Luuka 24:26 - Dewtere Laamɗo Fulfulde Burkina Faso

²⁶ Wanaa ina tilsi Almasiihu torree de naata ley teddeengal muuɗum naa?

Luuka 24:26 ပူးပေါင်းရင်းမြစ်များ

Fuɗɗoode 22:6

Ibrahiima hooƴi leɗɗe sadaka ɗeen, ronndini Isiyaaka ɓiyum oon. Imo tiigii e junngo makko yiite e laɓi iɓe njaha kamɓe ɗiɗo.

Luuka 24:44

Caggal ɗuum, o wi'i ɓe: — Ko winndaa ley Tawreeta Muusaa e dewte annabaaɓe e Jabuura dow am ɗuum fuu, ina tilsi ɗum tabita. Kulle ɗeen jaati ngoni ko kaalannoomi on nde ngondunoomi e mooɗon ndeen.

Luuka 24:46

O wi'i ɓe: — Ina winndaa Almasiihu torrete faa maaya, ummitoto hakkunde maayɓe nyannde tataɓerde,

Luuka 24:7

nde o wi'unoo: «Ina tilsi Ɓii Neɗɗo wattee e juuɗe luttuɓe, de tontee e leggal palaangal, de ummitoo nyannde tataɓerde.»

Yuhanna 2:22

Nde Iisaa ummitinoo ndeen, taalibaaɓe muuɗum ɓeen miccitii ko haalnoo ɗum. Ɓe ngoonɗini ko Binndi ɗiin mbi'i ɗuum e haala ka o haalnoo kaan.

Yuhanna 20:9

Tawi ɓe paamaayno tafon ko Binndi ɗiin mbi'i ina tilsi Iisaa ummitoo e maayde.

Golle Nelaaɓe 17:3

O fiirtani ɓe, o holli ɓe ina tilsunoo Almasiihu oon torree, ummintinee e maayde. O wi'i ɓe: — Iisaa mo mbaajotoomi on haala muuɗum oon, kam woni Almasiihu.

Ibraninkooɓe 12:2

Ngatten hakkillooji meeɗen dow Iisaa. Kam omtani en laawol goonɗinal, kam tabintinta goonɗinal ngaal du. Kanko, saabe ko o yi'i seyo ina heɗii mo ɗuum, o munyii maayde dow leggal palaangal ngaal, o yawi semteende maggal. Joonin, imo jooɗowii gere nyaamo jooɗorgal laamu Laamɗo.

1 Piyeer 1:11

Ruuhu Almasiihu gonɗo e maɓɓe oon anndinii ɓe torraaji kewtotooɗi Almasiihu e teddeengal jokkitoowal ngaal gilla wakkati majjum waraay. Annabaaɓe ɓeen pilake faamude moy warata e ndey ɗum waɗata.

1 Piyeer 1:3

Jettooje ngoodanii Laamɗo Baaba Joomiraaɗo meeɗen Iisaa Almasiihu. Dow yurmeende makko mawnde o hokki en rimteede kesum saabe ummitagol Iisaa Almasiihu e hakkunde maayɓe, faa keɓen jikke celluɗo.