Luuka 1:8 - Dewtere Laamɗo Fulfulde Burkina Faso

⁸ Nyannde gomma, Jakariyaa ina golla golle muuɗum yottinde sadakaaji yeeso Laamɗo, sabo wakkati oon wo waaldeere makko jeyti gollal ngaal.

Luuka 1:8 ပူးပေါင်းရင်းမြစ်များ

1 Kabaaruuji Laamiiɓe 24:19

Wo noon ɓe kokkiraa golle maɓɓe faa ɓe naata ley suudu Joomiraaɗo fodde no baabiiɓe Haaruuna yamiri hono no Joomiraaɗo, Laamɗo Israa'iila wiirunoo noon.

1 Kabaaruuji Laamiiɓe 24:2

Nadabu e Abihu maayi njoppi baabiiɓe, tawi ɓe keɓaayno ɓiɓɓe worɓe. Ndelle Eliyajar e Itamar keddodii e golle almaamaaku ɗeen.

Isira 6:18

Ndeen ɓe kalfini almaami'en golle muɓɓen, waaldeere fu e golla mum. Lewinkooɓe du kalfinaa golle muɓɓen, waaldeere fu e gollal mum faa ngaɗa gollal Laamɗo ley Urusaliima hono no winndiraa ley Tawreeta Muusaa noon.

Wurtagol 28:1

Ngaɗaa sakiike maaɗa Haaruuna wara wona ɗakkol maaɗa, kam e ɓiɓɓe muuɗum, Nadabu e Abihu e Eliyajar e Itamar. Kamɓe ngoni ɓe cuɓiimi hakkunde lenyol Israa'iila faa ngolla gollal almaamaaku yeeso am.

Wurtagol 28:41

Ɓornaa mawna, Haaruuna e ɓiɓɓe muuɗum kolte ɗeen, de njooraa nebbam dow ko'e maɓɓe, ɓe kalfinee gollal ngaal. Ɓe ceninee faa ɓe ngollana kam gollal almaamaaku.

Wurtagol 29:1

Inan ko ngaɗantaa Haaruuna e ɓiɓɓe muuɗum faa ceninaa ɓe de ɓe ngolla gollal almaamaaku yeeso am. Kooƴaa ngaari e jawɗi ɗiɗi ɗi ngalaa malal.

Wurtagol 29:44

Mi seninan hukum am ceniiɗo oon e sakkirde ndeen fuu. Mi seninan Haaruuna e ɓiɓɓe muuɗum faa ɓe ngollana kam gollal almaamaaku.

Wurtagol 29:9

Kaɓɓanaa Haaruuna e ɓiɓɓe muuɗum kaɓɓorɗi ɗiin de kippaa kufuneeje dow ko'e maɓɓe. Noon Haaruuna e ɓiɓɓe muuɗum kalfinirtee almaamaaku. Ɗum laatanoo ɓe kamɓe e ƴuwdi maɓɓe yamiroore faa abada.

Wurtagol 30:30

Njooraa nebbam ɗaam dow Haaruuna e dow ɓiɓɓe muuɗum du, ceninaa ɓe faa ɓe ngollana kam gollal almaamaaku.

Limle 18:7

Ammaa Haaruuna, aan e ɓiɓɓe maaɗa tan njeyi gollude gollal almaamaaku to sakkirde e ko woni gaɗa wudere faliinde e nokkuure seniinde ndeen. Ndaranoɗon gollal ngaal. Mi hokkii on almaamaaku, ɗum laatoo gollal mooɗon. Si mo jeyaaka e mooɗon ɓattake ɗum fu, wo bareteeɗo.

Luuka 1:5

Wakkati jamaanu Hirudus, kaananke Yahuudiya, na woodi almaami gomma bi'eteeɗo Jakariyaa. Imo jeyaa e waaldeere Abiya, ɓii Haaruuna. Dee Jakariyaa du wo ƴuwdi Haaruuna, innde muuɗum wo Elisabet.

Luuka 1:7

Ɓe keɓaay ɓiɗɗo, sabo Elisabet wo dimaro. Ɓe ɗiɗo fuu ɓe naywii du.