Limle 25:5 - Dewtere Laamɗo Fulfulde Burkina Faso

⁵ Muusaa haaldi e sarotooɓe Israa'iila wi'i ɗum'en: — Mono e mooɗon fuu, wara hooreeɓe cuuɗi Israa'iila hokkuɓe ko'e muɓɓen tooru Ba'al ndu Peyor nduun!

Limle 25:5 ပူးပေါင်းရင်းမြစ်များ

1 Kaanankooɓe 18:40

Ndeen Iliyaasa wi'i ɓe: — Nanngee annabaaɓe Ba'al ɓeen fuu. Fay gooto maɓɓe haanaa daɗude. Yimɓe ɓeen nanngi ɓe. Iliyaasa waɗi ɓe njaara faa ɗakkol gooruwol Kison, de ɓe kirsa toon.

Wurtagol 18:21

Joonin le, ndaaraa hakkunde yimɓe ɓeen fuu, de cuɓoɗaa worɓe saahiiɓe, hulooɓe Laamɗo, hoolniiɓe, wanyuɓe jawdi jambuuri. Ngaɗaa woɓɓe maɓɓe laatoo hooreeɓe dow yimɓe ujunere (1.000), woɓɓe du hooreeɓe yimɓe 100, woɓɓe du yimɓe 50, woɓɓe du yimɓe 10.

Wurtagol 22:20

Taa ngaɗaa beero ko boni, taa torraa ɗum. Ngam onon du, on laatakeno weerɓe ley leydi Misira.

Limle 25:3

Ɓe njokki tooru Ba'al ndu Peyor, ɗuum ummini ɓernde Joomiraaɗo dow maɓɓe.

Fillitagol 13:13

Si on nanii na wi'ee dow wootere e galluuje ɗe Joomiraaɗo, Laamɗo mooɗon hokkata on faa njooɗoɗon ɗeen,

Fillitagol 13:15

Si hono ɗuum waɗowi fu, sey kiinyon sanne, ndaaron faa wooɗa faa paamon yalla ko wi'aa ɗuum wo goonga, si ko boni iri ɗuum waɗii hakkunde mooɗon.

Fillitagol 13:6

Annabaajo naa piirtoowo koyɗi oon kaa, sey waree saabe ekintinii on muurtande Joomiraaɗo, Laamɗo mooɗon, burtinɗo on leydi Misira ley suudu maccungaaku de rimɗini on. O muuyii celon laawol ngol Joomiraaɗo, Laamɗo mooɗon yamiri ndewon ngool. Ndelle sey itton ko boni ɗuum hakkunde mooɗon.

Fillitagol 13:9

Taa njaɓon ko joomum wi'i, taa kettindanoɗon ɗum, taa njurmoɗon ɗum, taa cuuron ɗum.

Yoosuwa 22:17

Miccitee hakke meeɗen ley Peyor. Saabe hakke oon Joomiraaɗo hiitakeno en, waddiino torra mawɗo dow meeɗen. Faa warde hannden en laaɓidaay e bone majjum. Yalla hakke oon heƴaayno naa?