Luuka 2:4 - Dewtere Laamɗo Fulfulde Burkina Faso

⁴ Yuusufi du dilli Nasaraatu ley leydi Galili, faa yaha wuro Daawda wi'eteengo Baytilaama ley leydi Yahuudiya, sabo e lenyol Daawda jaati o ƴuuri.

Luuka 2:4 ပူးပေါင်းရင်းမြစ်များ

Fuɗɗoode 35:19

Rahiina maayi, mooɓaa ɗakkol laawol Efrata, ɗum woni Baytilaama.

Fuɗɗoode 48:7

Miin kaa, nde ƴuurunoomi Padan-Aram ndeen, Rahiina inna ma maayii e juuɗe am dow laawol leydi Kanaana. Ɗum waɗii fadde amin e yottaade Efrata. Mooɓumi mo dow laawol Efrata toon, ɗuum woni Baytilaama.

Matta 1:20

Nde o miilotonoo ɗum ndeen, maleyka Joomiraaɗo wari to makko ley koyɗol, wi'i mo: — Yuusufi, taan Daawda, taa hulu ɓaŋude Mariyama, sabo ɓinngel ngel saawi ngeel e Ruuhu Ceniiɗo ƴuuri.

Matta 2:23

O hoɗowi wuro wi'eteengo Nasaraatu. Noon ɗum laatorii faa ko annabaaɓe mbi'unoo ɗuum tabita: «O wi'ete Nasaraatuujo.»

Luuka 2:3

Yimɓe fuu njehi winndowaade, mono fuu e wuro muuɗum.

Luuka 2:5

O yehi toon winndowaade, kanko e Mariyama kaɓɓanaaɗo makko, deeduɗo.

Luuka 4:16

O yehi Nasaraatu to o mawni toon, o naati ley suudu waajordu nyannde fowteteende hono no o woowri noon. O ummii faa o jannga.

Yuhanna 1:46

Natanayel wi'i mo: — Yalla ko wooɗi ina waawi ƴuurude Nasaraatu naa? Filipu jaabii mo, wi'i: — War ndaar!

Yuhanna 7:42

Binndi ɗiin mbi'ii e lenyol Daawda Almasiihu ƴuurata, ley wuro Baytilaama ngo Daawda ƴuuri e muuɗum ngoon.

Ruttu 1:19

Ndeen ɓe njokki laawol maɓɓe faa ɓe njottii Baytilaama. Nde ɓe njottinoo fu, ngalluure ndeen fuu ummii ina saaƴa. Rewɓe keddii ina mbi'aa: — Wanaa Na'omi naa?

Ruttu 2:4

Ɗum neeɓaay sanne de Bo'as ƴuuri Baytilaama wari to taƴooɓe muuɗum, wi'i ɗum'en: — Wo Joomiraaɗo wondu e mooɗon! Kamɓe du ɓe mbi'i mo: — Joomiraaɗo barkinɗine!

Ruttu 4:11

Ndeen yimɓe tawaaɓe to dammbugal huɓeere ndeen e mawɓe wonɓe ɗoon fuu mbi'i: — Ayyo, miɗen ceedii! Joomiraaɗo barkinɗin debbo naatoowo e suudu maaɗa oon. O laatoo hono Rahiina e Leya, kamɓe ɗiɗo ɓeen ngoni darnuɓe suudu Israa'iila. Laatoɗaa jom jawdi nder Efrata, innde maa du laatoo teddunde nder Baytilaama.

Ruttu 4:17

Wonndiiɓe makko rewɓe kokki ngel innde, mbi'i: — Na'omi rimanaama ɓiɗɗo gorko! Ɓe inndiri ngel Obet. Kanngel laatii baaba Yesa. Yesa du woni baaba Daawda.

1 Samuwiila 16:1

Joomiraaɗo wi'i Samuwiila: — Faa ndey ɓernde maa selata sunanaade Sawulu? Sabo miin, mi salake laamu makko dow Israa'iila. Hebbin luwal maaɗa nebbam de njahaa. Miɗo nele to gorko bi'eteeɗo Yesa jeyaaɗo wuro Baytilaama, sabo mi suɓanake hoore am kaananke e hakkunde ɓiɓɓe makko.

1 Samuwiila 16:4

Samuwiila waɗi ko Joomiraaɗo wi'i. Nde o hewtunoo Baytilaama ndeen, mawɓe wuro ngoon ngari njaɓɓitii mo ina ndiwna kulol. Ɓe mbi'i: — Kori wo jam ngarduɗaa?

1 Samuwiila 17:12

Jamaanu Sawulu oon, tawi Yesa baaba Daawda naywii sanne. Wo o jeyaaɗo wuro Baytilaama ley leydi Efarata jogiiɗo ɓiɓɓe worɓe njeetato.

1 Samuwiila 17:58

Sawulu ƴami mo, wi'i: — Suka, moy woni bammaa? Daawda jaabii, wi'i: — Miin woni ɓii Yesa, maccuɗo maaɗa jeyaaɗo wuro Baytilaama.

1 Samuwiila 20:6

Si bammaa ƴamanii kam fu, a wi'an, «Daawda nyaagake kam e semmbe faa o haroo o yaha wuro makko Baytilaama, sabo hitaande fuu kirsamaari waɗete saabe saare maɓɓe fuu.»