Luuka 10:28 - Dewtere Laamɗo Fulfulde Burkina Faso

²⁸ Iisaa wi'i mo: — Jaabu maa o wooɗii. Waɗu noon, ndeen a wuuran!

Luuka 10:28 ပူးပေါင်းရင်းမြစ်များ

Nehemiya 9:29

Tindinɗaa ɓe, ɓe njeccoo e jamirooje maaɗa, de ɓe njoorni ko'e maɓɓe, ɓe calii jokkude ɗe, ɓe ngaɗi hakke, ɓe kuyfinii konngol maaɗa kokkoowol yonki. Ɓe muurti, ɓe njoorni ko'e maɓɓe, ɓe calii jokkude ko mbiiɗaa.

Banndi 19:16

Jogiiɗo jamirooje jogake yonki mum, jawuɗo ɗe maayan.

Lewinkooɓe 18:5

Njogitoɗon jamirooje am e sariyaaji am. Jogitiiɗo ɗe de waɗi ko ɗe mbi'i fuu wuuran saabe majje. Miin woni Joomiraaɗo.

Matta 19:17

Iisaa wi'i mo: — Ko waɗi de lamndiɗaa kam dow huunde lobbere? Laamɗo tan woni lobbo! Si aɗa yiɗi naatude e nguurndam, jokku jamirooje.

Marka 12:34

Nde Iisaa yi'unoo o jaaborake hakkilantaaku ndeen, wi'i mo: — A woɗɗaa e laamu Laamɗo. Caggal ɗuum, fay gooto suusaay ƴamude Iisaa ƴamɗe goɗɗe katin.

Luuka 7:43

Simon jaabii: — Miɗo miila mo o yaafanii kaalisi keewɗo oon. Iisaa wi'i mo: — A haalii goonga!

Romankooɓe 10:4

Sabo Almasiihu woni timmoode jamirooje Tawreeta faa goonɗinɗo ɗum fuu ndaardee ponnditiiɗo.

Romankooɓe 3:19

Eɗen anndi huunde fuu ko Tawreeta Muusaa oon wi'i, wo wonɓe e ley muuɗum ɓeen haaldi, faa kunnduɗe fuu ndeƴƴinoo, de yimɓe adunaaru fuu paama ina poti e hiiteede kiite Laamɗo.

Romankooɓe 7:10

de miin du, maayumi. Jamirooje kaanunooɗe waɗande kam nguurndam ɗeen, laatii jaarooje kam to maayde.

Galaatiyankooɓe 3:12

Tawreeta kaa yowaaki e goonɗinal, sabo ina winndaa: «Gaɗoowo jamirooje Tawreeta, kam wuurdata saabe majje.»

Fillitagol 6:24

Joomiraaɗo yamirii ɗowtanoɗen jamirooje ɗeen fuu de kulen ɗum kam Joomiraaɗo, Laamɗo meeɗen oon faa keɓen jam nyannde fuu de mbuuren hono no njooɗoriɗen hannden noon.