Luuka 10:39 - Dewtere Laamɗo Fulfulde Burkina Faso

³⁹ Marta ina woodi minyiiwo bi'eteeɗo Mariyama. Oon ina jooɗii ɗakkol koyɗe Iisaa, ina hettindii haala muuɗum.

Luuka 10:39 ပူးပေါင်းရင်းမြစ်များ

2 Kaanankooɓe 4:38

Elisey yeccii galluure Gilgal. Tawi wakkati oon rafo na mawni e leydi ndiin sanne. Jamaare taalibaaɓe annabaaɓe ndeen na njooɗii yeeso makko. O wi'i golloowo makko: — Ummoɗaa ndekaa fayennde mawnde de ngaɗanaa jamaare ndee ko nyaama.

Banndi 8:34

Belɗo hoore woni kettindaniiɗo kam, jooɗiiɗo dammbugal am nyannde fuu, na heɗii.

Luuka 10:42

Ammaa huunde wootere tan woni ko haani. Ko Mariyama suɓii ɗuum wo ngeɗu lobbu, o teetataake ɗum du.

Luuka 2:46

Balɗe tati gaɗa ɗum, ɓe tawi mo ley suudu dewal mawndu. Imo jooɗii hakkunde jannginooɓe, imo hettindanii ɗum'en, imo ƴamtindoo ɗum'en.

Luuka 8:35

Ɓeen ngari ndaarude ko waɗi ɗuum. Nde ɓe njottinoo Iisaa ndeen, ɓe tawi gondunooɗo e ginnaaji oon ina jooɗii ɗakkol makko, ina ɓornii kaddule, hakkillom wartii. De kulol nanngi ɓe.

Yuhanna 11:1

Gorko nyawɗo bi'eteeɗo Laajaru ina woni wuro Baytaniya, kam e banndiraaɓe muuɗum rewɓe Mariyama e Marta.

Yuhanna 11:19

Alhuudiyankooɓe heewɓe ngari to Mariyama e Marta faa mbaaltina ɓerɗe muɓɓen e maayde sakiike muɓɓen.

Yuhanna 12:3

Ndeen Mariyama hooƴi feccere liitere nebbam laaɓuɗam, uurɗam, tiiɗuɗam coggu, joori ɗam dow koyɗe Iisaa, mooytiri ɗe sukundu muuɗum. Suudu nduun fuu heewi uurngol nebbam ɗaam.

Golle Nelaaɓe 22:3

— Wo mi Alhuudiyanke dimaaɗo Tarsus ley leydi Silisi. Ammaa Urusaliima ɗo mawnumi. Gamaliyel wonnoo moodibbo am. Kanko janngini kam Tawreeta maamiraaɓe meeɗen oon faa laaɓi tal. Miɗo jinngana Laamɗo hono no ngorruɗon hannden on fuu ni.

Fillitagol 33:3

Sikke walaa, Joomiraaɗo na horsini yimɓe muuɗum, seniiɓe makko fuu na ngoni ley juuɗe makko. Iɓe kofoo ɗakkol koyɗe makko, iɓe kettindoo ko o jannginta ɓe.