Limle 25:4 - Dewtere Laamɗo Fulfulde Burkina Faso

⁴ Joomiraaɗo wi'i Muusaa: — Njorfa ɓoggi e daaɗe hooreeɓe cuuɗi Israa'iila'en fuu yeeso am iɓe kucciti e naange faa tikkere am ndeen tottitoo Israa'iila.

Limle 25:4 ပူးပေါင်းရင်းမြစ်များ

2 Samuwiila 21:6

Ndelle hokku min worɓe njeɗɗo ley ƴuwdi makko faa min mbara ɓe yeeso Joomiraaɗo faa Gibeya, ngalluure Sawulu, cuɓaaɗo Joomiraaɗo. Daawda wi'i: — Mi hokkan on ɓe.

2 Samuwiila 21:9

Wo kamɓe kaananke watti e ley juuɗe Gibiyonkooɓe. Ɓeen mbari ɓe (de ɗisi ɓalli maɓɓe) dow waamnde Joomiraaɗo seniinde toon. Ɓe njeɗɗo fuu ɓe maaydi nyalaande wootere. Wo ɗum wakkati mo tayri gese (nannduɗe e alkama) fuɗɗata.

Wurtagol 18:25

O suɓii worɓe saahiiɓe hakkunde yimɓe Israa'iila fuu, o waɗi ɗum'en hooreeɓe yimɓe ujune ujune e hemre hemre e capanɗe joy joy e sappo sappo.

Yuunusa 3:9

Moy anndi, yalla Laamɗo accitataa ko wi'i ɗum, itta tikkere muuɗum ndeen dow men faa taa kalken.»

Limle 25:11

Almaami Pinehas ɓii Eliyajar taan Haaruuna tottinii jukkungo am ngoon dow Israa'iila'en ko hirani kam hakkunde maɓɓe ɗum. Wo ɗuum haɗi kam halkude ɓe ɓe fuu wakkati tikkannoomi ɓe ndeen.

Limle 25:18

Ngaɗee noon sabo ɓe toonyorake on jambuuji maɓɓe ɗi ɓe ngaɗi ley Peyor, tawti kabaaru Kosbi ɓii hooreejo Madiyana sakiike maɓɓe baraaɗo nyannde jukkungo Israa'iila ley Peyor.

Fillitagol 13:11

Paɗɗon o kaaƴe faa o maaya sabo o muuyii wosinde on laawol Joomiraaɗo, Laamɗo mooɗon, burtinɗo on leydi Misira, ley suudu maccungaaku.

Fillitagol 13:13

Si on nanii na wi'ee dow wootere e galluuje ɗe Joomiraaɗo, Laamɗo mooɗon hokkata on faa njooɗoɗon ɗeen,

Fillitagol 13:15

Si hono ɗuum waɗowi fu, sey kiinyon sanne, ndaaron faa wooɗa faa paamon yalla ko wi'aa ɗuum wo goonga, si ko boni iri ɗuum waɗii hakkunde mooɗon.

Fillitagol 13:17

Kawrondinon jawdi maɓɓe fuu hakkunde galluure ndeen de mbulanon nde Joomiraaɗo, Laamɗo mooɗon, kayre e ko woni e mayre fuu. Nde laatoo winnde, wooɗi du nde nyiɓtataake faa abada.

Fillitagol 21:22

Si neɗɗo waɗii hakke gaddanoowo ɗum wareede de mbaruɗon ɗum, ɓiluɗon ɓanndum dow leggal fu,

Fillitagol 21:23

taa joomum waala dow leggal ngaal. Na tilsi uwon joomum nyannde ndeen pay, sabo ɓilaaɗo dow leggal wo kuɗaaɗo yeeso Laamɗo. Taa tuuninon leydi ndi Joomiraaɗo, Laamɗo mooɗon hokki on laatoo jeyal mooɗon ndiin.

Fillitagol 4:3

Gite mooɗon nji'ii ko Joomiraaɗo waɗi ley wuro Ba'al-Peyor: Joomiraaɗo, Laamɗo mooɗon halkii teddinannooɓe tooru Ba'al ndu Peyor nduun fuu hakkunde mooɗon.

Yoosuwa 22:17

Miccitee hakke meeɗen ley Peyor. Saabe hakke oon Joomiraaɗo hiitakeno en, waddiino torra mawɗo dow meeɗen. Faa warde hannden en laaɓidaay e bone majjum. Yalla hakke oon heƴaayno naa?

Yoosuwa 23:2

Saabe majjum Yoosuwa noddi yimɓe Israa'iila fuu, mawɓe e hooreeɓe e sarotooɓe e ardiiɓe golleeji feere, wi'i ɗum'en: — Inan, joonin mi naywii sanne.