Limle 27:14 - Dewtere Laamɗo Fulfulde Burkina Faso

¹⁴ Noon ɗum laatorto saabe on kollaay no innde am foti senoraade nde ngonnoɗon ley ladde Sin, wakkati Israa'iila'en umminannoo kam muurtere saabe ndiyam ndeen. Ɗum woni ndiyam Meriba wuro Kaades ladde Sin toon.

Limle 27:14 ပူးပေါင်းရင်းမြစ်များ

Wurtagol 17:7

O inndiri nokkuure ndeen Massa e Meriba (ɗum na fiirta «Ndaartinaade» e «Luural») sabo wo ɗoon yimɓe Israa'iila luuri e Muusaa. Ɗoon du ɓe ndaartinii Joomiraaɗo, ɓe mbi'i: — Yalla Joomiraaɗo ina wondi e meeɗen naa waldaa e meeɗen?

Limle 13:21

Ɓe ndillani horoyde leydi ndiin. Ɓe kori ndi gilla ladde Sin faa yaade Rehoob ɗakkol ladde Lebo-Hamat.

Limle 20:1

Yimɓe Israa'iila fuu njottii ladde Sin ley lewru go'aɓurdu. Ɓe koɗi Kaades. Ɗoon Mariyama maayi de uwaa.

Limle 20:24

Haaruuna hawritowan e maamiraaɓe muuɗum. O heɓataa naatude leydi ndi podaniimi on ndiin ngam on ɗowtanaaki haala am to diyeele Meriba.

Limle 20:5

Ko saabii de ndillinɗon min Misira, ngadduɗon min nokkuure bonnde ndee? Ndee wanaa nokkuure jaɓoore aaweede gawri maa ƴibbe maa cabiije maa rummaneeje, nde walaa fay ndiyam ko yaree.

Limle 27:15

Ndeen Muusaa wi'i Joomiraaɗo: —

Golle Nelaaɓe 7:51

Etiyen ɓeydi katin, wi'i: — Onon sattuɓe, yoorɓe ɓerɗe, faaɗinkiniiɓe! Abada on celaay salanaade Ruuhu Ceniiɗo! On laatake hono maamiraaɓe mooɗon ɓeen ni.

Fillitagol 1:37

Fay miin, Joomiraaɗo tikkanii kam saabe mooɗon faa wi'ii kam: — Fay aan, a naatataa leydi ndiin.

Fillitagol 4:22

Ndelle miin kaa, ley leydi ndii maayanmi. Mi heɓataa faltaade Urdun. Ammaa onon kaa, on paltoto, naaton leydi lobbiri ndi njeytoton ndiin.