faa mi faamina talkaaɓe Kabaaru Lobbo. O nulii kam faa mi gooynana nanngaaɓe yoofeede muɓɓen, wumɓe du wumtineede muɓɓen, torraaɓe du yoppeede muɓɓen,

Luuka 4:18 ပူးပေါင်းရင်းမြစ်များ

Fuɗɗoode 3:15

Mi waɗan nganyaandi hakkunde maaɗa e debbo oon, e hakkunde ƴuwdi maaɗa e ƴuwdi makko. Ƴuwdi debbo oon fusan hoore maa, aan du, a soppan mo teppere.

Matta 11:5

wumɓe ina mbumta, bonnguuɓe ina njaha e koyɗe muɓɓen, seppinɓe ina cellinee, faaɗuɓe ina paaɗita, maayɓe ina ummintinee, talkaaɓe du ina kaalanee Kabaaru Lobbo.

Matta 12:18

«Inan golloowo am mo cuɓiimi. Miɗo horsini mo, Imo wela ɓernde am. Mi jippinan Ruuhu am dow makko, o gooynanan lenyi laawol fonnditaare.

Matta 12:20

O helataa fay ƴommbal oonyiingal, o nyifataa fay lampal ngal fooyre muuɗum famɗi faa ɗo o hokki fonnditaare jaalagol.

Matta 4:16

yimɓe wonɓe e nimre nji'ii annoora mawɗo. Wuurɓe e ley leydi niɓɓundi nimre maayde, annoora yaynanii ɗum'en.»

Matta 5:3

— Barke woodanii annditinɓe yonkiiji muɓɓen ina lokkiɗi, sabo kamɓe njeyi laamu Laamɗo.

Luuka 4:17

O hokkaa dewtere annabi Esaaya. O weerti nde, o tawi nokkuure ina winndaa:

Luuka 6:20

Wakkati oon, o ɓanti gite makko o ndaari taalibaaɓe makko ɓeen, o wi'i: — Barke woodanii on, onon talkaaɓe, sabo onon njeyi laamu Laamɗo.

Luuka 7:22

O jaabii ɓe, o wi'i: — Njehee kaaltanowee Yaayaa ko njiiɗon e ko nanɗon: wumɓe ina mbumta, bonnguuɓe ina njaha e koyɗe muɓɓen, seppinɓe ina cellinee, faaɗuɓe ina paaɗita, maayɓe ina ummintinee, talkaaɓe du ina kaalanee Kabaaru Lobbo.

Yuhanna 1:41

Ko Andire artii e waɗude fu wo filowaade sakiike muuɗum Simon oon. O wi'i ɗum: — Min nji'ii Almasiihu (ɗum na fiirta «Mo Laamɗo suɓii»).

Yuhanna 12:46

Miin, mi warii ley adunaaru ndu wo mi annoora, faa goonɗinɗo kam fuu taa heddoo ley nimre.

Yuhanna 3:34

Mo Laamɗo nuli oon, wo ko Laamɗo haali ɗuum haaltata, sabo Laamɗo hokkii mo Ruuhu mo walaa haddi.

Golle Nelaaɓe 10:38

Oɗon anndi no Laamɗo suɓorii Iisaa Nasaraatuujo oon, no jippiniri e muuɗum Ruuhu Ceniiɗo e baawɗe. Oɗon anndi no Iisaa yiilorii e nokkuuje fuu ina golla golleeji lobbi, ina danna ɓe Ibiliisa jaalii na torra fuu, sabo Laamɗo ina wondi e muuɗum.

Golle Nelaaɓe 26:18

Mi nulete faa peertaa gite maɓɓe, ɓe ƴuwa e nimre, ɓe ngarta e annoora, ɓe ƴuwa e baawɗe Seyɗaani, ɓe ngarta e Laamɗo, ɓe keɓa yaafeede hakkeeji maɓɓe, ɓe ndonida e seniiɓe saabe ko ɓe goonɗini kam ɗuum.»

Golle Nelaaɓe 4:26

Kaanankooɓe adunaaru ndaranake wolde, ardiiɓe kawriti faa kaɓa e Joomiraaɗo e Almasiihu muuɗum.»

Golle Nelaaɓe 4:27

Ɗum wo goonga, sabo ley ngalluure ndeen Hirudus e Pontiyu Pilaatu nanngunduri e Israa'iilankooɓe e lenyi goɗɗi faa kaɓa e Iisaa, golloowo maa ceniiɗo mo cuɓiɗaa oon.

Koloosiyankooɓe 1:13

O wurtinii en e baawɗe nimre, de o nanni en e laamu Ɓiyiiko korsuɗo

Yaakuuba 2:5

Sakiraaɓe am horsuɓe, kettindee! Talkaaɓe adunaaru ndu ɓeen, wanaa Laamɗo suɓake ɓe faa ɓe laatoo danyuɓe goonɗinal, ɓe naata e laamu Laamɗo mo Laamɗo aadii hokkude yiɗuɓe ɗum naa?

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!