Limle 4:34 - Dewtere Laamɗo Fulfulde Burkina Faso

^34-48 Muusaa e Haaruuna e hooreeɓe lenyi Israa'iila kawriti limi ƴuwdi Lewi fodde koɗorɗe e cuuɗi muɓɓen. Ɓe limi worɓe ɓe duuɓi 30 yaade 50 hewtuɓe gollude ley hukum Ceniiɗo. Worɓe suudu Kehat limaaɓe fuu wo ujunaaje ɗiɗi e keme njeɗɗo e capanɗe njoyo (2.750). Worɓe suudu Gerson limaaɓe fuu wo ujunaaje ɗiɗi e keme njeegom capanɗe tato (2.630). Worɓe suudu Merari limaaɓe fuu wo ujunaaje tati e keme ɗiɗo (3.200). Ɓee ngoni ƴuuruɓe e lenyol Lewi gollooɓe ley hukum oon hono nyiɓugol e ronndagol e golle goɗɗe ɓe Muusaa e Haaruuna limi de mbinndi inɗe muɓɓen fodde no Joomiraaɗo yamirnoo ɗum'en e hunnduko Muusaa. Ɓe fuu wo ɓe worɓe ujunaaje jeetati e keme njoyo e capanɗe njeetato (8.580).

Limle 4:34 ပူးပေါင်းရင်းမြစ်များ

1 Kabaaruuji Laamiiɓe 23:24

Ɓee ngoni ɓiɓɓe Lewi mawɓe ardiiɓe lenyol muɓɓen, limaaɓe gooto gooto fodde cuuɗi muɓɓen. Kamɓe kalfinanoo golle ley suudu Joomiraaɗo gilla mo duuɓi 20 yaade yeeso.

Limle 1:4

Lenyol fuu hooreejo muuɗum gooto, wara wallita on.

Limle 3:27

Ƴuwdi Kehat: wo lenyol Amram, ngol Yitsehar, ngol Heberon e ngol Ujjiyel. Kamɓe mbi'ete Kehatinkooɓe.

Limle 4:33

Ngal woni gollal ngal Merarinkooɓe kalfinaa ley hukum oon. Itamar ɓii almaami Haaruuna kam dawranta ɓe.