Limle 23:13 - Dewtere Laamɗo Fulfulde Burkina Faso

¹³ Balak wi'i katin: — Waru faa njahaden nokkuure wonnde nde mbaawɗaa yiide ɓe faa wooɗa. Ammaa fay toon du wo seeɗa maɓɓe tan nji'ata. A waawaa yi'ude ɓe fuu. Ndeen, kuɗanaa kam ɓe.

Limle 23:13 ပူးပေါင်းရင်းမြစ်များ

1 Kaanankooɓe 20:23

Maccuɓe kaananke Siiriya ɓeen mbi'i ɗum: — Allaaji Israa'iila'en ɗiin wo allaaji baamle. Ɗum waɗi de iɗi ɓuri en semmbe. Ammaa si en kaɓdi e maɓɓe dow njaayri fu, en njaaltoto ɓe.

1 Kaanankooɓe 20:28

Annabaajo oon ɓattitii kaananke Israa'iila katin wi'i ɗum: — Inan ko Joomiraaɗo wi'i: Saabe Siiriyankooɓe ɓe mbi'ii Joomiraaɗo wo alla baamle de wanaa alla njaayri, miin Joomiraaɗo mi wattan jamaare mawnde nde fuu e juuɗe maaɗa, ndeen on paaman ko miin woni Joomiraaɗo.

Limle 22:41

Jaangoore majjum fajiri, Balak ƴeenyidi e Balaama Bamot-Ba'al to ɓe mbaawi haccaade seeɗa e Israa'iila'en ɓeen.

Limle 22:6

Ndelle miɗo ŋaare ngaraa kuɗanaa kam ɓe sabo iɓe ɓuri kam semmbe. Ndeen na hasii mi jaaloto ɓe de mi riiwa ɓe e leydi ndii, sabo miɗo anndi mo mbarkinɗaa fuu wo barkinaaɗo. Mo kuɗuɗaa du, wo kuɗaaɗo.

Limle 23:12

Balaama jaabii wi'i: — Yalla miɗo waawi wi'ude faa'e si wanaa ko Joomiraaɗo watti e hunnduko am naa?

Limle 23:14

O yaari Balaama dow waamnde Pisiga to nokku reenooɓe, o nyiɓi kirsirɗe jeɗɗi dow mayre. O waɗi ngaari e njawdiri sadaka buleteeɗo dow hirsirde fuu.

Yoosuwa 24:9

Nde Balak ɓii Sippor, kaananke Mo'ab umminoo faa haɓa e mooɗon fu, nelani Balaama ɓii Be'or noddowee wara, huɗa on.