Limle 8:12 - Dewtere Laamɗo Fulfulde Burkina Faso

¹² Lewinkooɓe ndeka juuɗe muɓɓen dow ko'e ga'i pamari ɗiɗi ɗiin de ɗi cakkanee Joomiraaɗo. Haaruuna waɗa ngootiri sadaka yaafeede hakkeeji maɓɓe, keddiindi ndiin du sadaka buleteeɗo faa mooyta hakkeeji maɓɓe.

Limle 8:12 ပူးပေါင်းရင်းမြစ်များ

Wurtagol 29:10

Ngaddaa ngaari ndiin yeeso Hukum Ceniiɗo toon. Haaruuna e ɓiɓɓe muuɗum njowa juuɗe muɓɓen dow hoore mayri.

Lewinkooɓe 1:4

Gaɗoowo sadaka oon yowa junngo muuɗum dow hoore mayri faa sadaka oon jaabee de hakkeeji muuɗum mooytee.

Lewinkooɓe 14:22

Katin o ɓeyda buugaali ɗiɗi maa nyaabe ɗiɗi fodde ko o heɓi waddude. Wooturu waɗee sadaka yaafeede, heddiindu du, sadaka buleteeɗo.

Lewinkooɓe 16:11

Haaruuna ɓattina ngaari sadaka yaafeede hakke muuɗum de sakka ndi faa hakkeejim e hakkeeji suudu muuɗum fuu mooytee. O hirsa ngaari sadaka yaafeede hakke makko ndiin faa o yaafee.

Lewinkooɓe 16:21

O yowa juuɗe makko dow hoore mayri de o haalta lutti e toonyaaji e hakkeeji Israa'iila'en fuu. O yowa ɗi fuu dow hoore ndamndi ndiin tawa o suɓakeno gorko riiwa ndi nanna ladde yoornde.

Lewinkooɓe 16:6

O sakka ngaari sadaka yaafeede hakke makko kanko e suudu makko de hakkeeji maɓɓe mooytee.

Lewinkooɓe 4:15

Mawɓe Israa'iila njowa juuɗe muɓɓen dow hoore mayri de gooto muɓɓen hirsa ndi yeeso Joomiraaɗo.

Lewinkooɓe 4:20

O waɗa ngaari ndiin hono no o waɗiri ndi sadaka yaafeede ndiin noon pay. Noon almaami oon waɗirta sadaka yaafeede faa hakkeeji maɓɓe mooytee de ɓe njaafee.

Lewinkooɓe 4:35

O itta ko laatii ɓellere e maggu fuu hono no sadaka dewral noon de o wula ɗum kanjum e sadakaaji Joomiraaɗo ɗiin fuu. Noon Almaami waɗiranta o faa hakkeeji makko mooytee de o yaafee.

Lewinkooɓe 4:4

O wadda ngaari ndiin yeeso Joomiraaɗo dammbugal hukum Ceniiɗo. O yowa junngo makko dow hoore mayri de o hirsa ndi yeeso Joomiraaɗo.

Lewinkooɓe 5:7

Si tawii joomum walaa baawɗe waddude sadaka ndaaba pamara yeeso Joomiraaɗo faa hakke muuɗum oon mooytee fu, sey wadda nyaabe ɗiɗi maa buugaali ɗiɗi. Gootel waɗee sadaka yaafeede, keddiingel du, sadaka buleteeɗo.

Lewinkooɓe 8:14

O ɓattini ngaari sadaka yaafeede de Haaruuna e ɓiɓɓe muuɗum ndeki juuɗe muɓɓen dow hoore mayri.

Lewinkooɓe 8:15

Muusaa hirsi ndi, itti ƴiiƴam mayri, suuwi honndu muuɗum nder majjam de wuji dow luwe sakkirde ndeen senini ɗum. O rufi keddiiɗam ɗaam dow joƴƴinirde sakkirde ndeen faa o laaɓina ɗum.

Lewinkooɓe 8:18

O ɓattini njawdiri sadaka buleteeɗo de Haaruuna e ɓiɓɓe muuɗum njowi juuɗe muɓɓen dow hoore mayri.

Lewinkooɓe 8:34

Ko waɗaa hannden ɗuum, wo Joomiraaɗo yamiri ceninireɗon noon faa mooyta hakkeeji mooɗon.

Lewinkooɓe 9:7

Ndeen Muusaa wi'i Haaruuna: — Ɓattoɗaa sakkirde de cakkaa kirsamaari maaɗa sadaka yaafeede e mbulanteendi Joomiraaɗo faa ɗum laatoo ko mooytata hakke maaɗa aan e yimɓe Israa'iila fuu. Caggal ɗuum, ɓattinaa sadaka yimɓe ɓeen de ngaɗanaa ɗum'en noon faa hakkeeji muɓɓen mooytee fodde no Joomiraaɗo yamiri.

Limle 6:14

O warda e sadaka makko to Joomiraaɗo. Ɗum woni jawgel ngel ndunngu ngootu gaɗeteengel sadaka buleteeɗo, e ɓoortu ngu ndunngu ngootu ngaɗeteengu sadaka yaafeede, e njawdiri ngaɗeteendi sadaka dewral. Tawa ɗi fuu ɗi ngalaa malal.

Limle 6:16

Almaami wadda sadakaaji ɗiin yeeso Joomiraaɗo de waɗa sadaka yaafeede e sadaka buleteeɗo.

Limle 8:13

Kennaa Lewinkooɓe yeeso Haaruuna e ɓiɓɓe muuɗum de ngaɗaa ɓe hono dokkal ceniingal yeeso Joomiraaɗo.

Limle 8:8

Ɓe kooƴa ngaari pamardi e sadaka conndi ko yaadata e muuɗum, ɗuum woni conndi ɗaatundi ɓoosidaandi e nebbam, aan du kooƴaa ngaari ɗiɗaɓirdi de ngaɗon sadaka yaafeede.

Ibraninkooɓe 9:22

Si goonga, ko ɓuri heewude ley Tawreeta fu, wo ƴiiƴam laaɓinta ɗum. Si wanaa ƴiiƴam rufaa fu, hakke yaafataake.