Luuka 20:17 - Dewtere Laamɗo Fulfulde Burkina Faso

¹⁷ Iisaa ndaari ɓe, wi'i: — Ndelle, ɗume woni maanaa ko winndaa ɗuum: «Hayre nde nyiɓooɓe ɓeen calii ndeen, wo kayre laatii hoore nyimngo ngoon»?

Luuka 20:17 ပူးပေါင်းရင်းမြစ်များ

Matta 21:42

Caggal ɗuum, Iisaa wi'i ɓe: — Yalla on njanngaay ko winndaa ley Binndi ɗiin ɗuum naa? «Hayre nde nyiɓooɓe ɓeen calii ndeen, wo kayre laatii hoore nyimngo ngoon. Ɗum wo golle Joomiraaɗo, wo ɗum haaynde e jiiɗe meeɗen!»

Marka 10:23

Iisaa ƴeewi gereeji fuu de wi'i taalibaaɓe mum ɓeen: — Naatugol joomiraaɓe jawdi ley laamu Laamɗo ina tiiɗi koy!

Marka 12:10

Yalla on njanngaay ko winndaa ley Binndi ɗiin ɗuum naa? «Hayre nde nyiɓooɓe ɓeen calii ndeen, wo kayre laatii hoore nyimngo ngoon.

Marka 3:5

Iisaa ƴeewri ɓe tikkere, yoorgol ɓerɗe maɓɓe ngool woyni yonki makko. O wi'i gorko oon: — Foortu junngo maa! Oon foorti ngo tan, ngo daɗi.

Luuka 19:41

Iisaa ɓattii ngalluure ndeen. Nde o ndaarunoo nde fu, o woyi nde,

Luuka 22:37

Sabo ina winndaa, «O limaama ley bonɓe.» Miɗo haalana on: ina tilsi ɗum tabita dow am. Sabo ko winndaa dow am fuu tabitan.

Luuka 22:61

Iisaa hucciti e Piyeer, ndaari ɗum. Ndeen Piyeer miccitii haala ka Iisaa haalannoo ɗum kaan: «Fadde ndontoori e joggude hannden, a wi'an kile tati a anndaa kam.»

Luuka 24:44

Caggal ɗuum, o wi'i ɓe: — Ko winndaa ley Tawreeta Muusaa e dewte annabaaɓe e Jabuura dow am ɗuum fuu, ina tilsi ɗum tabita. Kulle ɗeen jaati ngoni ko kaalannoomi on nde ngondunoomi e mooɗon ndeen.

Yuhanna 15:25

Ɗum waɗii faa tabintina ko winndaa ley Tawreeta maɓɓe: «Ɓe mbanyii kam ɓolum.»

Golle Nelaaɓe 4:11

Kam woni mo Joomiraaɗo wi'i: «Hayre nde onon nyiɓooɓe caliɗon, wo kayre laatii hoore nyimngo ngoon.»

Efeesunkooɓe 2:20

On mahaama e dow ko nulaaɓe e annabaaɓe nyiɓi, Iisaa Almasiihu e hoore muuɗum woni hayre arandeere nyimngo ngoon.

1 Piyeer 2:6

Sabo Binndi ɗiin mbi'ii: «Mi yowan hayre joƴƴinirde ley Siyona, hayre suɓaande, horsunde. Katin du goonɗinɗo nde fuu semtintaake abada.»