Luuka 14:13 - Dewtere Laamɗo Fulfulde Burkina Faso

¹³ Jonkaa si a waɗii weltaare fu, noddaa talkaaɓe e woyɓe e bonnguuɓe e wumɓe.

Luuka 14:13 ပူးပေါင်းရင်းမြစ်များ

2 Samuwiila 6:19

Wakkati oon, kawrital Israa'iila'en heewɓe na tawaa ɗoon. Daawda hokki jamaa oon fuu nyaamdu. Gorko e debbo, mono fuu heɓii buuruure wootere e tamre tamarooje yoornde e tamre inabooje yoornde. De yimɓe ɓeen fuu kooti.

Nehemiya 8:10

O wi'i ɓe katin: — Njehee nyaamowe nyaamndu lobburu, njaron cabijam mbelɗam. Mo walaa ko defa fuu, neldon ɗum nyaamdu ngam hannden wo nyalaande Joomiraaɗo meeɗen seniinde. Taa mettinon ɓerɗe mooɗon. Mbeltoree seyo saabe Joomiraaɗo woni semmbe mooɗon.

Nehemiya 8:12

Ndeen yimɓe ɓeen fuu njehii nyaamowi, njari, de ittani ɓe ngalaa ɓeen ngeɗu. Ɓe ceyii ngam ɓe paamitake ko ɓe njanngana ɗuum.

Ayuuba 29:13

Ɓadiiɗo maayde yettii kam, du'ii barkinɗini kam, mo gorum maayi du, mi waɗii yimirii seyo.

Banndi 14:31

Tiinnanɗo talkaajo felii Taguɗo ɗum, de jurmiiɗo mo kaa, teddinii Taguɗo mo.

Banndi 22:9

Moƴƴuɗo barkinte, sabo na yeɗa talkaaɓe nyaamdu muuɗum.

Matta 15:30

Yimɓe heewɓe ngari to makko, ngaddi bonnguuɓe e wumɓe e woyɓe e muumɓe, kam e nyawɓe woɓɓe heewɓe. Ɓe ɓattini ɗum'en yeeso makko, de o danni ɓe.

Matta 22:10

Maccuɓe ɓeen njehi dow laabi ɗiin, noddi yimɓe ɓe kawri toon fuu gilla e bonɓe faa e moƴƴuɓe faa galle jom ɓangal oon heewi yimɓe.

Luuka 11:41

Cakkee ko woni ley kore e kaake ɗeen. Ndeen, ko heddii ɗuum fuu laatanto on ko laaɓi.

Luuka 14:12

O wi'i nodduɗo mo oon du: — Si aɗa nodda yimɓe mbottaari naa hiraande, taa noddu yigiraaɓe naa banndiraaɓe naa sakiraaɓe naa hoddiiɓe maa jogiiɓe jawdi. Hasii ɓe nodditete de ɗum laatoo njobdi maa.

Luuka 14:14

Ndeen, a barkinte, sabo ɓeen ngalaa ko njoɓire. A yoɓete nyannde dartiiɓe ummintinaa.

Luuka 14:21

Maccuɗo oon warti, haalani ɗum joomum. Oon ɓerni, wi'i mo: «Yahu law ley nokkuuje e dow laabi ngalluure nde, ngaddaa talkaaɓe e woyɓe e wumɓe e bonnguuɓe.»

Golle Nelaaɓe 9:39

Piyeer ummii, yaadi e maɓɓe. Nde ɓe njottinoo ndeen, ɓe njaari mo ley suudu sooro toon. Rewɓe talka'en ɓe goriraaɓe muɓɓen maayi ɓeen fuu ɓattii ɗum ina mboya, ina kolla ɗum saayaaji e kaddule goɗɗe ɗe Dorkas nyo'unoo nde wondunoo e muɓɓen ndeen.

Fillitagol 14:29

Ndeen Lewinkooɓe ɓe ngalaa ndongu hakkunde mooɗon ɓeen e jananɓe e atiime'en e rewɓe ɓe goriraaɓe muɓɓen maayi jooɗiiɓe ley galluuje ɗeen ngaran nyaama faa kaara de Joomiraaɗo, Laamɗo mooɗon barkina golleeji mooɗon fuu.

Fillitagol 16:11

Ceyoɗon yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Ceyodoɗon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe hakkunde mooɗon.

Fillitagol 16:14

Ceyoɗon wakkati hiiro ngoon onon e ɓiɓɓe mon rewɓe e worɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe ley galluuje mooɗon.

1 Timote 3:2

Ndelle, ina tilsi ardiiɗo oon laatoo neɗɗo mo walaa feloore, jom deekiiwo gooto, nanngitiiɗo, hakkilante, jom needi, jippinoowo weerɓe, baawɗo jannginde.

1 Timote 5:10

O anndiree golleeji lobbi hono ne'ude sukaaɓe, jippinde weerɓe, lootude koyɗe seniiɓe, wallude ɓilliiɓe, wooɗi du tinnaade e golleeji lobbi fuu.

Titus 1:8

Joomum ina haani laataade jippinoowo weerɓe, jiɗɗo ko wooɗi, hakkilanteejo, ponnditiiɗo, kulɗo Laamɗo, nanngitiiɗo.

Filemon 1:7

Sakiike, mi seyake sanne, ɓernde am du sellinaama saabe njinngu ngonngu e maaɗa nguun, sabo a feewnii ɓerɗe seniiɓe ɓeen.

Ibraninkooɓe 13:2

Taa njeebee jippinde weerɓe, sabo woɓɓe ngaɗii noon mbeerni maleyka'en tawi anndaa yalla wo kam'en.