Luuka 23:5 - Dewtere Laamɗo Fulfulde Burkina Faso

⁵ Ammaa ɓe ciini e haala maɓɓe sanne, iɓe mbi'a: — Ko o waajotoo ɗuum ina waddundura yimɓe ley leydi Yahuudiya fuu, gilla Galili to o fuɗɗiri toon faa e ɗo.

Luuka 23:5 ပူးပေါင်းရင်းမြစ်များ

Matta 11:1

Nde Iisaa tilinoo yamirde taalibaaɓe muuɗum sappo e ɗiɗo ndeen, dilli ɗoon, yehi jannginoyde e waajowaade ley galluuje piiliiɗe ɗoon ɗeen.

Matta 2:1

Iisaa rimaama Baytilaama ley leydi Yahuudiya e jamaanu laamu Hirudus. Jom'en anndal ƴuuri lettugal, ngari Urusaliima.

Matta 27:24

Ndeen Pilaatu yi'i walaa ko waawi, tawi du muurtere ina ummoo. O hooƴi ndiyam, o looti juuɗe makko yeeso yimɓe ɓeen, o wi'i ɓe: — Miin kaa, baka am walaa e rufugol ƴiiƴam gorko o. Wo onon ɗum woodani.

Matta 4:23

Iisaa yiiltii ley leydi Galili fuu. Imo waajoo e ley cuuɗi maɓɓe baajorɗi, imo gooyna Kabaaru Lobbo haala laamu Laamɗo, imo danna sii nyawuuji e male fuu.

Marka 1:14

Caggal uddeede Yaayaa ley kasu, Iisaa yehi Galili ina waajoo Kabaaru Lobbo haala Laamɗo,

Luuka 11:53

Nde Iisaa dillunoo ɗoon, jannginooɓe Tawreeta e Farisa'en ina ɓernani ɗum sanne sanne. Iɓe ƴama mo kulle keewɗe,

Luuka 23:23

Ammaa ɓe ɓeydi feekaade peekaali mawɗi, iɓe mbi'a o tontee. Peekaali maɓɓe ɗiin njaaltii Pilaatu.

Luuka 23:6

Wakkati Pilaatu nannoo ɗum, ƴami yalla gorko o wo Galilinkeejo.

Yuhanna 1:43

Jaango majjum, Iisaa anniyii yaade Galili. O hawri e Filipu, o wi'i ɗum: — Jokkam!

Yuhanna 19:15

Ɓe ƴeewnii semmbe: — War mo! War mo! Tontu mo e leggal palaangal! Pilaatu jaabii, wi'i: — Mi tonta kaananke mooɗon oon naa? Hooreeɓe almaami'en ɓeen mbi'i: — Min ngalaa kaananke si wanaa kaananke Roma mawɗo oon.

Yuhanna 2:11

Nii Iisaa golliri maande muuɗum haayniinde arandeere ley ngalluure Kaana ley leydi Galili. O ɓangini teddeengal makko, taalibaaɓe makko ɓeen ngoonɗini mo.

Yuhanna 7:41

Woɓɓe mbi'i: — Kanko woni Almasiihu. Woɓɓe katin mbi'i: — Almasiihu, wo Galili ƴuurata naa?

Yuhanna 7:52

Ɓe njaabii mo, ɓe mbi'i: — Aan du, a Galilinkeejo naa? Tayka Binndi ɗiin, a yi'an annabaajo fuu ƴuurataa Galili.

Golle Nelaaɓe 10:37

Oɗon anndi kabaaru o huuɓii leydi Yahuudiya fuu. Ɗum fuɗɗii gilla Galili, caggal ko Yaayaa waajii yimɓe loote batisima.

Golle Nelaaɓe 23:10

Jeddi ɗiin mawni faa hooreejo sordaasiiɓe oon huli taa ɓe ceeka Pool. Ɗum waɗi de o yamiri sordaasiiɓe njippoo to kawrital toon, itta Pool e juuɗe yimɓe ɓeen, njeccina ɗum to suudu sooro muɓɓen toon.

Golle Nelaaɓe 5:33

Nde waalde Saahiiɓe ɓeen nannoo ɗum ndeen, tikki sanne, anniyii warude ɓe.

Golle Nelaaɓe 7:54

Nde Saahiiɓe ɓeen nannoo haalaaji ɗiin fu, ɓe tikkani mo sanne sanne faa iɓe nyerƴundura nyiiƴe maɓɓe.

Golle Nelaaɓe 7:57

Ɓe mbulli semmbe, ɓe cukki noppi maɓɓe, ɓe fuu ɓe ngurbitanii mo.