Limle 9:14 - Dewtere Laamɗo Fulfulde Burkina Faso

¹⁴ Si janano tawaaɗo hakkunde mooɗon muuyii waɗude iidi oon saabe teddinde kam fu, na tilsi joomum waɗira ɗum fodde jamirooje ɗee. No ngaɗirton iidi oon fuu noon janano oon du jeyi waɗirde ɗum.

Limle 9:14 ပူးပေါင်းရင်းမြစ်များ

Isira 6:21

Israa'iilankooɓe ƴuuruɓe e maccungaaku ngarti ɓeen nyaami nyaamdu seniindu. Ɓe nyaami kamɓe e yimɓe hawtuɓe e maɓɓe e seniinde ko'e muɓɓen e ko diina haɗi fuu, ko lenyi e leyɗe goɗɗe ngaɗata. Ɓe ngaɗi noon faa ɓe ɗowtanoo Joomiraaɗo, Laamɗo Israa'iila. Ɓe nyaami teewu sadaka iidi Faltagol.

Wurtagol 12:43

Joomiraaɗo wi'i Muusaa e Haaruuna: — Inan yamiroore dow iidi faltagol: Janano fay gooto waawaa nyaamude nyaamdu majjum.

Wurtagol 12:47

Kawrital Israa'iila fuu sanaa waɗa iidi oon.

Lewinkooɓe 19:10

Taa ɓoridon cabiije mooɗon, wooɗi du, taa ɓoɓton ɓiɓɓe cabiije mooɗon caamuɗe e leydi sabo wo ɗum ngeɗu talkaaɓe e jananɓe. Miin woni Joomiraaɗo, Laamɗo mooɗon.

Lewinkooɓe 22:25

Fay si wo janano hokki on ndaaba iri ngaan, taa ɓantee nga yeeso Laamɗo mooɗon. Si wo daabaaji ujaaɗi maa gooduɗi male fu, on jaabantaake.

Lewinkooɓe 24:22

Ndelle sariya gooto oon woodani Israa'iilanke dimo e janano fuu dow majjum. Miin woni Joomiraaɗo, Laamɗo mooɗon.

Lewinkooɓe 25:15

Ko coodoton e ko connoton fuu, sey kiisoroɗon coggu muuɗum fodde duuɓi bittiiɗi gaɗa Hitaande Hokkitingol faltiinde. Connoowo oon du sonna fodde duuɓi tayri keddiiɗi faa hewta Hitaande Hokkitingol waroore.

Limle 15:15

Yamiroore ndeen na woodani kawrital Israa'iila'en e jananɓe wonɓe hakkunde muɓɓen fuu. Ɗowtanoɗon nde ley jamaanuuji fuu.

Limle 15:16

Ndelle yamiroore wootere e sariya gooto woodani on onon Israa'iila'en e jananɓe wonɓe hakkunde mooɗon fuu.

Fillitagol 29:11

Inani on ɗoo, faa naaton ley amaana mo Joomiraaɗo, Laamɗo mooɗon haɓɓidata e mooɗon hannden ley hunayeere.

Fillitagol 31:12

Kawrondinaa jamaare ndeen fuu, worɓe e rewɓe e sukaaɓe e jananɓe jooɗiiɓe ley galluuje mooɗon faa ɓe nana, ɓe paama de ɓe ekitoo hulude Joomiraaɗo, Laamɗo mooɗon oon. Ndeen ɓe tinnoo e ɗowtanaade haalaaji Tawreeta ɗiin fuu.