Limle 6:27 - Dewtere Laamɗo Fulfulde Burkina Faso

²⁷ Wo noon ɓe caakirta innde am hakkunde yimɓe Israa'iila de mi barkina ɓe.

Limle 6:27 ပူးပေါင်းရင်းမြစ်များ

Fuɗɗoode 32:26

Nde oon yiinoo waawataa mo ndeen, fiyi mo dow asangal, de asangal makko ngaal silɓi ley durwo maɓɓe ngoon.

Fuɗɗoode 32:29

Oon wi'i: — A inndirtaake Yaakuuba katin. A noddirte Israa'iila sabo a durwidii e Laamɗo, wooɗi a durwidii e yimɓe du, de keɓuɗaa barke.

2 Samuwiila 7:23

Lenyol fay gootol walaa ley adunaaru nanndungol e yimɓe maaɗa Israa'iila. Si goonga, lenyol gonngol walaa ngol aan Laamɗo yehi soottiti ƴuwde e maccungaaku, faa laatoo yimɓe maaɗa, faa mawninaa innde maaɗa. A waɗanii hoore maa kulle mawɗe, a waɗii kulle kaayniiɗe du saabe leydi maa. A soottitii ndi e leydi Misira, a riiwii lenyi goɗɗi e tooruuji muɓɓen yeeso yimɓe maaɗa.

1 Kabaaruuji Laamiiɓe 4:10

Yabes noddi Laamɗo Israa'iila wi'i: — Miɗo nyaage mbarkinaa kam, njaajinaa leydi am, de kisinaa kam torraaji e masiibaaji, si aɗa wondi e am. Laamɗo du jaabii ŋaarnde makko ndeen.

Wurtagol 6:3

Arande mi ɓanganiino Ibrahiima e Isiyaaka e Yaakuuba, kollumi ɓe wo mi Laamɗo Jom Baawɗe, ammaa mi anndinaay ɓe innde am wo Joomiraaɗo bi'eteeɗo «Miin Woni» oon.

Limle 23:20

Wo barkinde tan njamiraami, Mi waawaa liɓude ko o barkini.

Matta 28:19

Ndelle, njehee to lenyi yimɓe fuu, ngaɗon ɗum'en taalibaaɓe am, lootiron ɓe lootagal batisima e innde Baabiiwo e Ɓiɗɗo e Ruuhu Ceniiɗo.

Efeesunkooɓe 1:3

Jettooje ngoodanii Laamɗo Baaba Joomiraaɗo meeɗen Iisaa Almasiihu! O waɗanii en barkeeji ɗi Ruuhu hokkata ɗiin fuu to dow kammu saabe kawtal men e Almasiihu.

Fillitagol 28:10

Lenyi adunaaru fuu nji'an no innde Joomiraaɗo worri dow mooɗon de ɗi kula on.