Luuka 18:13 - Dewtere Laamɗo Fulfulde Burkina Faso

¹³ Nanngoowo lampo oon darii to toowti, suusaay fay tiggitaade kammu, ina guɓɓoo ɓerndem, na wi'a: «Laamɗo yurmam, mi jom hakke.»

Luuka 18:13 ပူးပေါင်းရင်းမြစ်များ

2 Samuwiila 12:13

Ndeen Daawda wi'i Natan: — Mi waɗii hakke to Joomiraaɗo. Natan jaabii, wi'i: — Joomiraaɗo ittii hakke maaɗa, a maayataa.

Isira 9:6

mbi'umi: Yaa Laamɗo am, semteende nanngii kam faa mi waawaa ƴeptude gite am, mi ndaara faro maaɗa; ngam hakkeeji amin keewii faa ndiwtii ko'e amin; pelooje amin ɗuuɗi yeeso maaɗa.

Ayuuba 42:6

Saabe majjum mi mimsitii, mi tuubii, wo mi jooɗiiɗo dow sollaare e ndoondi.

Wurtagol 33:10

Nde yimɓe ɓeen nji'i ruulde ndeen na darii dow dammbugal hukum oon fuu, iɓe ndaroo dammbuɗe hukumuuji maɓɓe, iɓe kippoo toon, iɓe cujidana Joomiraaɗo.

Matta 10:3

Filipu e Bartolome, Tomaa e Matta nanngoowo lampo oon, Yaakuuba ɓii Alfaa, kam e Tadde,

Matta 6:5

— Si oɗon ndu'oo, taa ngaɗon no munaafiki'en ni. Kamɓe, iɓe njiɗi daraade ley cuuɗi baajorɗi e hakkunde to laabi kawrata, de ɓe ngaɗa du'aare yalla yimɓe fuu ina nji'a ɓe. Goonga kaalanammi on, ɓe keɓii mbarjaari maɓɓe faa timmi.

Matta 9:13

Njehee, ekitee ko Dewtere Laamɗo wi'i: «Wo yurmeende njiɗumi, wanaa sadaka duppeteeɗo.» Sabo mi waraay faa mi nodda dartiiɓe. Wo luttuɓe ngarumi noddude.

Marka 11:25

Nde ndariɗon faa ngaɗon du'aare fuu, si won gaɗunooɗo on huunde fu, njaafoɗon ɗum, faa Baaba mooɗon gonɗo dow kammu oon yaafanoo on hakkeeji mooɗon onon du. [

Luuka 17:12

O wari faa o naata wuro wonngo, de seppinɓe sappo ngari to makko, ndarii to toowti,

Luuka 22:41

Caggal ɗuum, o toowti ɓe ko waɗata hono limnere hayre. O hofii, imo waɗa du'aare,

Luuka 23:48

Jamaa garuɗo ndaarude mo oon fuu yi'ii ko waɗi ɗuum. Ɓe njeccii, iɓe piya ɓerɗe maɓɓe.

Luuka 5:8

Nde Simon Piyeer yi'unoo ɗum fu, dikkinii yeeso makko, wi'i mo: — Joomam, woɗɗam, sabo wo mi neɗɗo luttuɗo.

Golle Nelaaɓe 2:37

Nde ɓe nannoo haala kaan ndeen, ka yuwi ɓerɗe maɓɓe sanne, ɓe mbi'i Piyeer e nulaaɓe heddiiɓe ɓeen: — Sakiraaɓe, ɗume min kaani waɗude?

Romankooɓe 5:8

Ammaa Laamɗo hollii no yiɗiri en ko Almasiihu maayanii en gilla en luttuɓe.

2 Korintunkooɓe 7:11

Ndaaree mettorgal kawroowal e muuyɗe Laamɗo ngaal, ko waɗi e mooɗon: ngal waɗii faa ciinuɗon, faa du piliɗon laamnude ko'e mooɗon. Ngal waɗii faa mettaɗon e ko boni, faa du kuluɗon. Ngal waddanii on yeeweede kam, ngal waddanii on tinnaare. Ngal wallii on jukkaade ko boni. E huunde fuu on kollii oɗon laaɓi e kabaaru oon.

1 Timote 1:15

Inan haala koolniika ka yimɓe kaani yardaade e ɓerɗe muɓɓen fuu: Iisaa Almasiihu warii ley adunaaru ndu faa hisina luttuɓe, de miin woni ɓurɗo fuu bonde e ley maɓɓe.

Ibraninkooɓe 4:16

Ndelle, en kooloo ɓattaade jooɗorgal Jom moƴƴere, faa keɓen yurmeende e moƴƴere, ɗum walla en nde kaajaɗen fuu.

Ibraninkooɓe 8:12

Sabo mi yaafoto lutti maɓɓe, mi ittan hakkeeji maɓɓe e hakkillo am fey.»