Limle 4:15 - Dewtere Laamɗo Fulfulde Burkina Faso

¹⁵ Nde eggol maɓɓe hewti de Haaruuna e ɓiɓɓe muuɗum timmini huurugol kujje nokkuure seniinde e gollitirɗe muuɗum fuu, Kehatinkooɓe ngara ndonndoo ɗum. Taa ɓe meema kujje ceniiɗe ɗeen sabo ɗum saabanto ɓe maayde. Ɗee ngoni golle Kehatinkooɓe ley hukum Ceniiɗo.

Limle 4:15 ပူးပေါင်းရင်းမြစ်များ

2 Samuwiila 15:24

Sadok e Abiyatar, almaami'en ɓeen du na toon. Iɓe njaada e Lewiyankooɓe tiigiiɓe keesuwal Amaana Laamɗo. Ɓe njoƴƴini keesuwal Laamɗo ngaal e leydi, de Abiyatar hetti ɗakkol maggal faa yimɓe ɓeen fuu mburtii ngalluure ndeen.

2 Samuwiila 6:13

Nde tiigiiɓe keesuwal Joomiraaɗo ngaɗunoo caaɓanɗe jeegom fu, o hirsi ngaari e ɓii nagge payɗo.

1 Kaanankooɓe 8:3

Mawɓe Israa'iila fuu ngari de almaami'en ndonndii keesuwal Amaana ngaal.

1 Kabaaruuji Laamiiɓe 15:15

Lewinkooɓe mbakkorii keesuwal Laamɗo ngaal dow balaaje muɓɓen e cabbi fodde no Joomiraaɗo yamirnoo e hunnduko Muusaa noon.

1 Kabaaruuji Laamiiɓe 15:2

Ndeen o wi'i: — Wo Lewinkooɓe tan njeyi ronndaade keesuwal Laamɗo ngaal sabo wo kam'en Joomiraaɗo halfinnoo ronndaade ngal e gollande ɗum faa abada.

1 Kabaaruuji Laamiiɓe 23:26

Ndelle walaa ko Lewinkooɓe na ndonndoo hukum makko e kujje muuɗum gollitirɗe ɗeen katin.

Wurtagol 19:12

Kollaa yimɓe ɓeen kaddi to ɓe ndarotoo ɓe piiloo waamnde ndeen, ɓe kakkila taa ɓe ƴeeŋa dow mayre, taa ɓe ɓattoo nde fey. Ko meemi waamnde ndeen fuu warete.

Wurtagol 19:21

Laamɗo wi'i Muusaa: — Jippa cappanaa yimɓe ɓeen taa karoo ɓattoo ndaara Joomiraaɗo de heewɓe muɓɓen kalka.

Wurtagol 27:7

Ngattaa ɗi nder jawe gonɗe coɓɓuli mayre ɗeen, ɗe coornee e coɓɓuli mayre ɗiɗi ɗiin nde ƴeptetee fuu.

Lewinkooɓe 16:13

O wula ure ɗeen yeeso Joomiraaɗo faa cuurki majje sudda ommboode keesuwal Amaana ngaal. Noon waɗata taa o maaya.

Limle 1:50

Ammaa ɓe kalfinee hukum Keesuwal Amaana to kam e kujje feere feere ceniiɗe fuu ndesaa. Ɓe laatoo rondotooɓe hukum oon e kujje feere feere gonɗe ley muuɗum; ɓe koɗa ɓe piiloo hukum oon de ɓe kaybana ɗum.

Limle 1:51

Nde eggoton fuu, wo kamɓe njeyi huuncude hukum oon; wooɗi du ɗo koɗoton fuu, wo kamɓe njeyi darnude ɗum. Mo wanaa jeyaaɗo e maɓɓe de ɓadii ɗoon fuu wo bareteeɗo.

Limle 10:21

Ndeen Kehatinkooɓe ndewtidi e kujje ceniiɗe ɗeen, ardiiɓe ɓeen du na ndarna hukum oon fadde maɓɓe e yottaade.

Limle 18:3

Ɓe ngollane wooɗi du ɓe ngaɗa golle jeyɗe golleede ley hukum oon fuu. Ammaa taa ɓe ɓattoo kujje nokkuure seniinde maa sakkirde ndeen sabo nde ɓe ɓattii ɗum fu, aan e maɓɓe fuu on maayan.

Limle 3:38

Muusaa e Haaruuna e ɓiɓɓe muuɗum na keeda yeeso hukum oon faro lettugal. Kamɓe kaybanta nokkuure seniinde ndeen e innde Israa'iila fuu. Si mo wanaa almaami ɓattake ɗum fu, wo bareteeɗo.

Limle 4:14

Ɓe ndeka kujje hirsirde gollitirɗe dow lefol ngool: ɗum woni ɓoɓtirɗe ndoondi e juwirɗe teewu e pelliiji e taasahoy mbiccirkoy ƴiiƴam e kujje gollitirɗe keddiiɗe. Ɓe kuurira ɗum fuu e nguru lobbu de ɓe coorna cabbi leɗɗe tiigorɗi ɗum.

Limle 4:19

Ndelle inan no ngaɗanton ɓe faa ɓe kisa maayde si ɓe ɓattowake kujje ceniiɗe ɗeen: Aan Haaruuna e ɓiɓɓe maaɗa kollon ɓe mono fuu ko jeyi gollude maa ko jeyi ronndaade.

Limle 4:20

Taa ɓe ndaara nokkuure seniinde ndeen sabo fay si ɓe leetorii nde maƴƴaango yitere, ɗum saabanto ɓe maayde.

Limle 7:9

O hokkaay Kehatinkooɓe faa'e sabo gollal muɓɓen wo haybande kujje ceniiɗe e wakkaade ɗe.

Fillitagol 31:9

Ndeen Muusaa winndi dewtere Tawreeta ndeen hokki nde almaami'en, ɓiɓɓe Lewi, wakkotooɓe keesuwal Amaana Joomiraaɗo e mawɓe Israa'iila fuu.

Yoosuwa 4:10

Almaami'en keddii hakkunde Urdun faa yimɓe ɓeen tilii e huunde fuu ko Joomiraaɗo yamirnoo Yoosuwa waɗa. Kanjum woni ko Muusaa yamirnoo Yoosuwa waɗa. Yimɓe ɓeen karii peƴƴiti gooruwol ngool.

1 Samuwiila 6:19

Worɓe Betisemes woɓɓe njurnake ley keesuwal ngaal. Saabe ɗuum, Joomiraaɗo wari 70 maɓɓe. Ndeen yimɓe ɓeen cunii sabo Joomiraaɗo tappii yimɓe faa keewi.