Limle 23:23 - Dewtere Laamɗo Fulfulde Burkina Faso

²³ Kuddi waawanaa Yaakuuba, Dabare ginnaaji waawataa Israa'iila. Wakkati warowan mo yimɓe mbi'ata dow Yaakuuba e dow Israa'iila: «Inan ko haayni ko Laamɗo waɗi!»

Limle 23:23 ပူးပေါင်းရင်းမြစ်များ

Fuɗɗoode 3:15

Mi waɗan nganyaandi hakkunde maaɗa e debbo oon, e hakkunde ƴuwdi maaɗa e ƴuwdi makko. Ƴuwdi debbo oon fusan hoore maa, aan du, a soppan mo teppere.

Limle 24:1

Balaama faami Joomiraaɗo na haajaa barkinde Israa'iila. Saabe ɗuum o waɗaay dabarankaaku makko hono no arande noon. O wayliti o ƴeewi ladde ndeen.

Matta 12:25

Iisaa na anndi miilooji maɓɓe, de wi'i ɓe: — Laamu fuu pecciingu ina haɓa, halkan. Katin du, si wuro naa galle feccake ina haɓa fu, heddataako.

Matta 12:27

Si tawii miin miɗo riiwra ginnaaji e baawɗe Beeljebul, jokkuɓe on ɓeen le, wo e baawɗe moy ndiiwrata ɗi? Ndelle golleeji maɓɓe jaati ina kolla on ngaldaa e goonga!

Matta 16:18

Miin du, miɗo wi'e Piyeer (ɗum na fiirta «Hayre»). Dow hayre ndeen nyiɓammi kawrital am goonɗinɓe ngaal. Fay maayde e semmbe laakara fuu walaa ko waawi e maggal.

Yuhanna 11:47

Ndeen Farisa'en e hooreeɓe almaami'en kawrunduri waalde Saahiiɓe ndeen, mbi'i: — Gorko o ina waɗa kaayeefiiji keewɗi. Noy ngaɗeten?

Golle Nelaaɓe 10:38

Oɗon anndi no Laamɗo suɓorii Iisaa Nasaraatuujo oon, no jippiniri e muuɗum Ruuhu Ceniiɗo e baawɗe. Oɗon anndi no Iisaa yiilorii e nokkuuje fuu ina golla golleeji lobbi, ina danna ɓe Ibiliisa jaalii na torra fuu, sabo Laamɗo ina wondi e muuɗum.

Golle Nelaaɓe 15:12

Kawrital ngaal fuu deƴƴinii siw, ina hettinii ko Barnabas e Pool pillotoo no Laamɗo hokkiri ɗum'en waɗude maandeeji kaayniiɗi e kaayeefiiji hakkunde lenyi goɗɗi.

Golle Nelaaɓe 4:16

iɓe mbi'a: — Ɗume ngaɗeten worɓe ɗiɗo ɓe? Si goonga, wonɓe Urusaliima fuu tabintinii ɓe ngaɗii maande haayniinde. Katin du en mbaawaa yeddude ɗum.

Golle Nelaaɓe 5:12

Nulaaɓe ɓeen ina ngaɗa maandeeji kaayniiɗi e kaayeefiiji keewɗi hakkunde yimɓe. Tawi goonɗinɓe ɓeen fuu ina kawrita ley danki Suleymaana kiin, ɓe fuu ɓe ɓernde wootere.

Golle Nelaaɓe 5:14

Goonɗinɓe Joomiraaɗo ɓeen ina ɓeydoroo yimɓe heewɓe, worɓe e rewɓe.

Romankooɓe 16:20

Laamɗo jom jam oon waɗan niison Seyɗaani ley teppe mooɗon ko ɓooyataa. Hinney Joomiraaɗo meeɗen Iisaa wondu e mooɗon.

Fillitagol 3:24

Laamɗo Joomiraaɗo, a fuɗɗii hollude kam miin maccuɗo maaɗa manngu ma e semmbe maaɗa mawɗo. Yalla alla oye dow kammu e dow leydi waawi waɗude golleeji e kaayeefiiji hono ɗii?

Yoosuwa 13:22

Wooɗi Israa'iila'en mbardi Balaama ɓii Beyor, gaɗannooɗo ndaggadaaku oon du kaafaahi hono no ɓe mbardi yimɓe heewɓe noon.

Holleede 12:9

Kuungal manngal ngaal riiwaama. Kangal woni mboddi arandeeri mbi'eteendi Ibiliisa naa Seyɗaani, njarribotoondi adunaaru ndu fuu. Ndi faɗɗaama e leydi, kayri e maleyka'en mayri fuu.