Luuka 23:2 - Dewtere Laamɗo Fulfulde Burkina Faso

² Ɓe puɗɗi iɓe pela mo, iɓe mbi'a: — Gorko o min tawi ina wosina lenyol amin, ina haɗa ɗum'en yoɓude kaananke mawɗo oon lampo, ina wi'a hoore muuɗum wo Almasiihu, kaananke.

Luuka 23:2 ပူးပေါင်းရင်းမြစ်များ

1 Kaanankooɓe 18:17

Nde o haccinoo Iliyaasa fu, o wi'i: — Wo aan gaddoowo bone dow Israa'iila oon naa?

Amos 7:10

Ndeen Amasiya almaami wuro Baytila neli Yerobo'am, kaananke Israa'iila wi'ee: — Amos na wondi anniya umminande ma fitina hakkunde suudu Israa'iila. Yimɓe leydi ndiin mbaawaa heddaade na nana haalaaji makko ɗiin.

Matta 17:27

Ammaa, en njiɗaa mettinde ɓerɗe yimɓe ɓeen. Yahu to maayo toon, paɗɗaa jammbuure maa e ley ndiyam ɗaam. Liingu ngu artiɗaa nanngude fu, njaltinaa ɗum. Si a omtii hunnduko mum, a tawan toon mbuuɗu cardi kiɓɓinoowu lampo meeɗen. Ittaa ɗum, njoɓanowaa en, enen ɗiɗo.

Matta 22:21

Ɓe njaabii mo, ɓe mbi'i: — Kaananke Roma. O wi'i ɓe: — Ndelle, kokkee kaananke Roma oon ko jeyi, kokkon Laamɗo du ko jeyi.

Matta 27:11

Iisaa darii yeeso goforneer oon. Oon ƴami mo, wi'i: — Aan woni kaananke Alhuudiyankooɓe oon naa? O jaabii, o wi'i: — Aan e hoore maa haali.

Marka 12:17

Ndeen o jaabii ɓe, o wi'i: — Ndelle kokkee kaananke Roma ko jeyi, kokkon Laamɗo du ko jeyi. Ko Iisaa jaabii ɗuum haaynii ɓe sanne.

Marka 15:2

Pilaatu ƴami mo, wi'i: — Aan woni kaananke Alhuudiyankooɓe oon naa? O jaabii, o wi'i: — Aan e hoore maa haali.

Luuka 23:14

wi'i ɗum'en: — On ngaddanii kam neɗɗo o hono wo o bosinoowo yimɓe. Ndaaree, mi ƴamii mo yeeso mon, de ley ko peloton mo ɗuum fuu, mi tawaay fuu sabaabu jukkotooɗo mo.

Luuka 23:5

Ammaa ɓe ciini e haala maɓɓe sanne, iɓe mbi'a: — Ko o waajotoo ɗuum ina waddundura yimɓe ley leydi Yahuudiya fuu, gilla Galili to o fuɗɗiri toon faa e ɗo.

Yuhanna 18:29

Pilaatu, goforneer oon, yalti yehi to maɓɓe yaasin toon, wi'i ɓe: — Ɗume peldoton gorko o?

Yuhanna 18:30

Ɓe njaabii mo: — Si o gollaayno ko boni, min ngaddataano mo to maaɗa.

Yuhanna 19:12

Gilla ndeen Pilaatu ina filoo yoppude mo. Ɗum waɗi de Alhuudiyankooɓe ina peekoo, ina mbi'a: — Sini a yoppii mo, a wanaa yigoo kaananke Roma mawɗo oon. Neɗɗo fuu gaɗuɗo hoore muuɗum kaananke wo ganyo kaananke Roma.

Golle Nelaaɓe 24:13

Ɓe mbaawaa tabintinde ko ɓe peldi kam joonin ɗuum.

Golle Nelaaɓe 24:5

Min tawii gorko o wo daaɓoowo bone sanne. Wo o gaddoowo fitina hakkunde Alhuudiyankooɓe wonɓe ley adunaaru fuu. O ardiiɗo laawol Nasaraatunkooɓe.

Romankooɓe 13:7

Kokkee mono fuu ko jeyi hokkeede. Kokkee lampo mo kaanɗon hokkude lampo, kokkon tino mo kaanɗon hokkude tino. Kulon mo kaanɗon hulude, teddinon mo kaanɗon teddinde.