Luuka 1:35 - Dewtere Laamɗo Fulfulde Burkina Faso

³⁵ Maleyka oon jaabii mo, wi'i: — Ruuhu Ceniiɗo jippoto e maaɗa, baawɗe Laamɗo Toowɗo cuddete. Saabe ɗuum, ɓiɗɗo mo ndimataa oon inndirte Ceniiɗo, Ɓii Laamɗo.

Luuka 1:35 ပူးပေါင်းရင်းမြစ်များ

Ayuuba 14:4

Moy wurtinta ko laaɓi e ley ko tuuni? Ay, walaa fay gooto.

Ayuuba 15:16

sakko neɗɗo nefniiɗo, keewuɗo oonyaare, jaroowo hakke hono ndiyam!

Ayuuba 25:4

Ndelle neɗɗo wo ɗume faa wi'a Laamɗo «miin jeyi goonga»? Mo debbo rimi waawan laataade laaɓuɗo naa?

Matta 1:18

Inan no Iisaa Almasiihu rimiraa: Mariyama inniiko oon wo kaɓɓanaaɗo Yuusufi. Ammaa fadde makko e suddeede, tawi o reedirii saabe baawɗe Ruuhu Ceniiɗo.

Matta 1:20

Nde o miilotonoo ɗum ndeen, maleyka Joomiraaɗo wari to makko ley koyɗol, wi'i mo: — Yuusufi, taan Daawda, taa hulu ɓaŋude Mariyama, sabo ɓinngel ngel saawi ngeel e Ruuhu Ceniiɗo ƴuuri.

Matta 14:33

Ndeen taalibaaɓe wonɓe ley laana kaan ɓeen cujidani mo, mbi'i: — Tannyoral, aan woni Ɓii Laamɗo!

Matta 27:54

Sordaasiiɓe doomuɓe Iisaa ɓeen e hooreejo muɓɓen nji'ii no leydi dimmborii e ko waɗi ɗuum fuu. Ɓe kuli sanne, ɓe mbi'i: — Si goonga ni, o wo Ɓii Laamɗo!

Matta 4:3

Ndeen, Jarribotooɗo oon ɓattitii mo, wi'i o: — Si a Ɓii Laamɗo, yamir kaaƴe ɗe laatoo nyaamdu.

Marka 1:1

Ɗum woni fuɗɗoode Kabaaru Lobbo haala Iisaa Almasiihu Ɓii Laamɗo.

Marka 1:24

wi'i: — Aan Iisaa mo Nasaraatu, ɗume jomi ma e amin? A warii faa kalkaa min naa? Miɗo anndi ko ngonɗaa, a Ceniiɗo ƴuuruɗo to Laamɗo!

Luuka 1:27

to surbaajo mo taan Daawda bi'eteeɗo Yuusufi haɓɓani. Surbaajo oon ina wi'ee Mariyama.

Luuka 1:34

Mariyama wi'i maleyka oon: — Noy ɗum laatortoo, sabo mi anndaa gorko?

Luuka 1:36

Ndaar, sakiike maa Elisabet du hooƴii reedu ley nayeewu muuɗum, o riman ɓiɗɗo gorko. Imo wi'enoo wo o dimaro, de joonin kaa imo wondi e reedu lewru jeegaɓurdu,

Yuhanna 1:34

Miin, mi yi'ii, mi seedake kanko woni Ɓii Laamɗo.

Yuhanna 1:49

Natanayel jaabii, wi'i: — Moodibbo, wo a Ɓii Laamɗo, wo a kaananke Israa'iila!

Yuhanna 20:31

Ɗi ɗo mbinndaama, faa ngoonɗinon Iisaa woni Almasiihu Ɓii Laamɗo, faa si on ngoonɗinii, keɓon nguurndam saabe makko.

Golle Nelaaɓe 8:36

Iɓe njokki laawol maɓɓe ngool faa ɓe nji'i ndiyam. Howruujo oon wi'i: — Inan ndiyam! Ɗume haɗata kam looteede lootagal batisima?

Romankooɓe 1:4

Fodde Ruuhu ceniiɗo du, holliraama wo Ɓii Laamɗo jom baawɗe ko ummitii e maayde ɗuum. Oon woni Joomiraaɗo meeɗen Iisaa Almasiihu.

Galaatiyankooɓe 2:20

Mi wuuraa miin e hoore am katin, wo Almasiihu wuuri ley am. Nguurndam neɗɗo ɗam mbuurammi joonin ɗam, e ley goonɗinal Ɓii Laamɗo mbuurammi ɗam, kanko jiɗɗo kam de hokkitiri hoore muuɗum saabe am oon.

Efeesunkooɓe 2:3

En fuu e maɓɓe njeyanoɗen, e muuyɗe terɗe meeɗen ngonnoɗen. Eɗen njokkunoo muuyɗe meeɗen e miilooji meeɗen bonɗi. No ngorrunoɗen nii jaati, eɗen kaandunoo e jukkungo Laamɗo ngoon hono maɓɓe ni.

Ibraninkooɓe 4:15

Almaami Mawɗo meeɗen oon, wanaa neɗɗo mo waawaa yurmaade en e lokkaaku meeɗen. O jarribaama no heɓiraa fuu no njarriboraɗen ni, ammaa o waɗaay hakke.