Luuka 16:15 - Dewtere Laamɗo Fulfulde Burkina Faso

¹⁵ Iisaa wi'i ɓe: — Onon le, oɗon moƴƴina ko'e mooɗon yeeso yimɓe, ammaa Laamɗo ina anndi ɓerɗe mon. Sabo ko yimɓe teddinta ɗuum, ina nyiddinii to Laamɗo.

Luuka 16:15 ပူးပေါင်းရင်းမြစ်များ

1 Kabaaruuji Laamiiɓe 29:17

Laamɗo am, miɗo anndi aɗa hiinya miilooji ɓernde ɓii-Aadama fuu. Aɗa yiɗi dartaare. Mi hokkii ma dokke yardamuye ɗee fuu e ɓernde laaɓunde. Ɓernde am na seyii sanne ko yimɓe maaɗa wonɓe ɗo joonin ɓee fuu kokkata dokke muɓɓen yardamuye ɗuum.

Banndi 16:5

Mawnitiiɓe ina nyiddinii yeeso Joomiraaɗo, sikke fuu walaa ɓe njukkete.

Banndi 20:6

Yimɓe heewɓe ina ndaarda ko'e muɓɓen hinniiɓe, de koolniiɗo le, moy heɓata ɗum?

Banndi 21:2

Wakkati fuu neɗɗo ina miiloo laawol mum na dartii, ammaa Joomiraaɗo woni etoowo ɓerɗe.

Matta 23:5

Huunde fuu ko ɓe ngaɗata, ɓe ngaɗiran ɗum faa ɓe nji'ee. Ɗum waɗi de iɓe kaɓɓa talki mawɗi, iɓe njuutina bukki saayaaji maɓɓe faa ina ndaasoo.

Matta 6:16

— Si on cuumake, taa njurminkinee hono munaafiki'en ɓeen: ɓe ɓalinto, yalla yimɓe fuu ina anndita ɓe suumiiɓe. Goonga kaalanammi on: ɓe keɓii mbarjaari maɓɓe faa timmi.

Matta 6:2

Ndelle, si aɗa itta jakka, taa feeka faa yimɓe nji'e. Wo hono noon munaafiki'en ɓeen ngaɗata ley cuuɗi baajorɗi e dow laabi faa yimɓe mana ɗum'en. Goonga kaalanammi on, ɓe keɓii mbarjaari maɓɓe faa timmi.

Matta 6:5

— Si oɗon ndu'oo, taa ngaɗon no munaafiki'en ni. Kamɓe, iɓe njiɗi daraade ley cuuɗi baajorɗi e hakkunde to laabi kawrata, de ɓe ngaɗa du'aare yalla yimɓe fuu ina nji'a ɓe. Goonga kaalanammi on, ɓe keɓii mbarjaari maɓɓe faa timmi.

Luuka 10:29

Kaa jannginoowo Tawreeta oon ina yiɗi heedude e goonga, wi'i mo: — Moy woni gondo am?

Luuka 11:39

De Iisaa wi'i mo: — Onon Farisa'en, oɗon lawƴa caggal kore e caggal kaake, tawee le, ɓerɗe mooɗon ina keewi nguyka e bonanda!

Luuka 18:11

Farisaajo oon darii ina du'oroo ley ɓernde muuɗum hono ni: «Laamɗo, mi yettii ma ko mi nanndaay e yimɓe woɓɓe laatiiɓe wuyɓe e bonɓe e jeenooɓe, e hono nanngoowo lampo o du.

Luuka 18:14

Miɗo wi'a on: kanko hooti wo o jaafaaɗo, wanaa ooto. Sabo mawninkiniiɗo fuu leeƴinte, leeƴinkiniiɗo du toownete.

Luuka 18:21

Hooreejo oon jaabii, wi'i: — Miɗo hayba ɗum fuu gilla e cukaaku am.

Luuka 18:9

Iisaa banndani yimɓe jogoriiɓe ko'e muɓɓen wo dartiiɓe de njawi woɓɓe, haalani ɓe banndol ngol, wi'i:

Luuka 20:20

Ɓe taykii Iisaa. Ɓe nuli horooɓe nanndinkiniiɓe e lobbuɓe, yalla ina keɓira laawol no nanngirta mo e haala makko, faa ngatta mo ley juuɗe laamu, saroo mo.

Luuka 20:47

Iɓe nyaama jawdi rewɓe talkaaɓe ɓe goriraaɓe muɓɓen maayi, de ɓe njuutina du'aawuuji maɓɓe faa ɓe nanndinkinoo e lobbuɓe. Kamɓe, jukkungo naawngo ɓurata jippineede dow muɓɓen.

Yuhanna 2:25

Walaa ko fay gooto seedanoo mo ko woni e ɓiɓɓe-Aadama, sabo imo anndi ko woni e muɓɓen.

Yuhanna 21:17

Iisaa wi'i mo katin: — Simon, ɓii Yuhanna, aɗa yiɗi kam naa? Piyeer sunii sabo joonin woni kilol tataɓol ko Iisaa wi'i mo «Aɗa yiɗi kam naa?» Piyeer wi'i mo: — Joomam, aɗa anndi huunde fuu, aɗa anndi miɗo yiɗi ma. Iisaa wi'i mo: — Nyaamnaa baali am ɗiin!

Golle Nelaaɓe 1:18

Kaalisi mo o yeenanoo e gollal makko bonngal ngaal, o soodi ɗum ngesa. O boɓɓii ley magga, reedu makko seekii, teketti makko fuu mburtii, ndufi.

Golle Nelaaɓe 1:24

Ɓe ndu'ii, ɓe mbi'i: — Joomiraaɗo, aan annduɗo ɓerɗe yimɓe fuu, faamin min mo cuɓiɗaa e ɓee ɗo ɗiɗo

Golle Nelaaɓe 15:8

Laamɗo annduɗo ɓerɗe oon hollii jaɓanii ɓe, nde hokkunoo ɓe Ruuhu Ceniiɗo hono no meeɗen ni.

Romankooɓe 3:20

Sabo fay gooto ndaardataake ponnditiiɗo yeeso Laamɗo saabe haybude muuɗum Tawreeta Muusaa. Si goonga, golle Tawreeta oon haaɗii e anndinde yimɓe ko woni hakke.

Romankooɓe 8:27

Laamɗo kumpitiiɗo ko woni ley ɓerɗe men oon du ina anndi anniya Ruuhu, sabo wo e muuyɗe makko Ruuhu oon nyaagirantoo seniiɓe ɓeen.

1 Korintunkooɓe 4:5

Ndelle, taa caree fay gooto illa wakkati oon yottaaki, illa Joomiraaɗo waraay. Kam yaltinta ko suuɗinoo e nimre, kam ɓanginta anniyaaji ɓerɗe yimɓe. Nyannde ndeen, mono fuu heɓan to Laamɗo jettooje ɗe foti heɓude.

1 Piyeer 3:4

Tinnee e soɗagol cuuɗiingol faa ɓerɗe mon coɗoroo jam e heese, ɗum woni soɗagol ngol timmataa. Ngool woni soɗagol korsungol to Laamɗo.

1 Piyeer 5:5

Hono noon onon jokolɓe, njaɓee yamiroore mawɓe. On fuu, ngondon e leeƴinkinaare hakkunde mooɗon, sabo Binndi ɗiin mbi'ii: «Laamɗo na salanoo mawninkiniiɓe, de na hokka leeƴinkiniiɓe moƴƴere.»

Holleede 2:23

Mi halkan ɓiɓɓe makko du. Ndeen kawrite goonɗinɓe ɗeen fuu anndan miin woni ndaartintooɗo hakkillooji e ɓerɗe. Katin du mi yoɓan gooto mooɗon fuu haddi golle muuɗum.

1 Samuwiila 16:7

Ammaa Joomiraaɗo wi'i Samuwiila: — Taa taykoɗaa alhaali makko naa darnde makko, sabo mi salake mo. Joomiraaɗo ndaarataa kulle ɗe neɗɗo ndaarata. Neɗɗo na ndaara ko nanngata gite, Joomiraaɗo kaa na ndaara ɓernde.